Alemaniako hainbat hegazkin pilotuk uko egin diote errefuxiatuak deportatzeari

  • Errefuxiatuen asilo eskaerek nabarmen egin dute gora Alemanian. Ezezkoa ematen zaienek, euren herrialdeetara berriz itzultzeko deportazio agindua jasotzen dute. Hainbat pilotuk planto egin diote neurriari eta Afganistanera zihoazen hegaldiak bertan behera utzi dituzte. Orotara, 222 hegaldi inguru izan dira.

Miren Osa Galdona @Mirentx_U
2017ko abenduaren 06a
Polituek "segurtasun falta" argudiatu dute. Irudia: U.Zucchi

Pilotuek “segurtasun falta” argudiatu dute. “Afganistan leku segurua dela esaten digute agintariek, baina, egiari zor, indarkeriaz eta errepresioz beteriko lurraldea da. Ezin ditugu bidaiariak bertara bidali”. Aireportu askotan eten dituzte deportazioak. Besteak beste, Düsseldorfen 40 hegaldi indargabetu dituzte eta Frankfurten 140. Pilotuei elkartasuna adierazteko eta deportazioak galarazteko, ohikoak bilakatu dira bi aireportu horietan errefuxiatuen aldeko elkarretaratzeak.

Michael Lamberty Lufthansa konpainiako bozeramaileak “babes osoa” erakutsi die pilotuei eta profesionalak diren aldetik, bidaiari eta lantaldearen “segurtasuna bermatu” behar dutela nabarmendu du: “Kasu askotan, pilotuek errefuxiatuekin hitz egiten dute hegazkinera igo baino lehen. Hegazkin txartela izaten dute, edozein bidaiarik bezala, eta beraien ongizatea oso garrantzitsua da pilotuentzat”.

Alemaniak EBko gainontzeko herrialde guztiek baino asilo eskaera gehiago ebatzi ditu

Deportazioak egiten ari diren arren, asilo eskabideak ez dira eten Alemanian. 2017ko lehen sei hilabetetan, Alemaniak Europar Batasuneko beste herrialde guztiak batuta baino eskaera gehiago ebatzi ditu. Eurostat agentziaren arabera, 388.201 izan dira guztira.

Apelazioek ere gora egin dute; ebazpena jaso dutenen erdiek eskatu dute euren kasua berriz aztertzea. Eskaera horiek direla eta, Alemaniako Gobernuak 22,5 milioi euro gastatu ditu urtarril eta azaro bitartean, aurreko urtean baino 7,8 milioi euro gehiago.

Apelazioak murriztu eta erbesteratzeak areagotzeko asmoz, gobernuak neurri berri bat abiarazi nahi du: ukatutako asilo eskaera bakoitzagatik eta deportazioa onartzearen baldintzapean, eskatzaileari 3.000 euroko konpentsazioa emango dio Berlinek. Asmoa 2018ko otsailetik aurrera indarrean jartzea da.

Kanal hauetan artxibatua: Errefuxiatu krisi globala  |  Alemania

Errefuxiatu krisi globala kanaletik interesatuko zaizu...
2017-12-13 | ARGIA
Donald Tuskek sua piztu du Europan, errefuxiatuak banatzeko kuoten aurka agertu ondoren

Ostegunean biltzekoak dira Europar Batasuneko gobernuburuak eta giroa berotu du Donald Tusk Europako Kontseiluko buruak aurretik egin duen proposamenak: batasuneko herrialdeetara datozen migranteak estatu guztien artean kuota bidez banatzea ez dela eraginkorra adierazi du.


Helduleku bat zulo beltzean

Errefuxiatuen krisiak ez du etenik, komunikabideetan haren oihartzuna apaldu bada ere. Mediterraneoa munduko hobi komunik handienetakoa da. Inoiz ez dugu jakingo zenbat lagun ito diren itsasoan, bizimodu hobe baten bila. Errefuxiatuen krisiari aurre egiteko, Europar Batasunak mugen kontrolera bideratu du indar guztia, polizia eta militarren presentzia handituz.


Bilboko Portua armak esportatzeko zamaontzi baten sarrera ezkutatzen ari dela salatu dute

Getxoko Ongi Etorri Errefuxiatuak taldearen esanetan, sarreren aurreikuspenetan ez da ageri Bahri Tabuk ontzi saudi arabiarraren iritsiera. Ontzigileak ere ezabatu egin du bere agendatik Bilboko geldialdia.


2017-11-23 | Estitxu Eizagirre
Saudi Arabiara bideratutako armei buruzko eztabaida Legebiltzarrean

Eusko Legebiltzarrean eztabaidatu dute azaroaren 23an, Saudi Arabiara Bilboko portutik igorri diren armei buruz. Hona hemen legebiltzarkideek nabarmendu dituzten ideietako batzuk.


2017-11-19 | Miren Artetxe
Bortizkeria matriuskak

Zabaldu matriuska.

EFE agentziaren berria. Lerro-burua: “Cantabria espainiar ontziak itsasoan aurkitutako 26 gorpu lehorreratu ditu”. Testua: “Ontziak Italiako Salerno hirian porturatu ditu 26 emakumeren gorpuak, itsasoan erreskatatutako beste 400 immigrante eta errefuxiaturekin batera”.

Emakumeak izateak ez du, antza, lerro-bururik merezi (eta kurioski, testuan immigrante eta errefuxiatuak bereizteak bai). Salernoko prefetaren azalpenak jasotzen ditu berriak:... [+]


2017-11-15 | Axier Lopez
Ongi etorri armak, refugees go home!

Bilboko Portuaren plan estrategikoaren onurak hedabidez hedabide azaltzen aritu da Asier Atutxa presidentea. Baina, enpresariek beren enpresez hitz egitean ohikoa duten autobonboaz aparte, bi galdera ‘deseroso‘ erantzun behar izan ditu. Bata, errefuxiatuak portura ez sartzeko eraikitzen ari diren harresiari buruz. Eta bigarrena, martxoan Ignacio Robles suhiltzaile desobedienteak piztu zuen eztabaidaren harira, Saudi Arabiara bidean Bilboko Portuan izan diren armaz betetako... [+]


2017-11-09 | Juan Mari Arregi
Portuak, bizitzarako edo heriotzarako?

Bilboko Portuak bost urterako Plan Estrategikoa aurkeztu berri du. Getxoko kruzeroen kaian egin du, munduko itsasontzi hoberenetan milaka turista igarotzen diren tokian. Zein da Plana? Irakurleek prentsa bidez jakin ahal izan dute. Baina portuko agintariek ez dituzte azaldu milaka lagunen bizitzari –eta heritozari– eragiten dieten beste alderdi batzuk, nahiz eta portu hori funtsezko tresna izan. Horixe gogoratu zuen Ongi Etorri Errefuxiatuak plataformak, Planaren aurkezpen... [+]


2017-11-09 | Unai Brea
"Legezkoa den bitartean...", Bilboko Portuko presidentearen erantzuna bertatik armak esportatzeaz

Datozen bost urteetarako Bilboko Portuaren Plan Estrategikoa aurkeztu zuten asteazkenean Getxoko gurutzontzien terminalean. Kanpoko aldean hainbat pertsonak Portuaren politikengatik protesta egiten zuten bitartean, Mikel Otero EH Bilduko legebiltzarkideak arma trafikoaz igorritako galderari erantzun zion Asier Atutxa Portuko Agintaritzako presidenteak: “Legezkoa den bitartean, nire iritziak ez du axola”.


2017-11-08 | Unai Brea
Arma esportazioaren eta migratzaileei hesiak jartzearen aurkako protesta Bilboko Portuan

Ongi Etorri Errefuxiatuak plataformak deituta, Bilboko Portuaren politiken kontra protesta egiteko hainbat lagun bildu dira Getxoko gurutzontzien kaian, portuko Plan Estrategikoa aurkezten ari ziren bitartean. Armak esportatzea eta migratzaileei trabak jartzea salatu dute besteak beste.


2017-10-22 | Andoni Mikelarena
Lotsaren harresia Bilboko Portuan

Bilboko Portuko arduradunak lau metroko altuera duen harresi bat eraikitzen ari dira, errefuxiatuak ferryetan polizoi modura sartzea eragozteko. Erabaki horrek erreakzio ugari eragin ditu.


Azkenak
EGILEA
Eguneraketa berriak daude