San Frantses Xabier ikastetxea

Teknologia alboratu, teknologiaz hausnartzeko

  • Urruñako San Frantses Xabier ikastetxean "10 egun pantailarik gabe" erronkari helduko diote aurten ere, ikasle eta helduek teknologiarekin duten harremanaz hausnartu, pantailari begira behar baino denbora gehiago emateak eskolako errendimenduan eragin negatiboa duela azaleratu eta bortizkeriaren banalizazioaz ohartaraztea helburu, besteak beste.

Jon Torner Zabala @jtorner
2017ko irailaren 05a
Telebista, mugikor, bideo-joko, ordenagailu edota tabletak alboratu eta "elkarbizitza garatzen dituzten ekintzak" antolatzea du helburu ekimenak (Arg.: Dani Blanco)

“Kolpeak, irainak, hitz larriak… banalizatuak direla ikusten dugu, ez soilik helduen kolegioetan, baita Lehen Mailan ere, 11 urtez azpiko umeen artean”, kontatu zigun pasa den ikasturtean Eneko Jorajuriak, San Frantses Xabier ikastetxeko Lehen Mailako irakasleak. Adingabeak eta mugikorrak: Internetekoa ez da bizitza birtuala erreportajean jaso genuen ekimenaren berri. Jorajuriak azaldu zigun bortizkeriak presentzia handia duela telebistan, baita marrazki bizidunetan eta gazteei zuzendutako filmetan ere, eta horrek ekar dezakeela indarkeria dagokion tamainan ez neurtzea, ikasleek distantziarik ez hartzea, sarri ez dutelako bortizkeria gisa errekonozitzen. “YouTubeko hainbat bideorekin berdin; umore modu berria da haientzat”. Dioenez, geroz eta lehenago erosten dizkiegu mugikorrak umeei, eta zaila da kontrolatzea uneoro zer egiten duten. Gauez ohe ondoan uzten dituzte, eta goizeko ordu txikietan elkarri mezuak igortzen dizkiote, hirugarren bati buruz hitz egiten aritzen dira… Horrek guztiak eragina du harremanetan”.

Halaber, gosaltzeko tenorean edo oheratu baino lehen pantailari begira egoteak atentzio anitz eskatzen diela dio, ez duela laguntzen burmuina pausatzen, eta arreta gutxiagorekin doazela eskolara. Eskolaz kanpoko gailuak direnez ahal bezain gutxi erabili beharrekoak, gurasoen parte-hartze aktiboa ezinbestekoa da, eta zonaldeko eragileak ere inplikatzen dituzte, “sobera” geratzen zaien denbora hainbat elkarte eta eragileren jarduna ezagutzeko baliatzen baitute ikasleek.

Gainerako ikastetxeei gonbita

Ikasturte berriaren hondarrean gauzatuko dute egitasmoa, 2018ko maiatzaren 15etik 24ra bitartean, urrats bat harago joateko asmoarekin. "Indarra batasunak ematen du; beraz, beste ikastetxeak gurekin parte hartzea gomitatzen ditugu", diote San Frantses Xabier ikastetxetik. "Haurtzaindegiei, elkarteei, herriko etxeei, mediatekei, liburutegiei, artistei eta norbanako guztiei kolaboratzaileago izanen litzatekeen manifestazioan parte hartzea deia egiten diegu. Edozein iniziatibak eta sormenak bere tokia izanen lukete: artista horrek obra plastikoa eginen luke, elkarte horrek konferentzia bat antolatu, guraso elkarte horrek ateraldi bat antolatu, auzo horrek piknik partekatu bat, kultur gela horrek beherapen bat eskaini desafioan parte hartzen duten haurrei..."

Interesatuak direnek mezua bidali dezakete contact@10jourssansecransurrugne.org helbidera. Halaber, irailaren 21ean informazio eta lan bilkurara deitu dute.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Teknologia  |  Hezkuntza  |  Urru˝a

Teknologia kanaletik interesatuko zaizu...
2018-07-17 | Lander Arbelaitz
Ertzaintzak dio droneak BBK Live-n erabili dituela lehen aldiz jendea kontrolatzeko, ez da hala

Eusko Jaurlaritzako Segurtasun Sailak zabaldu du BBK Live festibalean droneak erabili dituela "lehen aldiz bere historian gune bat kontrolatu eta zelatatzeko", EiTBk jaso duenez. Hori ez da horrela. Gutxienez bi aldiz erabili izan ditu lehenago protesta sozialak zelatatzeko: Gipuzkoa Zutikek iaz erraustegira eta makro-kartzelara antolatutako martxan eta aurten Bizitza Da Handienak Egian, Munduko Turismoaren Goi Bileraren ondoan egin zuen asanbladan.


2018-06-08 | ARGIA
Facebookek publiko egin ditu 14 milioi erabiltzaileren mezu pribatuak

Maiatzaren 18 eta 27a bitartean softwarean emandako "akats" baten ondorioz, txat eta talde itxien bidez erabiltzaileek bidalitako mezuak publiko egin dira.


2018-06-07 | Librezale
Mastodon: Fedibertsora euskaraz

Fedibertsoa elkarrekin bateragarriak diren gizarte-sare federatu libreen ekosistema bat da. Hainbat zerbitzaritan eta saretan egonda ere, erabiltzaileak elkarrekin komunikatzen dira federazioari esker.


2018-05-30 | ARGIA
Bideozaintzan eta poliziaren datu-kudeaketan ardurak eduki ditu EAEko datuen babeserako ordezkari berriak

Eusko Jaurlaritzak Arantza Sanabria izendatu du EAEko Administrazio Publikoko Datuak Babesteko ordezkari. Estatus berezia izango du lanpostuak, Irekia webgunean irakurtzen denez: legegintzaldi arrunta baino luzeagoa izango da haren agintaldia, sei urtekoa; eta beste hainbeste urtez luzatzeko aukera izango du.


2018-05-27 | Lander Arbelaitz
Masiboki zelatatutako gizartea

“Denbora askoan, erabat zelatatutako mundu baten ideia erokeria utopiko edo paranoiko gisa hartu izan da, teoria konspiratzaileekin obsesionatutako jendearen irudimen aluzinatua. Hala ere, egiari zor: hemen eta orain Zelataren Inperio antzeko baten kontrolpean bizi gara. Gu konturatu gabe, geroz eta behatuago, espiatuago, zelatatuago, kontrolatuago, fitxatuago gaude.


Lehen eta azken telegramak

Washington (AEB), 1844ko maiatzaren 24a. Samuel Morsek lehen telegrama bidali zion Baltimoren zegoen Albert Vail laguntzaileari, eta hark atzera Morseri bidaltzea lortu zuen 19 letraz osatutako Bibliako pasartea. Horrenbestez, telegrafia elektrikoaren aroa abiatu zen.


2018-05-08 | Sustatu
Burujabetza Teknologikoa izango da protagonista Informatikari Euskaldunen XI. Bilkuran

Bilkura UEUko Informatika sailak, Miramon Enpresa Digitalak eta Donostiako Udaleko Euskara zerbitzuak antolatu dute eta maiatzaren 17an izango da, Donostiako Miramon Teknologi Elkargunean. Hamaikagarren edizioko gai nagusia Burujabetza Teknologikoa izango da, eta aurrekoetan bezala, esperientziak trukatzea eta elkarlanerako espazioak ere sortu nahi dira. Egun berean III. Euskarazko Internet Eguna ospatuko da, PuntuEUS Fundazioarekin elkarlanean. Matrikula doan da baina izena eman behar da [+]


2018-05-02 | Miren Osa Galdona
Twitterrek ere datuak saldu dizkio Cambridge Analyticari

Facebookek egin bezala, Twitterrek ere erabiltzaileen datuak saldu dizkio aholkularitza enpresa berberari. Hala ziurtatu dio The Telegraphi, baina ezberdintasun batekin: Facebookek ez bezala, txoriaren sare sozialak ez ditu erabiltzaileen datu pertsonalak saldu.


2018-04-27 | ARGIA
Muy Bastas orria ezabatu du Facebookek, mezu feministak zabaltzeagatik

Sareko umore politikoa zabaltzen duen kontu anonimoa da Muy Bastas, Facebooken 280.000 jarraitzaile inguru dauzka, Euskal Herrian jarraitzaile gehien duen orrietako bat. Twitterrez informatu dutenez, besteren artean, Irantzu Varela ekintzaile feministaren txioak zabaltzeagatik indargabetu du enpresa multinazionalak.


2018-04-24 | Sustatu
Sant Esteve de les Roures (edo Doneztebe-Hariztieta), fikziozko herri independentista katalana

Guardia Zibilaren txosten batean agertu zen, martxoan, Sant Esteve de les Roures herri katalana. El Mundo egunkariak jaso zuen albistea, Guardia Zibilak 315 ekintza biolento ziurtatu zizkiola Auzitegi Gorenari, horietako batzuk, bereziki larriak, aipaturiko herrian. Baina Sant Esteve de les Roures ez da existitzen. Asmatutako herria da... edo izan da, orain Interneten bizi-bizi baitago, Twitterreko hainbat konturen bidez bizia hartu du herriak.


Azkenak
EGILEA
Eguneraketa berriak daude