Trumpek %10 eta %50 arteko muga-zergak ezarriko dizkie mundu osoko herrialdeei: “Amerika berriz aberats egingo dugu”
Mundu osoarentzat %10eko muga-zerga globala inposatuko du Donald Trumpen administrazioak, eta hainbat herrialderen inportazioak are gehiago zergapetuko ditu, tartean Txinakoak (%34) eta EBkoak (%20). Baina Hegoalde Globaleko herrialdeak izango dira kaltetuenak: Lesoto (%50), Madagascar (%47) edo duela gutxi izandako lurrikaragatik hondamendian dagoen Myanmar (%44).
Ponpa handiz eta tonu ia mesianikoa erabilita, Donald Trump AEBetako presidenteak ohi duen moduan iragarri du, “Askatasunaren Eguna” deitu dion Etxe Zuriko ekitaldian, amaitu dela “AEBei azken 50 urtetan egindako lapurretaren” aroa. Muga-zerga “unibertsala” iragarri du mundu osoarentzat: hemendik aurrera AEBetara euren ondasunak edo produktuak inportatu nahi dituenak %10eko zerga jasango du salbuespenik gabe, berdin du Ozeaniako irla txiki batekoa izanda ere.
Baina Trumpen oldarraldia harago joan da, eta AEBekin komertzialki “gaizki portatu” diren herrialde eta lurraldeei muga-zerga handiagoa ezarriko die. Txina da horietako bat, %34ko muga-zerga ezarriko baitio, eta lehendik ezarrita zeuzkanak gehituta %54ra iritsiko lirateke, beraz. Europar Batasuneko herrialdeak berriz %20ko muga-zergarekin zigortu ditu.
Baina muga-zerga berriekin herrialde kaltetuenak Hego Globala deituriko munduko zonalde behartsuetakoak izango dira. Esaterako, Madagaskarri %47koa inposatuko dio, Lesotori %50, Laosi %48, Vietnami %46, Bostwanari %37, edo duela gutxi lurrikara handi bat jasan duen Myanmarri %44. Txinako inbertitzaileek presentzia handia duten herrialdeak dira hain justu, eta askok asiar erraldoiaren ekoizpena kastigatzeko modu bat ikusi dute horren atzean.
Txinako inbertitzaileek presentzia handia duten Hego Globaleko herrialdeak dira, hain justu, muga-zerga handienak jasango dituztenak, eta askok asiar erraldoiaren ekoizpena kastigatzeko modu bat ikusi dute horren atzean
Taula manipulatu bat eskuan
Trumpek ekitaldian kartel handi bat erakutsi du, herrialdez herrialde erakusten duena bere ustez AEBetako produktuei ezartzen dizkieten muga-zergak zein diren, eta ondoan daude orain AEBek inposatuko dituenak, ustezko “elkarrekikotasunez”. Portzentajeetan garbi ikusten da AEBek ezarriko dituenak askoz baxuagoak direla, hala ere. “Uste dut ulertuko dutela”, esan du Etxe zuriko maizterrak. Baina adituen esanetan taulako datuak guztiz manipulatuta daude, defizit komertziala nahasi duelako muga-zergekin.
Defizit komertziala AEBek eurek sorturiko sistema ekonomikoaren ondorioa baino ez da. AEBak merkatu ireki bat izan dira eta mundu osoko ondasunak inportatu dituzte euren barne kontsumorako eta ekoizpenerako. Orain, hamarkada askotako estrategia aldatu eta protekzionismoaren aro bati ekin nahi dio herrialdea berrindustrializatzeko. Baina horrek ekar dezake AEBetan inflazioa handitu, herritarrek produktuen garestitzea nozitu eta herrialdea atzeraldian sartzea.
“Ondorio negargarriak mundu osoko milioika pertsonentzat”
Trumpek muga-zerga globalak iragarri eta berehala erreakzionatu dute mundu osoko agintariek, eta balio-merkatuetan ere nabarmena izan da eragina. Ursula Von der Leyen Europar Batzordeko presidenteak esan du ondorioak “negargarriak” izango direla “mundu osoko milioika pertsonentzat”. Europar mandatariak azaldu du AEBekin negoziatzeko prest direla, baina negoziazio horiek huts eginez gero EBek badituela tresnak muga-zerga horiei erantzuteko.
Txinak, berriz, AEBei eskatu die bertan behera uzteko muga-zergak, eta hori egin ezean, txanpon berarekin erantzungo duela.
Enteratuko gara
Oraingoz, Asiako burtsek, Nikkei indizea kasu, %3 inguruko galerekin hasi dute eguna, eta Europakoak ere beheranzko joera hartu dute, %2 galtzen ari dira albiste hau osatzeko orduan. Batez ere automobilgintzaren sektoreari loturiko multinazionalak dira galera handienak jasaten ari direnak. Izan ere, Trumpek asteazkenean iragarri du muga-zerga globalen barruan automobilgintzari %25eko espezifiko bat ezarriko diola.
Trumpek asteazkenean iragarri muga-zergen barruan, automobilgintzari %25eko muga zerga global espezifiko bat ere ezarri dio
%10eko muga-zerga globala apirilaren 5ean jarriko litzateke martxan, eta “elkarrekikotasun” muga-zerga handiagoak apirilaren 9an.
Ikusteke dago mundu mailako makro-ekonomiari nola eragingo dion Washingtonek hartu duen norabideak. Aurretik Kanadari eta Mexikori ezarritako muga-zergak indarrean jarri beharrean, horiek atzeratuz joan da Trump, beste helburu batzuetarako negoziazio tresna gisa erabiltzeko. Akaso esperantza horrekin egongo dira konpainia askotako despatxuetan. Besteok, erosketak egitera goazenean enteratuko gara.
Tentsio handiko ikasturtea amaitzear, ostegunean hasi eta ostiralean jarraituriko azken negoziaketa maratoian Eusko Jaurlaritzarekin akordioa sinatu dute sindikatu guztiek, ELAk izan ezik. Datorren asteko grebak bertan behera geratu dira. Segidan, adostu dutena eta batzuek eta... [+]
Gasteizko Udalak esan du enpresa negoziatzera deitzen ari dela. Sindikatuek eskatu diote Gasteizko langileak defendatu ditzala Enviserren jabea den AEBetako inbertsio funtsaren aurrean.
Antonio Turiel fisikari eta CSICeko ikerlariak aspaldiko urteetan ez bezala bete zuen Hernaniko Florida auzoko San Jose Langilearen eliza asteazkenean. Zientoka lagun elkartu ziren Urumeako Mendiak Bizirik taldeak antolatuta Trantsizio energetikoaren mugak izeneko bere hitzaldia... [+]
“Proposamen oso eskasa egin du Hezkuntza Sailak, berme eta zehaztapenak txertatu barik”, kontatu dio ARGIAri STEILASeko bozeramaile Haizea Arbidek. Ostegun honetan bilera izan dute sindikatuek eta Eusko Jaurlaritzako Hezkuntza Sailak, EAEko irakaskuntza publikoko... [+]
Izenak, berez, ez du izana gordetzen. Papera ez da nahikoa, nahiz eta paperak denari eusten dion. Busti arte. Halaxe gertatu da Gipuzkoako Foru Aldundiko Lurralde Oreka Berdeko Departamenduarekin. Izan ere, izenak gorde beharko lukeen izanari uko egin dio; besteak beste, 2023ko... [+]
Badira aste batzuk Europar Batasuneko presidente den Ursula von der Leyenek zortziehun mila milioi euroko gastu militarraren beharraren berri eman zuela. Gastu hori Europak jasaten duen mehatxu militar bati aurre egiteko omen da, eta mehatxu horri batasunez erantzun beharra... [+]
Euskadi markak, eraikuntza sektoreko ekonomiaren estrategian, “industrializazioa” mantrarako hitz gisa hartu duela jakinarazi berri du Eusko Jaurlaritzak. Etxebizitza publikoaren eraikuntzan industrializaturiko prozesu eta elementuak lan guztien %65a izatea... [+]
Steilas, LAB, ELA eta CCOO sindikatuek deitutako greba astearen atarian dator Hezkuntza Sailaren mugimendua. Ostegunean bilduko dira sindikatuak eta Hezkuntza Saila, bertan ezagutaraziko du sailak proposamen zehatza, baina zenbait eduki aurreratu ditu asteartean Begoña... [+]
Langile bat hilik topatu dute astearte goizean Laudioko Bebidas Serrano enpresan. Osalanek adierazi du hipotesi nagusia gizonak bihotzeko bat izan duela dela. Istripu honetan hildakoarekin, 2025ean 19 langile hil dira jada lan istripuetan.
Pneumatikoen multinazionaleko langileek elkarretaratzea egin dute astelehenean, Japoniak Madrilen duen enbaxadaren aurrean. Sindikatuek enpresarekin izan duten bileran, zuzendaritza prest agertu da kaleratutako beharginen kopurua murrizteko eta kaleratze horien kalte ordaina... [+]
Administrazio publikoarentzat Gipuzkoako zahar etxeetan lan egiten duten langileen euskara eskakizunak (B1 eta B2 mailak) “neurriz kanpokotzat” jo zituen iaz Donostiako epaitegi batek. Epai horren aurka Gipuzkoako Foru Aldundiak jarritako helegitea atzera bota du... [+]
Bridgestone Japoniako pneumatikoen multinazionalak kaleratu nahi dituen langileek elkarretaratzea egin dute astelehen eguerdian Japoniak Madrilen duen enbaxadaren aurrean. Horrez gain, langile batzordeko hainbat kide Yolanda Díaz Espainiako Gobernuko Lan ministroarekin ere... [+]
Euskal Herriko Pentsiodunen Mugimenduak lau hilabetetako kanpainan lortu du 140.000 herritarren babesa. Herri Ekimen Legegilea maiatzaren 15ean aurkeztuko du Eusko Legebiltzarrean. Pentsio duinak eta gutxieneko soldata besteko pentsioak eskatu ditu mugimenduak.
Moldaketari buruzko gure liburuan azaldu genuenez, aurreko mendeko 80ko hamarkadaren amaieratik Europako gastu militarrak behera egin zuela ikusirik, XXI. mendearen hasieran Europako heriotzaren merkatariek antolatzea erabaki zuten, eta eredu estatubatuarra imitatuz lobby moduan... [+]