Kilometroak'16 ospatuko dute igandean Bergaran, Aranzadi ikastolaren eskutik, Demasa lelopean. Gipuzkoako ikastolen jaialdiak 40. edizioa izango du aurtengoa.
Igandean milaka euskaltzale bilduko dira Bergaran Kilometroak'16an. Aranzadi ikastolak denak prest du jaialdirako eta azken xehetasunen berri ere eman du. Egun osoan lortutako dirua ikastolaren eraikinaren obra egiteko eskatutako maileguak ordaintzeko erabiliko dute.
Bost kilometro izango ditu ibilbideak eta bost gune handitan banaturik egongo da. Egunean zehar mota guztietako ekitaldiak egingo dituzte (puzgarriak, pailazoak, musika kontzertuak...), eta horrez gain txosnak eta jantokiak ere jarriko dituzte, beste zerbitzu ugariren artean. 1.500 boluntario ariko dira lanean.
Aurreikusiz jende asko joango dela Bergarara, garraio publikoa erabiltzea gomendatu dute arduradunek. Horrez gain, beste urtetan bezala, Ampo enpresarekin elkarlanean bizikletentzako biltegiak atonduko dituzte. Eraso sexistak prebenitzeko neurriak ere hartu dituzte, urtean zehar lanean aritu baitira gai horri begira, eta protokolo bat eratu dute.
Kilometroak-eko arduradunen esanetan, igandeko jaialdiak helburu ekonomikoa izatez gain, helburu soziala ere badu: "Urte honetan eta jaiak bertan adimen, adin, pentsaera, sentimendu, joera, jatorri, hizkuntza, gaitasun desberdin horiek guztiak batzea eta elkarrekin lanean jartzea Kilometroen, euskararen eta ikastolen mesedetan".
Ikastolen Elkarteak Beskoitzen egin du ekitaldia, bertako Ikastolaren etorkizuna jokoan baitago.
Kilometroak Ibarran ospatu dute urriaren 2an, "Irribarra" lemapean. Aurtengoaren berezitasuna izan da eremuak ez dituztela adinka bereizi eta ez dela kontzertuen gune bakar bat izendatu, eta jolas zein kirol aukera zabala izan dela. Horrekin, festa giro... [+]
Ohiko guneak goitik behera aldatu ditu Kilometroak jaiaren aurtengo edizioak, hitzaldiak ere antolatu dituzte urriaren 2 honetarako eta ezusteko bat baino gehiago prestatu dute. “Jai parte-hartzaileagoa” izango da, “aldarrikapenari toki handiagoa emango... [+]
Infinitu irribarra egitasmoa aurkeztu dute aurtengo Kilometroak Ikastolen aldeko festaren berrikuntza gisa: irribarrez ateratako argazkiak webgunera igotzera animatu dituzte herritarrak, irribarreen mapa bat osatzeko. Ibarran ospatuko den jaiari atxikimendua emateaz gain,... [+]