Apirilaren 23an jasoko du Hendaiako Sasiko gaztetxeak epaiaren deliberoa
Apirilaren 23an jakingo du Hendaiako Sasiko Gaztetxeak Pariseko Ospitaleko egoitzaren okupazioari buruzko epailearen deliberoa. 2016ko ekainaren 11n sartu ziren 1981etik abandonaturik zen Orio auzoko etxe horretan, eta geroztik, berritze lanak eta jarduera dinamika azkarra antolatu dituzte.
Okupaziotik hona, 500 euro eskatzen dizkio hilabeteka Pariseko ospitaleak, baita 1.500 euroko kalte morala ere. Aldiz, Hendaitz gazte asanbladatik ez dira epailearen deliberoaren esperoan, eta apirilaren 23ko aste horretarako Argi [H]Astea antolatu dute, hitzaldi, kontzertu eta apirilaren 21ean, larunbatarekin, egun handi bat proposatuz ere.
Hastapenetik jaso dute Orio auzoko bizilagunen eta hendaiarren sustengua, eta okupazioa eman eta lehendabiziko uda ondotik, desalojoa sahiesteko Herriko Etxeak eskuartu hartu zuen Pariseko Ospitaleak jabegoarekin. Orduz geroztik, alternatiba gutxi , eta Kotte Ecenarro auzapezarekin zenbait bilkura ukan ondotik ere, horren ondotik gaztetxearen proiektuari segida eman ahal izateko alternatibarik eskaini ote dieten galdetu diegu.
Irati Fernandez eta Oneka Jauregi, gaztetxeko kideen testigantzak batu ditugu.
Albiste hau Antxeta Irratiak argitaratu du eta ARGIAra ekarri dugu CC by-sa lizentzia baliatuta
Apirilaren 18rako zegoen ezarrita desalojoa, eta lurrak defendatzeko asmoz bertaratu ziren hainbat pertsona. Ertzaintza, baina, ez zen joan, eta auzitegiek jakinarazi dute atzeratu egin dutela huste saiakera. Desalojoa gelditzea lortzen duten bigarren aldia da.
Berangoko Otxantegiko nekazal lurrak modu kolektiboan lantzen bi urte eman ditu proiektu agroekologikoak, baina desalojo agindua dute apirilaren 18rako. Kanporatzea gelditzea lortu zuten iaz, eta berriro ere lortuko dutelakoan, gosari herrikoia deitu dute egun horretarako... [+]
Apirilaren 13an Berangoko Otxantegi Herri Lurra proiektuaren II. urteurrena ospatuko dute. Apirilaren 18an ordea bigarren desalojo saiakeraren mehatxua izango dute gainean.
Zestoako Gaztetxearen kontrako prozedura judiziala mantentzen du Elizak: asteazken honetan izango da epaiketa. Aurreko ostiralean, Gaztetxearen aldeko elkarretaratze bat izan zen Donostiako Artzain Ona katedralean.
Gipuzkoan, 700 apostasia eskaera baino gehiago lortu dituzte Zestoako Gazte Asanbladak eta Langile Kontrolpeko Espazioen Defentsa Komunitateak. Bihar protesta bat egingo dute Donostiako Artzain Ona katedralean, aurrera baitoa Gaztetxearen kontrako prozedura: hilaren 24an... [+]