Elkartasunerako txartela Iruñeko autobus geltoki zaharrean
Sarrerako esku orria jasotzerakoan ohartarazten zaituzte: “Azoka bat baino askoz gehiago”. Bai, iruindarrak badaki, toki hau lehen autobus geltoki zaharra zen eta gaur egun parke publiko estalia.
aurre egingo dieten hedabide independenteak
Arrazoi du esku orriak, hori baino askoz gehiago da une zehatz honetan REASek (Ekonomia Alternatibo eta Solidarioaren Sarea) antolatutako Ekonomia Solidarioaren 3. Azoka hau.
Bizitza eta munduaren ikusmolde zehatz bat islatzen delako bertan, era guztietako aberastasuna sortu eta partekatzen duen komunitate zabala eraiki nahi delako bertatik. “Berdintasuna, justizia, demokrazia, elkartasuna eta jasangarritasuna” helburu bakarrik ez, bizimolde ere bai. Eta postuz postu doanak sentitzen du mezua ez dela telebistan multinazionalak saltzen dion postalaren gisakoa, saltzen zaiona egiazkoa dela arnasten da bertan.
Edo dastatu, Bizilurreko postuko gazta eta zahatoko ardoa bezala. Energia Gara kooperatibako orria dakar lagunak, “bazkide egin nauk, nahi baduk…”, “pentsatuko diat, baduk ordua hitzetatik jarduerara jauzi egiteko”. Azokako hizketaldietako bat da. Dastatu eta zer ez, hiria antola daiteke 65 postu biltzen dituen feriatik. Ostiral eguerdian hasi zen eta igandera arte egongo da, antolatzaileek 5.000 bat lagunen bisita espero dute feriaren amaierarako.
Azokako pasabide eta aretoetan dira birmoldaketaren hariak mugiarazten dituzten saltzaile, erosle eta ikusle soilak. Ikusi egin liteke, esperientziak partekatu, hitzaldiak entzun… eta salerosketa azokako monetan, sarreran aldatzen diren ‘txanpoien’ bidez. Mikro-hitzaldi andana eta makro batzuk ere bai, Paul Nicholson (Via Campesina) eta Peru Sasia (Fiare Banku Etikoa). ATTAC, Oxfam, Bizi… dira irakur daitezkeen sigla eta izenen artean. Nekazaritza produktuak, konfiturak, jantzi, oinetako, seguruak, banku mundua, kontsumo taldeak, salmenta kooperatibak, ingurumena, komunikazioa, aholkularitza, eraikuntza, artisauak… mundutxo bat bestelako munduaren eraikuntzan.
Sare txiki, baina bizia, gero eta trinkoago, gero eta gehiago mugitzen duena: ekonomia solidarioak lurraldean berez askoz gehiago sortzen badu ere, bakarrik Nafarroako REAS sarean 45 elkarte edo enpresa batu dira, 350 pertsona ari dira lanean multzo osoan eta 20 milioi euro mugitzen ditu.
Ezin engainatu, ordea, aurrera ateratzea ez da erraza, hemen ere bada zailtasun eta porrotik. Areago, hamaika porrotetik dator feriakide ugari. Elkartasunez eta ardatzean dirua bakarrik ez denean, ostera, dena da errazagoa. Azoka honetako mezuak zirimiri bailitzan bustitzen du gizartea apurka. Adibide bat: zer ari dira saltzen orain gero eta gehiago Euskal Herriko saltoki handietan? Bertako produktu freskoa… eta ekologikoak ere gero eta indar handiagoz.
Ehunka metro batzuetara bidaiariak geltoki berritik mundurat ateratzen ari diren honetan, hemen ere samur suma liteke feria norabide egokian doala elkartasunaren autobusa hartu nahi duenarentzat.
Rescoop.eu federazioko Kontseilu Errektorean sartu da Goiener kooperatiba, eta "lorpen handitzat" jo du ardura berri hori. Iragan maiatzaren 22an Krakovian (Polonian) egindako Energia Komunitarioaren Foruman parte hartu ahal izan dute, eta une inportantea izan... [+]
Bi kooperatibek euren arteko elkarlanean "urrats sendoagoak" emango dituztela iragarri dute, energia eta telekomunikazio sistema "erresiliente" bat sortzeko. Deia egin diete herritarrei Itzali sistema, piztu alternatibak manifestuarekin bat egin dezaten.
Maiatzaren Lehenaren kari, bere gogoeta partekatu nahi izan du Olatukoop Ekonomia Sozial Eraldatzailea sustatzeko sareak. Langileen egunari lotuta, lanaren izaeraren eta zentzuaren inguruko gogoeta egin dute, lan burujabe eta desiragarriak denontzako garatzeak gure bizitzak eta... [+]
Nortasuna Sarean jardunaldien 10. edizioa egingo dute asteazken honetan Donostiako San Telmon, KomunikaziONA bideguruatzean izenburupean. Egungo komunikazio joerak aztertu eta "alternatiba osasuntsuagoak" topatzen saiatuko dira. Hainbat hizlari gonbidatu dituzte, euren... [+]
Gasteizko Eraman kooperatibak banaketa “era jasangarri eta etikoan” eginez bertako komertzioa bultzatzeko helburua du bere sorreratik, Arabako hiriburuan eta hango bizilagunengan pentsatuta. Hainbat ekimenetan parte hartzen du, horien artean ikasturte honetan egiten... [+]
Gure lurraldeetan eta bizitzetan sortzen diren behar, desio eta ekimenen inguruan gero eta gehiago entzuten dugu harreman eta proiektu publiko-komunitarioak landu beharraz, eta pozgarria da benetan, merkaturik gabeko gizarte antolaketarako ezinbesteko eredua baita. Baina... [+]
Aurrekontuak eta urteko kontuen itxiera, ez da besterik urteko garaiotan; etxeko ekonomiatik hasita, partekatzen ditugun espazio sozioekonomiko gehienetara. Enpresa handiak hasi dira kalkulagailuak ateratzen eta 2025ari begira asmo handiak martxan jartzen. Erakunde eta eragile... [+]
Proiektu ekonomiko kooperatibo eta komunitarioak abian jartzeko grina duten pertsona eta taldeentzako doako eskola da KoopFabrika. Dagoeneko izena emateko epea irekita dago. Urtarrilaren 28an egingo da lehenengo saioa. Olatukoop, Gezki eta Lankiren baliabideei esker antolatu... [+]
Ostegun eta ostiral honetan 40 hizlari baino gehiago ariko dira EHUko Leioako campusean Lana eta sindikalismoa XXI. mendean Nazioarteko Lehen Biltzarrean. Lan munduaren eta sindikalismo eraldatzailearen erronkez eta estrategiez eztabaidatuko dute.
Urriaren 17tik 19ra Burujabetzak izeneko jardunaldiak antolatu dituzte Oiartzun Burujabek eta Udalbiltzak. Tokiko esperientzia eraldatzaileak ezagutzeaz gain, Gironako alkate Lluc Salellasek eta CUPeko parlamentari-ohi Mireia Vehík ere parte hartuko dute hitzaldi banatan.
Lerro hauek idazterako, gazta egiteari utzi diogu eta antzutze prozesu betean gaude. Horrek esan nahi du jetzaldiak gero eta sakabanatuagoak direla denboran, ardiei esnea desagertu arte. Batzuen kasuan, egun gutxitan bukatuko da prozesua, eta gutxi batzuei gehiago kostako zaie.
Bilboko Euskalduna jauregian egindako urteroko kongresuan Mondragoneko lehendakariaren errelebo aldaketa irudikatu dute, orain arte taldeko buru izandako Iñigo Ucinek eta hemendik aurrera kargu hori hartuko duen Pello Rodriguezek. Horrez gain, hurrengo urteetarako bide... [+]
Europako Parlamenturako hauteskundeen biharamunean idazten ditut lerro hauek, garai ilunak, Internazional Erreakzionarioaren garaipena europar legebiltzarrerako hauteskundeetan. Lehenagotik ere bazetorren bolada, eta bizi dugun fase kontserbadorearen berrespena da, baina... [+]
Kale Nagusiko 54. zenbakian dagoen XVIII. mendeko eraikina eskuratu dute, egun Katakraken liburu-denda dagoen ondoan. “Eraikin honetan ez da egongo hostelik, ez luxuzko hotelik, ezta inguruko auzokideek ordaindu ezingo luketen etxebizitzarik ere, hemen hiri-lurra eraikiko... [+]