#Datraolat tresnarekin traolak eta erabiltzaile-izenak naturalago
Firefox eta Chrome nabigatzaileetarako argitaratu dugun #datraolat gehigarriak traola eta erabiltzaile-izenei kasu marka eta postposizioak modu naturalagoan gehitzeko aukera ematen du.
Twitterreko euskal erabiltzaileek traola eta erabiltzaile-izenei kasu markak eta postposizioak gehitzeko hainbat modu desberdin erabiltzen dituzte. Adibidez, #euskarabilduaren idatzi nahi badugu horrelakoak ikusten dira:
#euskarabildua-ren
#euskarabildua|ren
#euskarabildua ren
#euskarabildua'ren
#euskarabildua.ren
Baina zergatik ez erabili #euskarabilduaren, hori bada nahi duguna? Orain arte ezinezkoa zen baina Iametza interaktiboan garatu ditugun Firefox eta Chromerako gehigarriei esker orain posible da modu erraz batean hori egitea.
Gehigarri hauek instalatzeko pauso hauek jarraitu behar dira:
Firefox
1. Joan Datraolat gehigarriaren orrira.
2. Sakatu "Add to Firefox" jartzen duen botoia.
3. Ohar bat agertuko zaizu. Sakatu "Instalatu".
5. Kitto! datraolat behar bezala instalatu duzula dioen mezu bat agertuko zaizu.
Zure Firefox nabigatzailearen goiko barran traola itxurako botoi berri bat agertuko zaizu. Erabiltzen hasi aurretik orri honetako "Nola erabili" atala irakurtzea gomendatzen dizugu. Oso erraza da!
Chrome
1. Joan Datraolat gehigarriaren orrira.
2. Sakatu "Add to Chrome" botoia.
3. Gehigarria instalatu nahi duzun galdetuko dizu, sakatu "Add extension".
4. Kitto! datraolat behar bezala instalatu duzula dioen mezu bat agertuko zaizu.
Zure Chrome nabigatzailearen goiko barran traola itxurako botoi berri bat agertuko zaizu. Erabiltzen hasi aurretik orri honetako "Nola erabili" atala irakurtzea gomendatzen dizugu. Oso erraza da!
Nola erabili
1. Nahi duzun traola edo erabiltzaile-izena idatzi.
2. Firefox edo Chrome-ko goiko barrako botoia sakatu.
3. Kasu-marka edo postposizioa idatzi eta kitto!
Lizentzia
#datraolat software librea da. Iturburu-kodeak GNU General Public License v3 lizentzia dauka.
X sare sozialak (orain arte Twitter zenak) bere pribatutasun politika aldatu du eta erabiltzaileen ezaugarri fisikoak ere bilduko ditu, besteak beste, aurpegi-ezagutzaren bitartez.
Zis edo zisgnero hitzak erabiltzen dira jaiotako sexuarekin edota hezitako generoarekin eroso sentitzen diren pertsonak izendatzeko. Jaiotako sexuarekin edota ezarritako generoan eroso sentitzen ez direnak trans pertsonak izango lirateke. Errealitate hau beti existitu da, baina... [+]
Uztailaren 1ean erabiltzaileak hasi ziren igartzen, goizetik, Twitter ez zebilela oso ondo. Aplikazioan eguneratzeak geratu egin zitzaizkien, edo "muga" bat gainditu zutelako abisuak jaso. Elon Muskek argitu zuen zer gertatu zen geroago: Bakoitzak ikus ditzakeen txioen... [+]
Umap Twitterreko euskarazko jardunaren biltegia 2010eko urrian hasi zen martxan, CodeSyntax-en eskutik. 2023an, hil egin da. Elon Musk-ek hil du, berak zer garen eta nor garen ez dakien arren. Umap-en hainbat zerbitzuren oinarri izan da, euskarazko txiolarien, hedabideen eta... [+]
2022ko azaroan, Elon Muskek Twitter erosi zuenean, langileen erdia baino gehiago kaleratu zuen, tartean komunikazioko talde ia osoa. Geroztik, kazetarien informazio eskaerek ez dute erantzunik jaso izan. Orain, egoera aldatu da, press@twitter.com helbide elektronikora idatzitako... [+]