Irulegiko arnoaren sor markaren bestak programa azkartu du aurten bi egun aberats proposatzeko aste buru huntan.
Larunbatean, Izpurako sotoek dute publikoa errezebituko, igandean ohizko eguna Irulegin iraganen delarik. Izpurako Abotia, Bordatto, Mourguy eta Brana etxaldeek ateak idekiko dituzte, mahasti, soto eta bazterrak erakusteko bisitalarieri. Toki bakotxean jatera eskainia izanen da ere, izan talo, etxeko ekoizpen edo sukaldari ezagunak prestatu apairua. Arradoien gaindi ibiltzen ahalko da ere oinez edo VTTez. Aratsean Arno gaualdia giro goxoan iraganen da Faustin Bentaberrin, arno ostatu, pintxo, erreki, eta Biper Swing (Jazz Manouche) taldearekin.
Igandeko eguna goizeko 9etan abiatuko da Irulegiko plazan, ibilaldiaren partitzearekin. Irulegiko sor markako arno desberdinen jastatzea
(11h) izanen da eguneko mementorik azkarrena. Eguerdian, Jarapea ostatuko bazkari berezia edo tokiko ekoizleen azita hotzen artean hautatzen ahalko da. Aratsaldean, berina ufatzaile erakusketa, magia ikusgarria, pilota partida, ibilaldiak, txarangak, etab.
"Isiltasuna oztopo eta elkartasuna lagun, egungo mundu gordina" kontatzeko erronkari lotu da Axut! antzerki konpainia.
Frantsesenia lizeoa, 70 urtez Ipar Euskal Herria barnealdeko laborarien formatzen.
Europako Batzordeak landutako Nekazaritza Politika Bateratuaren "sinplifikazioaren" alde bozkatu dute eurodiputatuek. 425ek egin dute alde, 130ek aurka eta beste 33 abstenitu dira.
Ardogintza borborka dago: mundu mailan gaineskaintza dagoela-eta, iaz milaka litro erosi zituen Jaurlaritzak destilatzeko. Espainiako Gobernuak diruz lagundu zuen mahats berdea lurrera botatzea. Aurten ere antzeko neurriak hasi dira agertzen. Baina nola iritsi gara egoera... [+]