Ekainaren 2an estreinatuko da Juanba Berasategiren azken filma, 'Nur eta herensugearen tenplua'

  • Apirilean hil den zinegilearen azken proiektua zen Toti Martinez de Lezearen nobelan oinarrituriko animaziozko lana.

Gorka Bereziartua Mitxelena @boligorria
2017ko maiatzaren 08a

Lotura Films ekoiztetxearen eskutik iritsiko da pantaila handietara Nur eta herensugearen tenplua, Txinara bizitzera joan den haur baten istorioa.

Han lagun berriak egingo ditu eta horietako baten urtebetetzea ospatzen ari direla, desagertu egingo da. Galdutako adiskidea aurkitzeko, labirinto batean sartu beharko du Nurrek.

Toti Martinez de Lezea idazlearen izen bereko nobelan oinarritu dira filma egiteko. Eneko Olasagastik moldatu du testua filmeko gidoira eta Joserra Senperenak sinatu du soinu-banda.

Hain zuzen, Berasategi hil ondoren harekin egindako lanaz jardun zuen Senperenak Euskadi Irratian: "Juanba beti zegoen prest proiektu berriez hitz egiteko", azaldu zuen. "Beti uzten zidan askatasun osoa musika egiteko, entzuten bazekien tipoa zen".

Filmaren trailerra eta making of-a

Estreinaldia iritsi bitartean, Lotura Filmsek sarean jarri ditu filmaren trailerra eta making of-a.

 

 

Kanal honetan artxibatua: Zinema

Zinema kanaletik interesatuko zaizu...
2017-10-15 | Gaizka Izagirre
Marketina beldurrezko filmekin akabatzen ari da

“Urteko beldurrezko film beldurgarriena”, “sekulako beldurra pasako duzu”, ”Sitges-en estreinatu zen eta zorabioak eragin zituen”… amua heltzeko helburuarekin, azken urteetan genero honetako ekoizpen bat estreinatzen den bakoitzean, esaldi horiekin bonbardatzen gaituztela ohartuko zineten. Baina ez hori bakarrik, erabiltzen dituzten trailerrak ere ileak puntan jartzeko modukoak izaten dira. Behin filma estreinatu eta aretora joaten garenean ordea, ez... [+]


Zinemaldiko Publikoaren Saria: Barretik negarrera

Jendeak barre egin nahi du, eta negar; sentitu, emozionatu. Beharbada horregatik irabazi du tragikomedia batek Publikoaren Saria.


2017-10-05 | Miren Osa Galdona
40. edizioa izango du Lekeitioko Euskal Zine Bilerak: urriaren 14tik 21era

Urriaren 14tik 21era izango da aurtengo Euskal Zine Bilera, Lekeition. 40. edizioa izango da, eta orain arte bezala, euskarazko filmak izango dira protagonista. Helburua euskarazko lan amateurrak saritzea, eta hauei bidea egiten laguntzea dela esan dute antolatzaileek, baita film profesionalen bilgune izatea ere.


2017-10-04 | Gaizka Izagirre
35 urte geroago, hemen da 'Blade Runner 2049'

Ostiral honetan Blade Runner 2049 iritsiko da Euskal Herrira, Denis Villeneuve (Incendies, Prisoners, Arrival, Sicario, Enemy) zuzendari bikainaren eskutik.


Desastrearen, emakumeen eta 'Handia'-ren Zinemaldia

James Francoren Urrezko Maskorra, Anahí Berneriren eta Sofía Galaren zilarrezkoak eta Handiak jaso duen Epaimahaiaren Sari berezia dira aurtengo palmares ofizialeko puntu nabarmenenak.


Publikoaren Saria / Barretik negarrera

Jendeak barre egin nahi du, eta negar; sentitu, emozionatu. Beharbada horregatik irabazi du tragikomedia batek Publikoaren Saria.


'The disaster artist' filmarentzat Urrezko Maskorra, 'Handia' ere saritu duen Zinemaldian

James Franco zuzendariaren The disaster artist filmak irabazi du Donostiako Zinemaldiko film onenaren Urrezko Maskorra. Jon Garaño eta Aitor Arregiren Handia filmak Epaimahaiaren Sari Berezia eskuratu du.


Perlak / "The Leisure Seeker". Zaharra, baina bizirik

Bai, zaharrek ere desio sexuala dute, eta bizitzaz gozatu nahi dute, maitasunaz. Eskubidea dute erokeriaren bat egiteko, euren kabuz erabakitzeko, aske izateko… eta gustuko ditugu hori guztia gogorarazten diguten filmak.


Sail Ofiziala | Gerra honen azken egunean

Dena iritsi behar da, goizago ala beranduago, amaierara: maitasuna, gerra, filmak eta aurtengo Sail Ofiziala. Der hauptmann alemaniarrarekin itxi da lehiaketa ostiral goizean, erretirada prestatzen hasi da prentsa, baina larunbatean palmaresa ezagutu arte, apustuak egiteko orduak dira Donostian.


Sail Ofiziala, 7. eguna | Franco da nagusi Donostian

Sail Ofizialaren azkenaurreko egunean izen bat nagusitu da: James Franco. Zuzendu eta protagonizatu duen The disaster artist filmak publikoaren algarak eragin ditu.


Azkenak
EGILEA
Eguneraketa berriak daude