'Gay Pride': lau egun harrotasuna, festa eta aldarrikapena zabaltzeko
Bilbao Priden "dibertsioa eta aldarrikapena" bilduko dira, LGBT kolektiboaren eta aniztasunaren aldeko ekimen soziokulturala dela erakutsiz. Bilbo, hiriburu gayfriendly bihurtu nahi dute antolatzaileek lau eguneko egitarauarekin, "LGTB komunitatearentzat erreferentea izango den hirian".
Antolatzaileen mezua argia izan da: "Bilbo mailako Pride bat nahi dugu, bai, baina aldi berean hiriak eta pertsona guztiek Prideren alde egin behar dute". Horretarako, hiritarrei dei egin diete HarroBi batzordeko kideek Bilbao Priden parte hartzera.
Ekainaren 23tik 26ra arte, lau eguneko "punta-puntako egitarauarekin" gozatzeko aukera izango da. Guztira, 20 ekitaldi baino gehiago izango dira. 'Gay Pride' bilbotarraren erdigunea Marzana kaia izango da, izan ere, kontzertu eta ikuskizun gehienak bertan eskainiko dira. Honez gain, hiriko txoko ezberdinetan kale animazioak, ibilbide gastronomikoak, konferentziak eta sentsibilizazio kanpainak egingo dira, besteak beste.
Aurtengo nobedadeen artean, Ibaizabaleko uretan aniztasunaren alde egingo den 'Ur Parade' desfilea azpimarratu behar da. Kolorez apaindutako hainbat ontzi ibiliko dira ibaian zehar aniztasuna harrotasunez erakusten.
Bilboko Gay Harrotasuna 2016 - Egitaraua
Ekainak 23 osteguna
12:00 Kale dekorazioa (Alde Zaharra, Martzana kaia, San Frantzisko alea).
12:00 Ibilbide gastronomikoaren hasiera (Alde Zaharra, Martzana kaia, San Frantzisko kalea).
19:00 Hitzaldia: Giza eskubideak eta LGBT kolektiboaren erronka berriak. La Bolsa (Pelota kalea 10).
20:00 Erakusketa: Udako gau bateko ametsa (Jujo Ortiz). Lamiak taberna.
20:00 – 21:00 Las tiendas más abiertas (La Salve garagardoaren eskutik).
22:30 Las Fellini + Unai Goikolea Dj (Badulake).
Ekainak 24 ostirala
18:00 Sentsibilizazio kanpaina - Bizkaisida (Alde Zaharra).
18:00 Kale animazioa (Alde Zaharra, Martzana kaia, San Frantzisko kalea).
20:00 Les Alsborregach Dj (Martzana kaia).
21:00 Trabestien gala (Martzana kaia).
21:30 Ainhoa Cantalapiedra, Yogurinha Borova + Nenita Danger (Martzana kaia).
22:00 Ibai Sanchez Dj (Martzana kaia).
23:00 Tropical Party: Dubos Dj & Unai Goikolea Dj (La Ribera).
23:30 Asfhord Dj (Badulake).
Ekainak 25 larunbata
12:00 Kale animazioa (Alde Zaharra, Martzana kaia, San Frantzisko Kalea).
18:00 UrParade – Aniztasunaren aldeko desfilea (Ibaizabal).
18:00 Paula Ezkerraren hitzaldia: Feminismo, trabajo sexual y estigma (7Katu gaztetxea).
20:00 Dubos Dj (Martzana kaia).
20:30 Takoien lasterketa (Martzana kaia).
21:00 Barei, Sandra Love, Las Fellini (Martzana kaia).
21:00 Cabaret (7Katu gaztetxea).
22:00 Unai Goikolea Dj (Martzana kaia).
22:00 Sexu eta genero askapen jaia (7Katu gaztetxea).
22:00 Pollote lasterketa + tarota (Gilda taberna).
23:00 Mr Korrala (La Korralda).
23:30 Funny Boys Djs (Badulake).
00:00 Kika Lorace + La Ogra (Sala Play).
Ekainak 26 igandea
13:00 Kaleko animazioa eta Ibilbide Gastronomikoaren amaiera (Alde Zaharra, Martzana kaia, San Frantzisko kalea).
18:00 Gaymer Harrotasuna. Mahai-jokoen zaleen LGBT topaketa Lamiak taberna.
Albiste hau Bilboko Uriolak argitaratu du eta CC-by-sa lizentziari esker ekarri dugu ARGIAra
LGTBI kolektiboko hamar lagunetik bederatzik sekretuan mantentzen du bere sexu-joera laneko nagusien aurrean, eta lautik hiru ez da armairutik ateratzen lankideekin. Zergatiez, beldurrez eta arriskuez hitz egin dute Espainiako LGTBI+ Federazioak egin duen ikerketan.
Etxe honetan askok ezagutzen dute Elena Guinea: 2021eko abenduan aldizkariaren azalean agertu zen, titi bakarrarekin eta irribarretsu, alboan zituela Sandra Barkaiztegi eta Olatz Mercader. Iñurri elkartearen (Min)bizi podcastean entzungo zuten beste hainbatek —Argia... [+]
Santomasetan bi homofobok sudurra apurtu zioten 23 urteko gazte bati eta kasu horren harira hainbat galdera egin dizkio Elkarrekin Podemos-IUk Eusko Jaurlaritzari, LGBTfobiari aurre egiteko neurrien inguruan. Bilboko EHGAMek ere badu zer esana: "Zisheteronorma babesten... [+]
Eliza katolikoak abenduaren 18an argitaratu zuen Fiducia supplicans agirian bikote homosexualak bedeinkatzeko aukera eman zuen. Abenduaren 29an, beste agiri baten bidez, Marc Aillet Baionako apezpikuak Aita Santuaren hitzak bere modura interpretatu zituen. Bere elizbarrutiko... [+]
Eraildako Trans Pertsonen Behatokiak egindako “Trans hilketen monitorizazioa” txostenean 2021eko urriaren 1etik 2022ko irailaren 30era 44 herrialdeetan izandako 327 pertsona transen hilketak salatu dira.