AAMk baieztatu du Jon Anzarena dela Tolosan aurkitutako gorpua
Amnistiaren Aldeko Mugimenduak jakitera eman duenez, Jon Anzarena da atzo Okzitaniako Tolosan agertutako hilotza. France 3 kateak Jon Anzarena izan daitekeen gorpua agertu dela zabaldu zuen atzo arratsaldeko albistegian.
Oraindik identifikazio prozesua martxan den arren, Okzitaniako Tolosako gorputegi batean Anzarenak izan litezkeen zantzuak dituen gorpua aurkitu dutela zabaldu zuen telebistak, polizia iturriak aipatuta. Gorpua berea bada, hilabeteak egin ditu gorputegian, ikerketak iraun duen bitartean. Polizia iturriek zabaldu dutenez, iazko apirilaren 29an Tolosako parke batean jaso zuten korderik gabe, eta maiatzaren 11n hil zen hiriko ospitalean. Familiak informazioa tentuz hartzeko eskaria egin du eta gaur goizean abiatu dira Tolosara. Datorren ostegunean hamaika hilabete beteko dira Anza desagertu zenetik.
2009ko apirilaren 18an ikusia izan zen azken aldikotz Anza ETAko militantea Baionan. Orduz geroztik ez da sekulan argitu desagerpena, ikerketa hesteko erabakia harturik Frantziako Justiziak. Anza "gerla zikinaren biktima" izan dela deitoratzen du familiak.
Jon Anzaren senideek zortzi orduko kontzentrazioa antolatu dute asteazken honetarako Donostiako Boulevardean: “Parisera joatea dagokigu desagerpenean izandako irregulartasunengatik Frantziar Estatuaren kontra salaketa jarri ostean”.
Miryam Viargues epaileak Jon Anzarena ondoriorik izan ez duen kasu moduan jasotzea eskatu du. Hiru urteko prozedura izan da. ETAko militantea 2009ko apirilaren 18an desagertu zen eta 2010eko martxoaren 11n aurkitu zuten hilda Okzitaniako Tolosako erietxe batean.
Jon Anzaren familiaren abokatuak, Maritxu Paulus-Basurtok, fiskaltzak auzia amaitutzat jotzeko eskaera egingo duen filtrazioaren harira, Frantziako agintariek ETAko militantearen desagertzea eta heriotza argitu nahi ez dutela salatu du.
Myriam Viargues epaileak amaitutzat eman du Jon Anzaren heriotzaren ikerketa. Horrela jakinarazi dio Kazeta.info hedabideari Jon Anzaren familiak. Anza 2009an Baionan desagertu zen eta handik urtebetera Okzitaniako Tolosan aurkitu zuten hilik.