Aitzondo, Irunen euskarari bultzada emateko elkartea

  • Irunen euskarak bizi duen egoera kaxkarra irauli eta euskararen erabilerari bultzada emateko asmoarekin, Aitzondo euskara taldea osatu berri dute zenbait herritarrek. Joan den ostiralean egin zuten taldearen aurkezpena. Aitzondoko kideek nabarmendu dutenez, eragile indartsu baten beharra antzeman dute hirian, eta joan den azaroan taldea osatzeari ekin zioten.

Antxeta Irratia
2018ko apirilaren 10a

Lau helburu nagusi dituzte, Irungo euskararen egoeraren gainean hausnartu eta konzientzia zabaltzea, Irungo euskaldunak aktibatu eta ahalduntzea, euskaldunon hizkuntza eskubideen urraketak salatzea, eta euskaraz bizi nahi dutenei euskaraz bizi ahal izateko aukera bermatzen del ziurtatzea. Esan gabe doa, egun dauden legeak betearaziz, eta erakunde publikoen partetik ere, hizkuntza politika egoki bat egiten dela ziurtatuz. Herritarrak aktibatzen hasteko, hizkuntza ohiturak aldatzeko, Euskal Herri osoan jorratuko den egitasmoarein bat egin, eta azaroaren 23tik abenduaren 3ra arte ospatuko den Euskaraldia izango dute abiapuntu.

Hondarribian Blagan elkartearen bidez, eta Hendaian ere, joan den martxoan aurkeztu bezala, Irunen ere Ahobizi eta Belarriprest moduan parte hartzeko aukera emango dute. Horretarako, lanean hasi dira hainbat eragile eta Udalarekin ere.

Euskaraldia prestatzeko bilera hurrengo larunbatean 12:00etan, Palmera Montero guneko bigarren aretoan izango da. Irundar guztiei luzatu diete bertaratzeko deia, eta aurretik iradokizunik bidali nahi izanez gero, irungoeuskarataldea@gmail.com posta elektronikora idatz daiteke.  

Mikel Garcia eta  Maite Lopez de Arbina taldekideekin hitz egin dugu:

Albiste hau Antxeta Irratiak argitaratu du eta CC-by-sa lizentziari esker ekarri dugu ARGIAra.

Kanal hauetan artxibatua: Euskara  |  Irun

Euskara kanaletik interesatuko zaizu...
Erizaintza euskaraz eskaintzeko eskatu diete ikasleek NUPi eta Nafarroako Gobernuko Hezkuntza Sailari

NUPeko erizaintza euskaraz sustatzeko taldeak —Iruñeko Euskalgintza, Ikasle Abertzaleak, LAB, ELA, STEILAS eta Behatokia— neurriak hartzeko eskatuko die Nafarroako Unibertsitate Publikoari eta hezkuntza Sailari, unibertsitate horretan gradua euskaraz egin ahal izateko.


2018-04-23 | Miren Osa Galdona
Asturiera hizkuntza ofiziala bilakatu dadila aldarrikatu dute milaka lagunek Oviedon

Milaka lagun kalera atera dira asturiera hizkuntza ofizial gisa aldarrikatzera. Festa giroan eginiko manifestazioan, profil anitzeko herritarrek hartu dute parte: Antolatzaileen arabera, 30.000 lagunek; 5.000 udaltzainen aburuz


Aiaraldea Ekintzen Faktoria bizitza egitera doa

Bizitzeko proiektu baten aterpea izan asmo du. Aiaraldea Komunikazio Leihoak hauspotu du ekimena, eta komunikabide izatetik komunitate izateko jauzia ematen ari dira. Hezkuntza, feminismoa, kultura, ekonomia sozial eraldatzailea eta elikadura burujabetza ardatz, eta euskara bilgarri eta ibilgailu, bizitzeko alternatibak eraikitzen ari dira Aiaraldea Ekintzen Faktorian.


A, B, D ereduak ikastetxean
Segregazioa elikatzen

EAEko ikasleek ez dute lortzen; Derrigorrezko Bigarren Hezkuntza bukatu eta gaztelaniaz moldatzen dira, baina erdiak euskaraz ez. Hau da, A, B, D... letra zopa ereduak ez duela lortu gazteak elebidun izatea. Aitor Idigoras Steilaseko kideak ikastereduei buruzko eztabaida landu du eta beste hainbat faktorek eragiten duten ikasleen arteko segregazioaz ere aritu gara.


"Somos vascos"

Zein ederra den “Euskaraz bizi nahi dut” edo euskara aldarrikatzeko beste esaldiren bat duen txapa (edo pin-a) soinean edo motxilan eramatea, kalean euskaraz idatzitako esaldi bat daraman kamisetadun norbaitekin gurutzatzea, baita alboko herriko “Euskal jaiak” iritsi eta koadrodun zapia lepoan jantzita euskararen aitzakian parranda itzela botatzea ere.


Nafarroan Euskararen Lege berria idazteko elkarlanean oinarritutako dinamika aurkeztu du Kontseiluak

Lau lan-bilera eginen dira herritarren ekarpenak jasotzeko: maiatzaren 2an Tuteran, 4an Lizarran, 8an Barañainen eta hilabete amaieran Elizondon.


2018-04-17 | ARGIA
Diasporako eta Euskal Herriko 100 gazte aukeratu ditu EuskarAbenturak uztaileko espediziorako

Hiritarrak eta herri txikietakoak, dantzariak eta kirolariak, interes eta talentu anitzeko gazteak elkartuko dira uztaileko EuskarAbenturan. Euskal Herriko herrialde guztietakoak daude taldean.


2018-04-17 | Euskara ari du
Euskara, irabazteko bidean?
MULTIMEDIA - solasaldia

Berriako kazetari Garikoitz Goikoetxeak hitzaldia egin zuen Hernaniko Biterin apirilaren 11n. Euskara irabazteko bidean liburuan, euskalgintzako 100 eragileren iritziak bildu zituen. Liburuko edukia eta bere kazetari-esperientzia oinarri hartuta, aurrera begira hartu beharreko bideei buruz mintzatu zen.

Hitzaldia hamar galderatan egituratu zuen kazetariak, eta galdera bakoitzaren ondoren ideia, iritzi edo datu nagusi batzuk laburbildu.  Honako hauek dira hamar galderak

1... [+]


Besarkadak euskarazko hezkuntzaren alde Erriberrin

Sortzen Elkarteak Besarkatu Ekimena ospatu du igandean Erriberrin, “euskarazko hezkuntzari ate berriak irekitzen ari diren familiak besarkatzeko”.


Eta zuk, bisitari, ba al dakizu hemen euskaraz egiten dela?

Zumaiako kaleetan ikusiko dituzu hemendik aurrera. Gidak azalpenak emango dizkie turistei: euskararen jatorriaz arituko da, non egiten den eta zein euskalki dituen esango die, hiztun kopurua asmatzeko zirikatuko ditu. Ez dute flysch ospetsuaz hitz egingo, euskal nortasunaz, kulturaz eta euskarari buruz baizik. Zumaiako Udaleko euskara eta turismo sailek sortutako ekimena da, eta haien belarrietara iritsi dena kontuan hartuta, tankera horretako bisita gidatu bakarra da Euskal Herrian.


Azkenak
EGILEA
Eguneraketa berriak daude