Bilboko Administrazioarekiko Auzien 4. Epaitegiak aintzat hartu du 2009an Meatzaldea Bizirik elkarteak aurkeztutako errekurtsoa, eta balio gabe utzi ditu Muskizko Udalak Petronorri emandako bi jardun-baimen: koke plantarena eta CG6 kogenerazio plantarena.
Bi planta horiek egiteko bere garaian egindako obra-baimenak ere baliogabetu ditu sententziak.
Aldeek hamabost eguneko epea daukate helegitea aurkezteko. Sententzia irmoa balitz, Petronorrek koke eta kogenerazio planten jarduera eten beharko lituzke, baina kontuak luze jo dezake, Cristina Alvarez Baquerizok, Meatzaldea Bizirik-en abokatuak adierazi digunez. Izan ere, 2010ean beste epaitegi batek bertan behera utzi zuen Abantoko Udalak findegiaren osoaren jardunerako emandako baimena, baina Petronorrek helegitea aurkeztu zuen, eta Euskal Autonomia Erkidegoko Justizia Auzitegi Nagusiak ez du oraindik ezer ebatzi.
Hain zuzen ere, datorren astean Petronorrekin zerikusia dauka erreportajea kaleratuko du Argiak. Orain urtebete, Abantoko Las Carreras auzoko biztanleak findegian eratutako hodei toxiko baten pean eman zituzten hamabost egun, eta gertatutakoaren erantzukizunak ondo argitu gabe daude oraindik.
Elkarrekin-Podemos taldeak informazioa eskatu du Eusko Legebiltzarrean, Lemoako Bistibietako zabortegian egon daitekeen hondakinen inguruan. Ekologistek sarritan salatu dute bertan gorde zituztela 2002an hondoratutako Prestige petroliontziak askatu eta euskal arrantzaleek itsaso... [+]
Zierbenako portuan planta bat eraiki nahi du enpresak. Arriskutsutzat jotzen diren hondakinak eraldatu eta hormigoi eta baldosen bidez, besteak beste, eraikinetan eta obra publikoetan sartu nahi ditu.
Lizentzia-eskaeran “hainbat artxibo osatu gabe zeudelako” obrak geldiarazteko dekretua sinatu du Muskizko alkate Edu Brionesek.
"Petronor eta Repsol dira Euskadin eta Espainiako Estatuan hurrenez-hurren CO2 gehien isurtzen duten konpainiak", salatu du Greenpeacek. "Gisa honetako ekitaldiak baliatzen dituzte haien irudia garbitzeko".