Galdakaoko Formica lantegiaren eraisketa prozesuan irregulartasunak salatu dituzte. Fenola, formola, naftalenoa eta bestelako gai toxikoekin egiten zuen lan enpresak, eta kritikatu dute ez dela lur horien kutsadura deuseztatzeko neurririk hartu.
2012an itxi zuten lantegia, produkzioa beste fabrika batera eramanez; 200 langile inguru zituen. 2015eko abenduan, Hiri Antolamendurako Plan Orokorra moldatzea erabaki zuen Galdakaoko Udalak, Formicari zegozkion lurrak industrial izatetik komertzial izatera pasatzeko. Lurra birkalifikatzeko aukera ekarri zuen horrek.
Bricomart enpresa multinazionalak lur horiekiko interesa erakutsi zuenean hasi zen birkalifikatze prozesua. 2015eko maiatzean, Galdakaon 14 milioi euroko inbertsioa egiteko asmoa iragarri zuen eraikuntza ekaiak saltzen dituen enpresak. Adeo Taldeko kide da multinazionala.
Irregulartasunak
Irregulartasunak salatu ditu Galdakaoko EH Bilduk: “Lurzoruaren egungo jabeak ez du inolako baimenik eraikina eraisteko eta kutsatutako lurrak hormigoiarekin estaltzen ari da, kutsaduraren aurkako neurriak hartu gabe”. Salaketa Ingurumen Administrazio Zuzendaritzari jakinarazteko asmoa azaldu du.
VUSA enpresak (Valeriano Urrutikoetxea S.A.) dihardu lantegiaren eraiste lanetan eta salaketen ostean, prozesua berriz hasteko erabakia iragarri du Galdakaoko Udalak.
Bideo hau zabaldu dute, salaketaren froga gisa:
2023an, karbono dioxido isuriek %5,3 egin dute behera Espainiako Estatuan. Gehien isurtzen duten hamar enpresen artean, bakarrak egin du gora, Iberia hegazkin konpainiak, %10,7ko igoerarekin. Kutsatzaileen zerrendan aurrena Repsol dago.
AEBetako ikertzaile-talde batek 62 giza karena edo plazenta analizatu ditu, gas-kromatografia eta masa-espektrometria baliatuta, eta frogatu du lagin guztietan mikroplastikoak zeudela. Toxicological Sciences aldizkariak argitaratu du ikerketa. Haren arabera, karen batzuetatik... [+]
Laborariak karrikara atera dira Europa osoan, bizi eta lan baldintza hobeak aldarrikatzeko. Mobilizazioek eragin duten krisi politikoari, pestizidak apaltzeko planaren gibelatzearekin iharduki dio Europako Batzordeak.
40 urtez zabortegi gisa erabilitako eremu batean ari dira eskola publikoa eraikitzen. Kutsadura arriskuak kontuan harturik, leku aldaketaren alde dabil borrokan Hats Berri Bat Arbonari deitu oposizioko taldea. 2024ko irailean abiatuko den ikasturterako bukatu nahi ditu obrak... [+]