Baietz Hernanik! ekimena azken txanpan dago jada, eta programazio zabala antolatu dugu.
Euskara ari du Kultur Elkarteak indartsu ekin diogu irailari. Hilaren 6an prentsaurrekoa egin genuen Biterin, gurekin lanean jardun diren eragile batzuekin batera. Zenbait enpresatako ordezkariak ere han izan ziren, zehazki, Orona,... [+]
Juanitok 50 urte inguru daramatza Hernanin bizitzen, baina inoiz ez du euskaraz ikasi. Errusian edo Txinan bizi izan balitz, honezkero hizkuntza ikasita izango zuela dio. Horrek ematen du zer pentsatua. Orain, ikasten hasi dela, lagun diezaiogun berari ere pixkanaka bere euskara hobetzen!
Baietz Hernanik!
San Joan festetan bete-betean gaude, eta gaurkoan erronkalari berezi batekin gatoz. Hernanin dagoeneko 700 erronkalaritik gora daudela jakinda, Axeriak ere ez du atzean geratu nahi izan, eta bere erronkaren berri ere eman nahi izan digu. Ez ahaztu euskararen erronka urte osokoa eta denona dela! Animatu eta hartu zure erronka! Eta nola ez, gozatu San Joan jaiez. Aupa San Joan eta gora Hernani!
Joanmarik lagunen artean hartu zuen erronka, koadrilako lagunekin hain zuzen ere. Batzuek gaztelaniaz hitz egiteko joera nabarmena dutela-eta, arlo horretan eragin nahi izan du Joanmarik. Euskaldunok euskara garela ohartaraziz, gure hizkuntzari adi egiteko eskatzen digu.
ETa zuk, aukeratu al duzu zure erronka? Animatu eta eman izena!
Baietz Hernanik!!!!
[youtube... [+]
Uxue Hernaniko athletismo-taldeko kide da. Taldekoekin euskarari eustea hartu du erronkatzat. Batzuetan kosta egiten bazaio ere, pixkanaka ari omen da. Eutsi horri Uxue! Eta zuk aukeratu al duzu zure erronka?
Baietz Hernanik!
[youtube https://www.youtube.com/watch?v=DD39Bplqqq0&w=560&h=315]
Anek denda batean egiten du lan, eta, hain zuzen, lantokian hartu du erronka: bezeroekin euskaraz egingo du. Pozik dago, eta aurrera egiteko gogoz! Eta zuk, aukeratu al duzu zurea?
https://youtu.be/4VHKVE4sscA
Ander futbolaria da Hernaniko taldean. Taldekideekin gaztelaniaz aritzeko joera zuela eta, horri buelta eman nahi izan dio, hasieran batekin, eta gerora, denekin. Zuk aukeratu al duzu zure erronka? https://euskaraaridu.eus/izen-ematea/
Euskara ari du Kultur Elkarteak Baietz Hernanik! ekimenak hiru hilabete bete zituela ospatu zuen pasa den larunbatean.
Biteriko plaza banderiñez betetzen ari da. Izan ere, gero eta hernaniar gehiago ari dira bat egiten Baietz Hernanik! ekimenarekin eta Euskara ari dukoek nolabait adierazi nahi izan dute, eta Biteriko plaza izan da horretarako bidea.
Kattalin Minerrek eman zion... [+]
Urtebeteko erronka abiatu zela hiru hilabete beteko dira laster, eta ospatzeko gogoz gaude. Mugarri bat jartzeko unea iritsi da. Denok bildu eta balorazioa egiteko garaia badela iruditzen zaigu, oraindik urte amaiera urrun dugu eta aurrera begira, zer pauso eman jakiteko, zure iritzia jakin nahiko genuke.
Hori dela eta, maiatzaren 5ean, goizeko 12:00etan ekitaldi txiki bat antolatu dugu,... [+]
Maria Jesusek Osakidetzan egiten du lan, eta dei ugari erantzuten ditu. Euskaldun askok gaztelaniarako joera dutela ohartu da, eta, hain zuzen, egoera horretan eragitea hartu du erronkatzat; hau da, euskaldunak gaztelaniaz hasten zaizkionean, berak euskarari eutsiko dio. Eta zuk, erabaki al duzu zure erronka?
Juanma euskara ikasten ari da AEK-n. Etxean emazteari eta seme-alabei, eta lanean, bezero euskaldunei euskaraz egiteko eskatu die, eta berak ahal duen guztia egiten du euskaraz. Harrigarria gertatzen zaio euskaldun zaharrak elkarren artean erderaz ari direla ikustea. Horregatik, zehazki eskatu die berari behintzat euskaraz egiteko. Eta zuk, zer erronka hartuko duzu?
Garikoitz Goikoetxea kazetariaren hitzaldia
Garikoitz Goikoetxea kazetariak hitzaldia eskaini berri du Euskara Ari Du. Baietz Hernanik kanpainaren barruan. 2016. urtean argitaratu zuen “Euskara irabazteko bidean” liburua oinarri hartuta, hainbat datu, azterketa eta libururako elkarrizketatutako adituen adierazpenak mahaigaineratu zituen, euskara irabazteko... [+]
Euskara ari du Kultur Elkarteak beste hitzaldi bat antolatu du Baietz Hernanik! egitasmoaren baitan, apirilaren 11n, 7etan Biterin.
Oraingoan Garikoitz Goikoetxea Berriako kazetaria izango dugu gurean. Euskara irabazteko bidean liburuan, ehun eragileren iritziak bildu zituen euskararen inguruko aztergai nagusiak agerian uzteko: ezagutza eta erabileraren arteko jauzia, diskurtsoak, gaur egungo... [+]
Otsaileko erronkalarietako bat da Axpi. Ez du erronka erraza aukeratu Axpik, hain zuzen, aitarekin. Harreman estuetan izan ohi da zailena ohitura aldatzea. Dena dela, ari dira, eta pixkanaka, hobetzen ari direla dio pozik. Behin hasita, uste baino errazagoa da. Animatu eta eman izena!
Manexek ere otsailean heldu zion erronkari. Ikasketak direla eta, Arrasaten bizi da, eta han erderaz izugarri entzuten du. Erderaz hitz egiten zieten horiei euskaraz erantzutea hartu zuen erronkatzat, eta dioenez, gero eta hobeto ari da, gustura. Behin hasita, uste baino errazagoa da, hastea da kontua. #BaietzHernanik
Petra Elserren esanetan, koloretako Euskal Herria nahi badugu denok jarri behar dugu gure aldetik
Pasa den astelehenean Petra Elser, itzultzailea eta Banaiz Bagara Elkarteko zuzendaria izan genuen gurekin Biterin, Euskal Herriaren iruditeria berria sortzeko pista batzuk ematen. Petrak 15 urte daramatza gure artean bizitzen, eta azken hamar urteetan, euskara etorkinekin lantzen aritu... [+]
Cristinak otsailean heldu zion erronkari. Idoiarekin hartu zuen, alabaren pelukerarekin. Gaztelaniaz ezagutu omen ziren, baina orain, erronka dela eta, beren harremana euskaraz da. Cristina oso pozik dago, behin jarrita, erronka lor daitekeela esaten du. Jada hurrengoa du buruan.
Petra Elser Frankfurten jaioa da, baina urteak daramatza Euskal Herrian. Kartzelan ikasi zuen euskaraz, eta behin handik aterata, itzulpengintzan jardun izan da literatura-lanak euskaratik alemanierara itzultzen, besteak beste, Sarrionandiaren “Lagun izoztua”.
Emakumea, ama, langilea, atzerritarra eta euskalduna izatea ez omen zen erraza izan hasieran, baina Euskal Herrian bere... [+]
Otsailean erronkarekin hasi zen erronkalarietako bat dugu Patxi. Esan digunaren arabera, oso gustura ari da, eta erronka baliagarri gertatu zaio uste baino jende gehiagok euskaraz ulertzen duela ohartzeko. Zuk aukeratu al duzu zure erronka? Animatu eta eman izena!
Euskara ari du Kultur Elkarteak urtebeteko egitasmoa martxan jarri zuenean, berehala ohartu zen egitasmoak abesti bat ere beharko zuela, berezko melodia bat, entzutean hernaniarrei Baietz Hernanik! egitasmoa zuzenean burura etor ziezaien.
Horregatik, Andoni Tolosa Morau eta Maite Larburu hernaniarrekin harremanetan jarri ziren, ekimenerako abesti bat eskatzeko. Bai Andoni, bai Maite eskarmentu... [+]
Larunbatean hilabete bete zen Euskara ari du Kultur Elkartearen Baietz Hernanik! egitasmoa abiatu zela. Gauzak horrela, martxoan erronkalari berriak hasiko zirela ospatzeko, ekitaldi txiki bat egin zuten Biteriren aurrean, aholku- eta gogoeta-saioen hitzordua baliatuz.
Saioen ondoren, Iraulio Panttalone bertso-eskolako Estitxu Agirre eta Iker Ormazabal bertsolari gazteek euskararen aldeko... [+]
Martxoaren 3an, datorren larunbatean, hilabete egingo da Baietz Hernanik! urtebeteko egitasmoa abiatu zela, eta egun horretarako ere zerbait berezia prestatzen ari dira Euskara ari du Kultur Elkartekoak.
Biteriren aurrean beste bi banderatxo-zerrendarekin esnatu ginen astearte goizean. Euskara ari dukoek jarri zituzten larunbateko aholku- eta gogoeta-saioen ondorengo ekitaldirako. Banan-banan... [+]
