Mariano Rajoy Espainiako presidenteak azaldu du aukeratutako datak tarte gehiago uzten diela 2016ko aurrekontuak onartu, hauteskundetara deitu, eta parlamentua osatzeko.
Hauteskundeak abenduaren 13an edo 20an zen egitekoa Espainiako Gobernua. Hartutako erabakia Gabonetako oporraldiaren gertutasunagatik dela justifikatu du Rajoyk, Antena 3 telebista kateak egindako elkarrizketan. Bere hitzetan, hauteskundeak abenduaren 13an egingo baziren, parlamentua Gabonetako oporraldian osatu beharko lukete, zehazki urtarrilaren 7an. Inkesten arabera, alderdi batek ere ez du lortuko gehiengoa, eta ondorioz gobernagarritasun akordioak bilatu beharko lituzkete. Gobernuak onartu behar dituen 2016ko aurrekontuek eragin handia izango dute negoziaketetan. Prozesua luzea izan daiteke, eta horregatik oporraldiaren ostean tarte gehiago nahi dute.
Hauteskundeak iragarri baditu ere, elkarrizketako gai nagusia Katalunia izan da. Rajoyk adierazi du Kataluniako hauteskundeen ostean ikusi dela independentzia aldarrikatzeko “arrisku gutxiago” dagoela, independentistek “soilik” erroldaren %36aren babesa lortu dutelako. Horren harira, Espainiako presidenteak azaldu du Kataluniako egoera “pedagogiaz” eta “hitz eginez” konpondu beharko dela, eta orain arte ezer gutxi egin izana ukatu du.
Artur Mas Kataluniako jarduneko presidentearen inputazioaz ere aritu da. Ukatu egin du Madrilgo gobernuaren erabakia izan denik. Hala ere, argi utzi du Kataluniako Justizia Auzitegi Nagusiaren sententzia babestuko duela.
Konstituzioaren balizko erreforma
Kataluniako hauteskundeen harira, zenbait alderdik defendatzen duten Konstituzioaren erreformaz ere aritu da. Betiko jarrera agertu du Espainiako presidenteak; hitz egiteko prest dela aipatu du, baina beti ere Espainiaren “batasuna” kolokan jartzen ez bada. Pedro Sánchezi egotzi dio Konstituzioaren erreformaren aukera “behin eta berriz” plazaratzea, baina, proiektu “zehatzik” ez izatea.
Mariano Rajoyren inbestiduraren aurka, larunbatean manifestaziora deitu du 25-S erakundeak. Rajoy presidente bihurtuko duen inbestidura saioarekin batera abiatuko da. “Mafiaren kolpearen aurrean, demokrazia” leloarekin abiatuko da.
Espero zenez, Mariano Rajoy PPko hautagaiak ez du lortu Espainiako presidente izateko behar adina babes inbestidura saioko lehen bozketan. Baiezko 170 boto jaso ditu jarduneko presidenteak, eta 180 ezezko. Ez da abstentziorik izan.
Lehendakariak “oportunismoa” egotzi dio EH Bilduri Eusko Jaurlaritzaren ikasturte berriko lehen kontseilu bileraren ostean. Espainiako Gobernuari, abertzaleak mespretxatzea.
Hauteskunde biharamuneko ARGIAren azal honek eskaintzen zuen irudia ez zen txantxetakoa. Hori da Mariano Rajoyren ahotan entzungo den diskurtsoa, Espainia urdinarena. Tribunatik Espainiako eskuinaren nagusitasun ia erabatekoa barreiatuko da.
Datozen 48 orduetan PPk bere eskaerak betetzen ez baditu, inbestidura saioan baiezkoa emateko negoziaketak bertan behera utziko ditu Ciudadanosek.