Hizkuntza ohiturak aldatu eta euskararen erabilera bultzatzeko Lasarte-Oriako iruditeria erabiliko dute lizarratarrek.
Azaroaren 17, 18 eta 19an egingo dute Euskararen Maratoia. Hiru rol aurkeztu dituzte, horietako bi Lasarte-Oriako Euskararen Maratoian erabili ziren berak. Beraz, “ahobiziak” (euskaraz egingo duena) eta “belarriprestak” (hitz egin ez, baina euskaraz entzuteko prest dagoena) izango dira Lizarran, eta hirugarren rola “bihotzgoxoek” beteko dute. Hirugarren horiek ez dute euskaraz ulertzen edo ia batere ez, baina herritarrak euskaraz egitera gonbidatuko dituzte. Lizarratarrek hiru roletako batean izena eman behar dute eta txaparen bidez identifikatuko dira erronka garaian. 150 lagun ahobizi, 300 belarriprest eta 200 bihotzgoxo lortzea dute helburua.
2011ko erroldaren arabera, Lizarrerrian 16 urtetik gorako ia 3.000 euskaldun daude eta beste 3.000tik gora euskara maila batean edo bestean ulertzeko gai dira. Urrian zehar hizkuntza-jarrerak lantzeko hiru tailer egingo dituzte.
Inoiz baino jende gehiago bildu da Iruñerriko III. Mintzodromoan. 180 pertsona inguru aritu dira euskara praktikatzen eta sare euskalduna zabaltzen.
Jaime Altunak Hizkuntzaren funanbulistak. Hizkuntza-sozializazioa kirol eremuan adin eta generoan ardaztuta doktoretza tesia uztailean bukatu du. Gaiaren ezagutza sakonetik eta aurrez beste ikerlariek idatzitakotik hurbildu da begirada berezi bezain zorrotzaz Gipuzkoako zenbait... [+]
Audiogidak frantsezez, alemanez, ingelesez eta gaztelaniaz daude. Biarritzeko turismo bulegoko zuzendari Genevieve Fontainek argudiatu du euskara ez dela “berehalako eskarietako bat”.
Haurren aurrean helduok heldu ekimena urriaren 19tik 29ra egingo da Hego Euskal Herriko 80 herritan. Protagonistak, batez ere, gurasoak izango dira eta bi helburu azpimarratu ditu Euskaltzaleen Topagunea antolatzaileak: batetik, gurasoek hizkuntza ohiturak aldatzeko pausoak... [+]