Existitzeaz gain
Godoten esperoan
Testua: Samuel Becket
Itzulpena: Juan Garzia
Sorkuntza: Zurriola antzerki eskola
Aktoreak: Nerea Arriola, Izaskun Labat, Aitor Andonegi, Guillem Moralen, Arantzazu Lizartza, Iosu Ariño, Amaia Elizalde eta Jasone Sertutxa
Zuzendaria: Joxerra Fachado
Noiz/ non: Maiatzaren 14an, Pasai San Pedroko Udal Aretoan.
----------------------------------------------------
Hemen eta orain gertatzea da antzerkiaren legea. Horregatik da hain berezia, bizirik dagoelako. Orainarekin konektatzen gaitu, unean gertatzen ari denaz gain ezer gehiago existituko ez balitz moduan. Ez da errepikatzen, ezin da berriro gertatu, ez behintzat modu berean. Espazio horretan konpartitzen dena bertan daudenen artean soilik elkarbanatzen da. Hori da abiapuntua.
Godoten esperoan, 1940ko sorkuntza bat. Samuel Beckett dramaturgoaren obra ezezagunetarikoa da, frantsesez sortu zena eta 2001ean Juan Garziak euskarara ekarri zuena. Absurdoaren antzerkian sustraituta dago, gertatzen denak zentzurik ez balu gisa gertatzen da. Izan ere, ez da ezer gertatzen: ez da inor iristen, ez da apenas denbora pasatzen, ez dute lekuz aldatzen, elkarrizketak errepikatzen dira, ekintzak ere errepikatzen dira, ahaztu egiten dituzte gauzak, gertakarien aurrean konturatuko ez balira gisa jokatzen dute, joan egiten dira eta leku berera itzuli, gauza abstraktuez hitz egiten dute, kontzientziarik ez dute… Baina guztiz kontrakoa dela sinestera irits daiteke ikuslea. Non, noiz eta zertan ari diren ondotxo dakitela pentsatzera eta gizakia bera lehen lerroan jartzera. Gauzak ez dira edozergatik gertatzen.
Gizakia eta gizartea jartzen ditu zalantzan obrak. Gu geu hemen eta orain egoteak zer esan nahi duen eta zer den egiten duguna. Gizakiaren sinpletasuna eta izatearen aberastasuna. Horretarako, antzezlan honen funtsa diren bi pertsonaia nagusi azaltzen zaizkigu: Gogo (Estragon) eta Didi (Vladimir). Zein baino zein sinpleagoa eta mozoloagoa.
Zer pentsatzen duten ere ez dakite; zain daudela, esperoan, horixe dakite. Eta iristen ez den hori, Godot da. Izan liteke esperantza, izan daiteke etorkizuna. Ezagutzen ez duguna, ez dakiguna dagoenik edo ez. Pertsonaiek konfiantza osoa jartzen dute horretan eta kasik horretara mugatzen dute euren existentzia. Zein ederra den gizakiaren sinpletasuna, gure presentziaren jabetzea eta batez ere, zertarako garen gai, Gogo eta Didi ez baitira tuntunak. Bizitzaren zentzugabekeriaz ohartuta daude, gizateriaren porrotari begirakoa dena eta desadostasuna azaltzen dute horrekiko, modu inozente batean. Injustiziak ikusteko gai dira, hala izendatu ez arren. Suizidioaz edo eta beste norabaitera alde egiteaz hitz egiten dute. Baina hor geratzen dira. Agian hau da gizakiaren eta gizartearen nolakotasuna: orain eta horrela egotea. Merezi al du etorriko ez den zerbaiti esperoan egoteak? Existitzeak soilik ez gaitu salbatuko.
Antzerkiaren legeari men eginez, aprobetxatu, antzerki ez profesionalak oraindik interesgarriagoa egiten duen orainaldiari eusten. Datorren eta azken emanaldia: urriaren 5ean, Gasteszenan (Egia, Donostia).
Ganbaran arrak bizi dira, arrek arrentzat sortutako munduan. Sotoan berriz emea, zoritxarreko egun batean sortutako “akatsa”. Goian jaun eta jabe. Behean kateak eta iraultza. Gela biak inkomunikatuta daude, ez dago nahasterik. Nola etorriko da orduan, aldaketa... [+]
Zer egingo zenuke lagun baten bizia salbatzeko? Zer emango eta zer gordeko zenuke? Komedia honetako hiru lagunek auzi honi eman behar diote erantzuna. Gau zoro batean, ezusteko gertaerak bata bestearen atzetik etorriko dira, fisika modernoaren axioma bati men eginez: gerta... [+]
Usaiako "süjetik" gabea, esku andana batek idatzia, errejent multzo batek zuzendua, gertakizun askoren kontari, gisa guzietara kolektiboa da.
Marmarra
Dramaturgia: Jon Gerediaga/Atx Teatroa
Zuzendaritza: Atx Teatroa
Noiz: Uztailaren 4an ... [+]
Kolpe bat jaso eta memoria galdu berri duzu. Dakizun bakarra, poliziak esan dizulako, zera da: bere ohean zetzan elbarritu babesgabe bat tiroz akatu duzula; duela gutxirarte maitekiro zaintzen zenuen gizona, hain zuzen. Zeure burua duin eta zintzotzat duzu, eta hala ere,... [+]
Ekain amaieran iragan da Banka eta Urepeleko eskola publiko uztartuetako urte hondarreko ikusgarria. Eskola gehienetan bezala, Bankako ama-eskolako irakasleak eta Urepeleko lehen mailako bi irakasleek, hirurek elkarrekin, urtero antolatzen dute haurren emanaldi nagusia:... [+]
Gosea, txizalarria, maitasuna, gorrotoa, egarria, sexua, beldurra... eta zelan ez... biolentzia. Besteak beste, gure instintoetako batzuk dira hauek. Haiei esker bizi gara historiaurretik gaur egun arte. Oinarrizko tresnak izan dira, badira eta izango dira bizitzan aurrera... [+]
Bigarrenez Aresti etorkizunaren aurrean
Nork: Ekida Arte Ekimena.
Noiz: ekainaren 20an.
Non: Azkoitiko Baztartxo antzokian.
------------------------------------------------------------------
50 urte dira Gabriel Aresti euskal idazle marxista hil zela, eta Ekida arte... [+]
Euskal musikaren imajinario kolektiboan murgilduko gaituen ikuskizuna da “Ez dok Hiru”. Euskal Herriko kantutegian oinarritutako ikuskizun teatrala.
Eoa, deskonzertantea eta irrigarria azalez, baina azal horren poro bakoitzari geure musikarekiko maitasuna dario... [+]
Maiatzean Korsikan egon nintzen topaketa batean, hezkuntza artistikoa eta hizkuntzen irakaskuntza aipagai, gure antzerki taldean hezkuntza eta antzerkia anai-arreba bikiak baitira ekinean. Ikastaroan, luzaz mintzatu ginen linguista batekin, etorkinei frantsesa eta ingelesa... [+]
Miss Karaoke-k abesti bat kantatzeko enkargua jaso du, eta urduritzen hasia da. Zer kantatuko du Ebento Handian, Antolatzaile Handiaren enkarguz, Jende Guztiaren aurrean? Are gehiago, zein hizkuntza aukeratuko du? Gutxiengo gutxitu, gehiengo gutxitu, gutxiengo... [+]
Artxibo biluzia
Nor: Intza Alkain eta Javi Barandiaran (Metrokoadroka).
Non: Lemoako Kotxepin aretoan.
Noiz: ekainaren 2an.
-------------------------------------------------------
Lemoan independentzia eguna ospatzen ari dira. Kotxepin kultur etxearen alboan,... [+]
Liluragarria da zinez aulkien disdira. Orok merezi du lanaren osteko atsedena. Kasu, ostera, sakona da loaren eztena. Esertzen bazara aginduetara makurturik, heriok ohartu orduko, jango dizu barrena
- Zuzendaria: Ander Lipus
- Testua: Gotzon Barandiaran
- Musika: Mikel... [+]
Takoidun Zapata Gorria hogei minutuko iraupena duen antzezlan labur bat da, Piszifaktoria Ideien Laborategiaren bigarren proiektua da. Ezohiko gunetan erakusteko obra bat da, ez baitu eszenatoki baten beharrik. Hartara, antzez-ekintzaren barruan egoteko eta ekintza bertatik... [+]
Ekainaren 5ean 50 urte beteko dira Gabriel Aresti zendu zela, jaio zen hirian bertan, Bilbon. Ziutatearen tristeziak bestelako kolore bat duen garaiotan, belaunaldi berri batzuek Arestiren hitzak goratzeaz aparte, haren esanak gaurko egunetik aztertu dituzte hiri horretan... [+]