Mendi martxa antolatu du frackingaren aurkako mugimenduak uztailaren 31rako, azken bi urtetan egin bezala. Aurten Gorbeiara igotzeaz gain, lehenengoz Urbiara ere joango dira.
Euskal Herriko mendi federazioarekin batera prestatu dute martxa, eta hitzordua eguerdiko 12tan egin dute Gorbeiako gurutzean eta Urbiako fondan.
Gas-erauzketa sistemaren aurka Gipuzkoan ere mugimendua sortzen hasi delako erabaki dute frackingaren aurkako mobilizazioa Urbian ere egitea. Aurreko urteen gisan, argazki erraldoia ateratzea da asmoa. Bi elkarguneetan kamisetak izango dira salgai, baita sinadurak biltzeko mahaia ere.
Uztailaren 31an Gorbeiara zein Urbiara igotzeko dagoen ohitura baliatu dute deialdia egiteko, “Gure mendiak ez ikutu” lelopean. Bi mendietara oinez joan nahi dutenentzako goizeko 8etan Arriagako aparkalekuan geratu direla jakinarazi dute.
Energia krisiarekin Herbehereetan bidegurutze bat sortu zaie: munduko gas natural hobi handienetako bat itxi, aurreikusita zegoen bezala, edo irekita mantendu Europaren presioei men eginez? Eskueran ditugun energia iturri oparoak aprobetxatzeak nolabaiteko kalteak onartzea... [+]
Armentia-2 putzuan gasa esploratzeari uko egingo ziola ofizialki iragarri eta bost hilabetera, Eusko Jaurlaritzak ez du atzera bota Gasteizko Udalaren erabakiaren aurkako helegitea. EH Bilduk eta Eguzkik bertan behera uzteko eskatu diote.
Udal teknikariek ebatzi dute Hiri Antolamendurako Plan Orokorrak (HAPO) ez duela baimentzen gasa dagoen ikertzeko zundaketarik egitea. EAEko Ekonomiaren Garapeneko, Jasangarritasuneko eta Ingurumeneko sailburu Arantxa Tapiak zabalik utzi du helegitea aurkezteko aukera.
COVID-19ak eragindako anabasaren zalapartak eta klimaren aldaketak hedabideetan uzten dituen irudi beldurgarri bezain espektakularrek estalita, gutxi hitz egiten da petrolioaren krisiaz, tartean fracking-aren gainbeheraz. Bestela esanda, herritarrak ari daitezkeela eztabaidan... [+]
Uztailaren 12an New York Times-ek argitaratu zuen: “AEBetan fracking enpresak kiebra jotzen ari dira, iturrien inguruetan bizi direnei utziz pozoi arriskutsuzko kutsadurak eta herritar guztien bizkar hauek garbitzeko kosteak”. Kronikaren hasieran honako kasu bat... [+]