Gasteizko 'Korre 127' eraikina hutsarazi du Udaltzaingoak hainbat lagun zaurituz

  • Blokeak hamar urte zeramatzan hutsik baina abuztuan okupatu zuten: abenduaren 14an egin behar zuten inaugurazioa. Eraikinaren jabe Ensanche 21ek, ate irekien berri izan ostean, salaketa jarri du epaitegietan eta desalojatzeko agindua eman du epaileak. Udaltzaingoak hainbat gazte zauritu ditu.

Hala Bedi @halabedi
2017ko abenduaren 15a

Iragarri bezala, abenduaren 14an inauguratu behar zuten Gasteizko ‘Korre 127’ bloke okupatua. Ekitaldi sorpresa bat zuten bizilagunek eraikinean prest, merienda eta hainbat kolektiboen edo norbanakoen esposaketekin batera. 

Baina inaugurazioaren orduan, Udaltzaingoa agertu da bloke azpira, desalojo aginduarekin. Ensanche 21 elkarteak, ate irekien berri izaterakoan, salaketa bat jarri du aste honetan Gasteizko epaitegietan. Epaileak, orduan, “arriskua” aitzaki, blokea behin-behinean desalojatzeko agindua eman du. Gazteei eraikinetik jaisteko esan diete poliziek, baina hauek ukatu dira. Agindua ikusi ostean, bloketik atera dira: 24 ordu baino gutxiago dituzte objektu guztiak ateratzeko.

 

 

 

Argazki oina

 

 

 

Orduek aurrera egin ahala, gero eta gazte gehiago hurbildu dira bloke okupatuko bizilagunei babesa ematera. Poliziei dagokienez, Udaltzaingoa egon da hasieran, baina 21:00ak aldera Ertzaintza agertu da. Gutxienez, zauritu bat dago -hatzamarra apurtu omen diote- eta poliziak gogor oldartu dira kaleko gazteen aurka. Borra bat ere hautsi dute gazte bat kolpatu dutenean.

Hilabeteetako lanak

Orain dela lau hilabete Gazte Emantzipaziorako Sarea (GES) kolektiboak ‘Korre’ kaleko 127.blokea okupatu zuen. Abuztutik gaur egun arte, etxe honetako kideak lanean ibili dira etxea txukuntzen eta baldintza onetan jartzen.

Blokeak hamar urte zeramatzan hutsik. Izan ere, 2008. urtean, ARICH (Agencia de Revitalizacion Integral del Casco Historico) enpresa sortu eta etxebizitza honen tankerako blokeak kudeatzen hasi zen. Hala ere, nahaspila  urbanistiko ugari sortu zituen enpresa honek, eta egun, zorrak kitatu gabe ditu oraindik.

Etxebizitza honen desjabetze prozesua ulertzeko luze jo behar dugu atzera. ARICH enpresak, tutoretzapeko apartamentu batzuk sortu nahi zituen, baina ez zen inolako mugimendurik egon. Ezarritako datak igarota, proiektu honen eskumena Ensanche 21en eskuetara igaro zen eta 2012. urtean, arrazoi ekonomikoengatik, kudeaketa bertan behera geratu zen.

 

 

Albiste hau Hala Bedi irratiak argitaratu du eta Creative Commons lizentziari esker ekarri dugu.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Okupazioa  |  Gazte mugimendua  |  Gasteiz

Okupazioa kanaletik interesatuko zaizu...
2018-07-16 | Topatu.eus
Errekaleor margotzeko auzolanera deitu dute uztailaren 23tik abuztuaren 3ra

Auzolanean parte hartzen dutenek Errekaleorren gosaldu, bazkaldu eta afaltzeko aukera edukiko dute, baita auzoan lo egitekoa ere, espazio komun zein kanpin dendetan. Izena emateko auzolanaerrekaleor@riseup.net helbidera idazteko eskatu dute.


2018-07-06 | ARGIA
Ertzaintzak lagun bat atxilotu du Donostiako Alde Zaharreko gazte lokala hustu ostean

Ostiral goizean ertzainez lagundutako udaltzainek Donostiako Alde Zaharreko gazte lokal berria hustu eta itxi dute. Joan den larunbatean okupatu zuten Aldamar kalean, urte luzez hutsik izan den bideokluba. ARGIAri bertako iturriek jakinarazi diotenez, udaltzainek ez dute agindu judizialik eta legez kanpoko desalojoaren aukera indarra hartzen ari da.


Okupazio berria Donostiako Alde Zaharrean
"Okupazio eta autogestioaren sokak ez du etenik"

Auzoarentzako lokal bilakatu nahi dute. Azkenaldian okupazio saiakera gehiago egin dira.


2018-07-02 | Nahia Ibarzabal
Aman Komunak sareak deialdia egin du udan ZADera joateko

Udan ZADen egingo den auzolanean eta nazioarteko topaketetan nahi duen orok parte hartu dezake. Izen ematea zabalik dago.


2018-06-26 | ARGIA
Madrilgo La Pluma zentro sozial transfeminista hustu dute Desokupa enpresako hogei bat gizonek

Ordena judizialik barik eta indarkeriaz atera dituzte eraikinean zirenak, El Saltok informatu duenez.


2018-06-26 | Ahotsa.info
Lizarrako Gazte Asanbladak eraikin bat okupatu du

Urte luzeetan zehar Lizarrako Pinupe Gaztetxea gazte mugimenduaren erreferente bat izan eta gero, Lizarrako Gazte Asanbladak okupazio berri bat gauzatzea erabaki du eta Lizarrako erdialdean kokaturik dagoen eraikin publiko batean sartu dira autogestio proiektu bat martxan jartzeko asmoarekin.


2018-06-25 | ARGIA
Errekaleorreko hamazazpi mural erraldoiak

Gasteizko Errekaleor auzoan dauden mural erraldoien argazkiak.


Errepresioaren dimentsio neurtezinak

Notre-Dame-des-Landesko ZADen, jendarmeen eta ekintzaileen arteko istiluetan, gazte batek eskua galdu zuen. Anputatua, guztiz, poliziak legalki erabiltzen duen granada batek lehertua. Burura etorri zitzaidan zeinen zaila izan daiteken erantzukizuna bere tokian kokatu eta mantentzea: zer egiten nuen nik istilu haietan, jakin behar nuen non sartzen nintzen, ez nuen arriskua ondo neurtu.

Iruñeko istiluetan iaz atxilotutako Oreretako gazteek gauza bera pentsa dezakete. Are zamatsuagoa... [+]


2018-06-22 | Hala Bedi
Gasteizko Auzolana Pilotalekua, 10 urte txapa ematen

10 urte bete dira Gasteizko Alde Zaharreko zenbait norbanako eta eragilek pilotalekua okupatzea lortu zutenetik. Azkenengo urteak korapilatsuak izan diren arren, hasierako filosofiak aurrera darrai, autogestioa oinarri izanik.


2018-06-10 | Jakes Bortairu
Notre-Dame-des-Landes

NDDL bezala ezagutua den Nantes aldeko herri txikian 50 urtez aireportu proiektu baten kontrako borroka iragan da, bereziki azken hamarkadan. 2009tik goiti ingurumen eta bertako laborarien defentsari klima aldaketaren problematika gehitu zitzaion, eta oro har, produkzio-modu kapitalistaren erabateko kritika. Hasieran mobilizatu ziren jendarteko eragile desberdinei, beste sektore erradikalago batzuk lotu zitzaizkien proiektua oztopatzeko. Borrokaren dinamikak mikro-jendarte alternatiboa sortu... [+]


Azkenak
EGILEA
Eguneraketa berriak daude