Jaurlaritzak luxuzko bidaiak oparitzen dizkie nazioarteko kazetariei Euskadiko turismoa sustatzeko
Asteburu pasa baterako, 1.800 euro inguruko bidaia bana ordaindu zien Eusko Jaurlaritzak Italiako sei kazetariri joan den azaroan. Iaz, guztira antzerako 26 talde-bidaia ordaindu zituen Jaurlaritzak; guztira, 145.000 euro.
Sei kazetari italiarrek azaroaren 4tik 7ra egin zuten oporraldia Euskal Autonomia Erkidegoan. Bilbora heldu ziren ostiralean, azaroaren 4an. Ur azpiko upategi Crusoe Treasure-n ardo- eta pintxo-dastaketak egin zituzten lehenik, Guggenheim museoa bisitatu zuten ondoren, eta Michelin izarra duen Atelier Etxanobe luxuzko jatetxean afaldu zuten gero, pertsonako 150 euro baino gehiago ordainduta Jaurlaritzak.
Lehen eguneko antzerako plangintzarekin jarraitu zuten beste hiru egunetan. Balenciaga museoa bisitatu zuten Getarian, Zarautz ezagutu, Michelin izarra duen Donostiako Kokotxa jatetxean bazkaltzera eraman zituzten eta pintxo-dastaketarekin jarraitu, besteak beste. Eta Araban, berriz, Izki Golf-era joan ziren, Kanpetzuko Arrea! jatetxean jan zuten, eta Guardian eta Marqués de Riscal upategi ospetsura eraman zituzten, dena ordainduta. Gasteizen, Zabala jatetxean bazkaldu zuten.
Sei kazetariak turismo-kazetaritzan espezializatutako Italiako hedabide hauetatik zetozen: Itinerari e Luoghi, Bell’Europa aldizkaria eta haren argitaletxe Cairo Editore, Radio Popolare eta Corriere della Sera hedabide entzutetsuaren Dove aldizkaria.
Asteburu hartako bidaiatik itzuli eta hilabete eskasera, Radio Popolarek ordutebete inguruko saioa eskaini zion Euskal Autonomia Erkidegoko turismoari, "exotiko" gisa azalduz “bertako hizkuntza minorizatua”, euskara. Dove aldizkariak bestalde, bidaia amaitu bezain pronto, Espainiako Estatuan “bisitatu beharreko hirien” zerrendatxo bat aurkeztu zuen eta tartean sartu zuen bai Donostia, bai Bilbo baita Errioxa ere, Arabari erreferentzia eginez.
Iaz 145.000 euro horretan
Euskadi Confidential Premium izena du programak eta “nazioartearekin harremanak estutzeko” helburua du Eusko Jaurlaritzaren Turismo sailaren arabera, "Euskadirekin harremana familiarizatzeko". 2022an 145.000 euro bideratu zituzten prentsa-bidaia horietara. Iaz, 26 “press-trip” edo prentsa-bidaia antolatu ziren: horietatik hamabi Espainiako eta Frantziako Estatuetatik etorri ziren, eta besteak Alemania, Herbehereak, Norvegia, AEBak eta Filipanetatik, esaterako.
Espainiako Turismo Bulegoarekin lankidetzan antolatzen dira halako bidaiak, eta bulegoak berak aholkatzen du zein hedabide gonbidatu.
Javier Hurtado Eusko Jaurlaritzako Turismo sailburuaren arabera, "Euskadi sustatzeko itzulketa erakargarria izan dezaketen hedabideak gonbidatzen dira, beren profilagatik, tiradagatik edo merkatu interesgarrian sartzeagatik".
Kapitalismoaren lekuan lekuko eta garaian garaiko egoerara moldatzeko gaitasuna harrigarria egiten zait batzuetan. Espero ez duzun tokian azaltzen dira antzekotasunak, eta hara non, bat-batean konturatzen zara munstroak Mallorcan hartzen duen itxura ez dagoela etxean bertan bizi... [+]
Uztailean argitaratuko da behin betiko Estatuko Aldizkari Ofizialean (BOE), eta Hego Euskal Herriko lehen hiriburua da izendapena lortzen.
Duela urtebete eskas Espainiako aireportuen sarea kudeatzen duen AENA enpresa publikoak iragarri zuen Loiuko aireportuko terminala handitu nahi duela. 2024an 7 milioi bidaiariren langatik gertu gelditu zen eta, handitzeak aurrera eginez gero, 2030. urtetik aurrera 13-14 milioi... [+]
Manifestazioaren iragarpena Turistifikazioaren aurkako Europa Hegoaldeko sareak (SET) Bartzelonan antolatutako topaketen harira egin dute. "Turismo-monolaborantzaren aurka" deitu dute eta Europa Hegoaldeko hamabost eragile inguru batu zaizkie.
Egungo Venezia 118 uhartez osaturiko artxipelago baten gainean eraikita dago. Uharte horiek 455 zubik elkar lotzen dituzte. Lura baino lokatza du oinarri hiriak. Inguruetako milioika zuhaitz mozteari ekin zioten IX. mendetik aurrera, piloteak eraiki eta hiria zimendatzeko... [+]
HAPOn etxebizitza turistikoak arautu eta mugatzeko aldaketa puntual bat egin arte eten egingo da herrian gisa horretako etxe gehiago irekitzeko aukera. Alokabiderekin hitzarmen bat egin duela ere iragarri du udalak, etxe hutsak alokairuan jartzeko.
Abenduan ezagutarazi ziren Espainia, Maroko eta Portugalen jokatuko den Munduko Futbol Txapelketako egoitzak. Donostia eta Bilbo zerrendan ageri ziren. Donostiako sei auzo elkartek, gutun bidez, FIFAri eskatu diote atzera botatzeko hiriaren egoitza izendapena; FIFA bera ere... [+]
2020. urteko udaberrian lorategigintzak eta ortugintzak hartutako balioa gogoan, aisialdi aktibitate eta ingurune naturalarekin lotura gisa. Terraza eta etxeko loreontzietan hasitako ekintzak hiriko ortuen nekazaritzan jarraitu du, behin itxialdia bareturik. Historian zehar... [+]
Tasa edo zerga turistikoaren eztabaida urtetan luzatzen ari da, erakunde publikoetan ordezkaritza duten indar politikoen artean zabala den arren ezarri beharraren gaineko adostasuna. Eztabaidetako bat da zerga hori zein erakundek kobratuko duen: zenbait udalek (tartean... [+]
Ilbeltzeko igande goiz batez jo dugu Baztanera. Eguzkiak oraindik ez du Lekarozko plaza argitu; bertan elkartu gara Garbiñe Elizegi Narbarte, Itziar Torres Letona eta Ernesto Prat Urzainkirekin. Itzaletan hotz egiten du eta umorez goxatu dugu lehen agurra, hogei urtean... [+]
Plan berriak Baztango bailara lau zonalde historikoetan bereiztea proposatzen du. Ostatu turistiko berriak irekitzeko araudia ere hartuko du bere gain, definitutako hiri iraunkortasun adierazleen araberakoa izango dena.
EHGAMek Axel hotelaren irregulartasunei jarritako helegitearen inguruko isiltasun administratiboaren ondoren, hotelaren itxiera eskatzen du eta hainbat eragileekin batera prentsaurrekoa eman dute.
Bizilagunekin plataformak gogor kritikatu du Donostia 2030eko munduko futbol txapelketaren egoitzetako bat izatea, Marokok, Portugalek eta Espainiak antolatuko duten edizioan. “Hiria munduko mapan kokatzea” eta “lehen mailako kirol ikuskizuna herritarrei... [+]
Estela Roca Rom arkitekto katalanak irabazi du Arabako Foru Aldundiak abiatutako ideia lehiaketa. Foru erakundeak proiektua finantzatzeko bide publiko-pribatuak bilatzeari ekingo dio.
Azken hamar urteetan turismoak eragindako CO2 isurketen emendioa ekonomia orokorrarena baino bi aldiz handiagoa izan da. Nature Communications aldizkari zientifikoak abenduaren 10ean plazaratu ikerketaren emaitzak dira.