EAk ETBren hedagailua paratu izana ilegala izan dela esan du Nafarroako Gobernuak
Juan Luis Sánchez de Muniain Nafarroako Gobernuko Kultura kontseilariak esan du EAren ekintza, alegia, ETB LTD bidez ikusteko Erreniegan hedagailua paratu izana, ekintza pirata, legez kanpokoa eta narraskeria izan dela. Industria Ministerioari legea lehenbailehen betetzeko eskatu dio.
EAk atzo adierazi zuenez, hedagailua Iruñerrirako ipintzea 11.776 euro kosta zaie EAko militanteei eta Nafarroa osoak ETB 1 eta ETB 2 ikusi ahal izateko hedagailu sarearen kostua 40.000 eurora ez litzateke iritsiko. Maiorga Ramirez Bilduko legebiltzarkideak esan du Nafarroako Gobernua dela herritarrek ETB ikusi ala ez ikustearen arduraduna eta nafarrak engainatu dituela. Izan ere, Nafarroako Gobernuak eta Eusko Jaurlaritzak adierazia zuten hedagailu sarea antolatzeko milioi bat euro inbertitu beharko ziratekeela. Sánchez de Muniainek adierazi du Gobernuak egin beharrekoa egina duela, protokoloa bete ez duena Eusko Jaurlaritza dela. Oposizioak, PSN barne, Nafarroako Gobernuak afera horretan bere ardura bete dezan eskatu dio.
Contigo-Zurekin taldeak proposatutako ebazpena onartu du Nafarroako Parlamentuak, EH Bildu eta Geroa Bairen aldeko bozkekin. Israelek Gazan duen jarrera genozida salatu eta neurriak hartzeko eskatu dio Parlamentuak Nazioarteko Olinpiar Batzordeari.
Foru Hobekuntzaren erreforma adostu dute Nafarroako eta Espainiako gobernuek, Trafikoa foru exekutiboaren eskuduntza historiko eta esklusiboa dela blindatzeko.
Eskuin muturreko taldeek eta funtzionario publikoek eragindako motibazio politikoko ekintzen biktimen lehen hamabi aitorpenak egin ditu Nafarroako Gobernuak. Beste hirurogei espediente aztertzen ari da.
Asteazkeneko gobernu bileran hartu zen erabakia eta horren ondorioz, Espainiako Gobernuko Trantsizio Ekologikorako Ministerioak Forestalia konpainiari emandako baimenen aurkako helegitea jarriko du foru gobernuak.