Errefuxiatuen loteria Getxora, gizartearen inplikazioa eskatzeko

  • Hainbat elkarte eta kolektibok Gabon garaia baliatzen dute Europara iristen diren errefuxiatuen egoera salatu eta gizartearen inplikazioa eskatzeko. Loteria baliatu dute Getxon helburu hirrekin. "Saria” Europa ankerrean babesik ez eskatu beharra da, Diagonal egunkariak azaldu duenez.


2016ko abenduaren 23an - 12:09

Milaka errefuxiatuek bizi behar duten egoera jasaten ez duen orori egokitu zaio loteria, muga zein kanpalekutan daudenek edota Europara iritsi nahi dutenek ez duten guztia dugunoi. Mezu hau zabaldu nahi izan du Ongi Etorri Errefuxiatuak-Getxo taldeak.

 Loteriaren zozketa egin bitartean eta ondoren, sari potoloa Getxon egokitu izanaren zurrumurrua abiatu dute sare sozialen bidez. Ondoren, egia azaldu dute, argazkikoa bezalako zenbakiak argitaratuz. Zenbaki irabazlea 4.613 da bertan, Mediterraneo itsasoan 2016an hil diren lagun kopurua.

Arratsaldean errefuxiatu eta immigranteen aldeko kalejira egin zuten. “Helburua positiboki sentsibilizatzea da, guztiak, konbentziturik daudenak eta ez daudenak, gure bizimodua izateaz daukagun zorteaz kontzientziatzeko. Ez du esan nahi hemen arazorik ez dagoenik, baina beste dimentsio batzuetakoak dira errefuxiatuekin alderatuz”, azaldu du taldeko kide Daniel Gutierrezek.

Hainbat kolektibok garai hau erabiltzen dute errefuxiatuen krisi globalaren inguruan kontzientzia sortzeko. Izan ere, estatuek hartutako konpromisoa betetzeko urtebete falta denean Espainiako Estatuak %4 bakarrik bete du, hau da, jaso beharko lituzken 17.337 errefuxiatuetatik 700 bakarrik jaso ditu. Europa mailan zifra are txikiagoa da, %3,5.


Kanal honetatik interesatuko zaizu: Errefuxiatu krisi globala
2024-02-29 | Euskal Irratiak
Otsailean 600 migratzaile lagundu ditu Irungo Harrera Sareak

Migratzaileen kopurua anitz emendatu da Irun eta Hendaia arteko pasabidean. Irungo Harrera Sareak ohartarazi duenez, otsailean 600 pertsona lagundu dituzte, iaz, urte osoan 2.700 izan zirelarik. Iragan urtarrilean, 2.700 etorkin heldu dira Kanariar Uharteetara, egunero 80... [+]


Egunean hemezortzi migratzaile hil ziren bataz beste iaz Espainiako Estatura iristeko ahaleginetan

Caminando Fronteras gobernuz kanpoko erakundeak “Monitoreo Derecho a la Vida” txostenaren edizio berrian egindako balantzea da: 6.618 hildako izan dira mendebaldeko Muga Euroafrikarrean; horien artean, 384 haur.


2023-09-29 | ARGIA
Frantziako Gobernuak Bidasoako muga ixtea ez dela zilegi berretsi du Europako Auzitegiak

Europako Justizia Auzitegiak (EBJA) erabakia hartu du mugako barne-kontrolak berrezartzeko Frantziako Gobernuaren politikari buruz. Bidasoaren mugan ohikoak diren zenbait praktika. hala nola muga igarotzeko debekuak eta berehalako itzulketak, ez direla legearen araberakoak... [+]


Hil gaitzazue

2021eko abuztuaren 15ean, talibanek Kabul mendean hartu zutenean, milaka afganiar ihes egiten saiatu ziren. Soilik hilabete hartan, 35.000 pertsona baino gehiagok zeharkatu zuten Pakistango muga, eta 2022. urtea hasi orduko 145.000 ziren beste aldean. Aldiz, gertakari horien... [+]


2023-08-21 | Hiruka .eus
Pertsona guztien erroldatzea bermatuko duen protokoloa eskatu du Marea Horiak

Ongi Etorri Errefuxiatuak plataformak urteroko Marea Horia izeneko mobilizazioa egin du zapatuan, Plentzia eta Gorlizko hondartzetan. Horietan bildutako lagunek salatu dute mundu osoko milioika pertsonak, euren jatorrizko herrialdeak utzi eta Europara iritsi nahian,... [+]


Eguneraketa berriak daude