Istilu larriak Hanburgon zentro okupatu baten desalojoaren aurka
Hutsarazte arriskuan dago Hanburgoko (Alemania) Rote Flora Zentro Sozial Okupatua, Europako gune autogestionatuen artean ezagunetariko bat. Bertakoek erresistentziaz erantzun diote botatzeko saiakerari.
1989an okupatu zuten eraikina. Geroztik, hamaika tira-bira izan dituzte Udalarekin. Oraingoan, baina, hutseraztea gertu dagoela pentsatzen dute lokal autogestionatuko kideek.
Izan ere, 2011n bukatu zitzaien gunearen jabearekin zuten kontratua, eta aurtengo abenduaren 20rako zuten kaleratze agindua. Horregatik, proiektuaren defentsan, 10.000 pertsona batu ziren abenduaren 21ean antolatu zuten mobilizazioan. Aitzitik, 3.000 polizia saiatu ziren martxa eragozten.
Manifestazioak minutu bat baino ez zuen iraun:
500 pertsona zauritu zituzten indar polizialek, eta 20 eraman zituzten atxilo. Gauean, liskarrak egon ziren manifestari eta polizien artean.
Mobilizazioa laburbiltzen duen bideoa ere eskegi dute sarean.
Rote Flora sarean
Twitterren #HH2112 traola erabiltzeko deia egin dute. Bestalde, Flickr-en manifestazioko argazki galeria osatu du Woerpel erabiltzaileak.
Apirilaren 18rako zegoen ezarrita desalojoa, eta lurrak defendatzeko asmoz bertaratu ziren hainbat pertsona. Ertzaintza, baina, ez zen joan, eta auzitegiek jakinarazi dute atzeratu egin dutela huste saiakera. Desalojoa gelditzea lortzen duten bigarren aldia da.
Berangoko Otxantegiko nekazal lurrak modu kolektiboan lantzen bi urte eman ditu proiektu agroekologikoak, baina desalojo agindua dute apirilaren 18rako. Kanporatzea gelditzea lortu zuten iaz, eta berriro ere lortuko dutelakoan, gosari herrikoia deitu dute egun horretarako... [+]
Apirilaren 13an Berangoko Otxantegi Herri Lurra proiektuaren II. urteurrena ospatuko dute. Apirilaren 18an ordea bigarren desalojo saiakeraren mehatxua izango dute gainean.
Zestoako Gaztetxearen kontrako prozedura judiziala mantentzen du Elizak: asteazken honetan izango da epaiketa. Aurreko ostiralean, Gaztetxearen aldeko elkarretaratze bat izan zen Donostiako Artzain Ona katedralean.
Gipuzkoan, 700 apostasia eskaera baino gehiago lortu dituzte Zestoako Gazte Asanbladak eta Langile Kontrolpeko Espazioen Defentsa Komunitateak. Bihar protesta bat egingo dute Donostiako Artzain Ona katedralean, aurrera baitoa Gaztetxearen kontrako prozedura: hilaren 24an... [+]