Dimititu egin du Aldekoa Ertzaintzako buruak, Cabacas hil zuten operazioko arduradunak
Jorge Aldekoa 2013ko azaroan izendatu zuten Ertzaintzako buru. Besteak beste Iñigo Cabacas hil zuten operazioaren arduradun nagusia izan zen. Azaldu duenez, intendente kategoria galdu eta komisario kategoriara itzuli delako aurkeztu du dimisioa.
EAEko Auzitegi Nagusiaren epai bat dela-eta galdu du Aldekoak intendente kategoria. 2011n, intendente kargurako egindako azterketan, jokoan zeuden hamar postuetatik hamargarrena lortu zuen. Hamaikagarren geratu zen ertzainak ordea helegitea ezarri eta hari arrazoia eman dio Auzitegiak.
"Egoera berri honetan, bapatean sortu den testuinguruak Ertzaintza-Buru izaten jarraitzea gehiegi baldintzatzen dutela uste dut", adierazi du Aldekoak. "Horregatik, zerbitzu komisioan betetzen dudan Ertzaintza-Buru postuko errenuntzia aurkeztu diot Segurtasun Saulburuari".
Gaineratu duenez, dena den, intendente kategoriako beste sei posturako deialdia egin du Ertzaintzak, eta berak parte hartzea erabaki du. Sei lehenengoetan geratuz gero, litekeena da kargua berreskuratzea. Momentuz, utzitako hutsunea ez du inork beteko.
"Neure gaitasun profesionalak berean dirau, eta berdin Ertzaintza-Buru izatea onartu nuen egun beretik izan ditudan ilusioak eta konpromezuak", dio gutunean Aldekoak. "Egoera profesional berri honetan, izendatuko dizkidaten leku eta eginkizunetatik, egunez egun jarraituko dut lanean proiektu berritzaile honek aurrera egin dezan, Ertzaintza bere osotasunean hartuz eta indartuz".
Informazio gehiago:
Aldekoaren gutuna Ertzaintzako buruzagiei, Berriaren webgunean (PDF)
Iñigo Gogoan plataformak 22.000 sinadura Aldekoa Ertzainburu izan ez dadin (2014-04-01)
Gizonezkoa kolpatu zuen ertzain agentea kargutik kendu dute kautelazko neurriekin, eta gertakariak ikertzen ari da Ertzaintzaren Barne Arazoetarako Unitatea. Une hartan han ziren polizia agenteen jarrera ere aztertzen ari dira.
Ostiral goizean sare sozialetan zabaldutako bideo batean ikus daiteke nola pertsona bat eztabaidan ari den udaltzain eta ertzain talde batekin. Une batean, ertzainetako batek zartako indartsu batekin lurrera bota du, eta ondoren, lurrean utzita joan dira. Bideoa Irungo San Migel... [+]
Agintaritzaren aurkako atentatua egitea leporatu diete bi atxilotuei. Ertzaintzak adierazi duenez, bi polizia agente zauritu zituzten igandeko operazioan.
2018 eta 2022 artean, gutxienez 32 aldiz erabili zuen arma hori Ertzaintzak. 2017an, Jaurlaritzak 50.687 euro bideratu zituen taser pistolen erosketara. Azken hilabeteetan, dozenaka pertsona zauritu dituzte ertzainek hamaika polizia-kargatan.
Gazte Koordinadora Sozialistak agerraldia egin du Gasteizen, larunbat gauean hainbat gaztek jasandako polizia-indarkeria salatzeko. Izan ere, etxebizitza huts batean sartu ziren gazteei babesa adieraztera bertaratu zen jendea jipoitu zuen Ertzaintzak. Lau pertsona ospitaleratu... [+]