“Porrota”. Hala klasifikatu dute EHNEKo kideek 2014ko Nafarroako Exekutiboaren aurrekontua. Diotenez, nekazaritza arloari bideratutako diru-partida “murritza” da.
Gainera, sektoreari esleitutako parte handi bat Nafarroako ubideari zuzendu diote, osotara, 33.333.997 euro. Hau da, kopuruaren %31.
Proiektua ez dute begi onez ikusten elkarteko kideek. Horrela azaldu dute prentsa-ohar baten bidez: “Ubideak ez ditu aurreikuspenak bete: ez du lanposturik sortu, ez ditu gazteak nekazal mundura erakarri, ekoizpena ez da esandako zifretara hurbildu ere egiten eta ureztagarri bihurtu duten lurrazalaren %40 ez da ureztatzen”.
Egitasmoa “estrategia suizida” dela diote, eta gainerako nekazal ekimenen kontra egiten duela. Haien aburuz, laguntza mordoa galdu dute politikariek dirua ubideari bideratzen diotelako. Horregatik, “berehala” bertan behera uzteko eskatu dute.
Abenduaren 21ean, larunbatarekin, 12:00etan abiatuko da protesta, Iruñeko Autobus geltoki zaharretik.
Nafarroako EHNEk plazaratutako prentsa oharra (pdf).
"Prezioen politika eta nekazari eta abeltzainak jasaten ari diren kostuen igoera izugarria salatzeko", manifestazioa egin dute Nafarroako nekazariek hilaren 3an Iruñean, EHNE-Nafarroa, UAGN eta UCAN elkarteek deituta.
"Larria da esne-sektorearen egoera eta, oro har, nekazaritza-sektorearena", salatu dute EHNE, EHNE Bizkaia, UAGN, UAGA eta ENBA sindikatuek. Asteartean Iruñean egin zuten elkarretaratzea, Mercadona supermerkatu baten aurrean; atzo Gasteizen bildu ziren, Gobernu... [+]
Joan den ostiralean, hilaren 1ean, EHNE Nafarroak VII. Biltzarra egin zuen Artikan eta bertan hautatu zuten datozen lau urteetan nekazarien sindikatua gidatuko duen zuzendaritza.
EHNE eta ENBA sindikatuek deituta, Usurbil eta Hernani artean martxa egin dute abeltzainek asteazken honetan. Supermerkatu kateek ahalik eta prezio baxuenak jartzen dituztela salatu dute, merkatuan lehiatu eta irabazi gehiago lortzeko asmoz. Abeltzainek galerak dituzte, eta esne... [+]
"Abeltzaintza sektoreak ezin du jasan animalien elikaduraren eta, bereziki, pentsuaren kostuaren igoera neurrigabea, mundu mailan funtzionatzen duen merkatu erabat espekulatiboan zerealen balioa handitu delako" salatu dute bi sindikatuek.