40 argitaletxek eta diskoetxek parte hartuko dute Ziburuko Azokan
Ekainaren 1ean iraganen da azokaren bosgarren edizioa. Liburu aurkezpenak, kontzertu ttipiak zein bestelako ekitaldiak, egitarau oparoa osatzen dabiltza Baltsan elkartea eta ARGIA.
Badator Ziburuko Liburu eta Disko Azoka, Baltsan elkarte ziburutarrak eta ARGIAk elkarlanean antolaturiko hitzordua. Ekainaren 1ean iraganen da bosgarren edizioa eta dagoeneko beterik dute Ziburuko plazan kokaturiko karpa: 40 argitaletxek eta diskoetxek eman dute parte hartzeko izena. Liburu aurkezpenak, kontzertu laburrak, zein bestelako ekimen kulturalak, egun osoko egitaraua osatzen dabiltza antolatzaileak. Hastapeneko helburuari fideltasuna erakutsiz, "euskara hutsez, atseginez plaza betetzeko" xedez.
Azoka handituz joan da bere erritmoan, urratsez urrats eta datorren edizioan ere doi bat handiagoa izanen da eskaintza literarioa eta musikala. Hamasei argitaletxerekin eta diskoetxerekin hasi eta 40 dira aurten.
Azokaldia: lau hitzordu maiatzean zehar
Berritasunak ere dakartza aurtengo edizioak. Hain zuzen, aitzineko lau asteetan zehar, literatura eta oro har sorkuntza bihotzean daukaten hitzordu kulturalak eskainiko dituzte ondoko herrietan. Zehazki, Azkainen, Donibane Lohizunen, Urruñan eta Ziburun izanen dira hitzorduak. Eskaintza kulturala aberasteaz gain, inguruko elkarteekin saretzeko asmoz osatu dute Azokaldia.
Ziburuko azokaren giroa dakar iazkoari tiraka Gorka Peñagarikanok idatzi zuen Lagun zaharrekin elkartzen naiz bertan... kronikak.
Aurtengo Ziburuko Euskal Liburu eta Diska Azokaren aurkezpenean, irakurketa hau plazaratu dute antolatzaile diren Baltsan elkarteak eta ARGIAk. Baltsan elkartean, maiatzaren 7an.
Ekainaren 1ean izango da Baltsan elkarteak eta ARGIAk elkarlanean antolatzen duten euskara hutsezko azoka, eta oparo dator bosgarren edizioa. Aurten 41 argitaletxe izango dira bertan (inoizko gehien) eta egitarauan ordu erdiro izango da ekitaldiren bat musikaz eta literaturaz... [+]
Aitzina doa Baltsan elkartean eta ARGIAk, Ziburu inguruko eragileekin batera antolaturiko Azokaldia. Datorren hitzordua maiatzaren 17an izanen da, Urruñako Berttolin. Bertako ikastolako Euskaraz Bizi taldearekin elkarlanean antolaturiko hitzordu literario musikatua dugu... [+]
Azkainen aurkeztu du Ander Lipusek bere ibilbide artistikoaren inguruko gogoeta jaso duen liburua: Antzerkiaren labirintoan I. Bigarren partea ere badu liburuak, “antzerkilariei gehiago zuzendurikoa” dena bere esanetan, baina Azkaineko irakurle taldeak lehenbizikoa... [+]
Ziburuko Baltsan elkartean aurkeztu dute antolatzaileek euskara hutseko liburu eta disko azokaren 5. edizioa. 41 argitaletxe izango dira bertan (inoizko gehienak), 120 metro erakusmahai beteko dituzte denen artean (inoizko gehienak) euskarazko irakurgai eta musikarekin eta... [+]