Happykrazia

Zarata mediatikoz beteriko garai nahasiotan, merkatu logiketatik urrun eta irakurleengandik gertu dagoen kazetaritza beharrezkoa dela uste baduzu, ARGIA bultzatzera animatu nahi zaitugu. Geroz eta gehiago gara, jarrai dezagun txikitik eragiten.

Zer behar duzu zoriontsu izateko? Desiratuz gero, lortuko duzu. Dena da posible jarrera positiboarekin. Zoriontasunak dena sendatzen du. Zoriontasuna ez da helmuga, bidaiatzeko erabili beharreko jarrera baizik. Pentsamendu negatiboak ez dizu inoiz bizitza positiboa emango, aldatu jarrera. Izan zoriontsu!

Nonahi ikus ditzakegu gisa horretako esaldiak, besteak beste: produktuak zein zerbitzuak saltzeko iragarkietan, autolaguntza liburuetan, geroz eta ohikoagoak diren coach zerbitzuetan, baita norbanakoon sare sozialetako profiletan ere. 80ko hamarkadatik gaur egun arte garatuz joan da psikologia positiboa deritzon hau, eta beste hainbat alorrez gain, lotura handia izan du zoriontasunaren ekonomiarekin. Honela, korronte honen bultzatzaile nagusienetakoa izan zen Richard Layard ekonomialariak zoriontasuna bere osotasunean ulertzeko psikologoak eta ekonomialariak elkarlanean aritzearen garrantzia azpimarratu zuen 2003an.

Dena dela, bada pentsamolde hau zalantzan jarri duenik ere, nolabait, psikologia positiboan edota zoriontasun psikologian oinarritzen den diskurtsoak izan ditzakeen eragin kaltegarriak mahaigaineratu eta aztertu nahi dituenik; horien artean dago happykrazia deritzona. Besteak beste, desiratzen dugun oro eskuragarri izango dugula pentsatzeak, hamaika frustrazio eta depresio eragin ditzakeela dio.

Desiratzen dugun oro eskuragarri izango dugula pentsatzeak hamaika frustrazio eragin dezakeela dio 'happykraziak'

Psikologia positiboaren korrontearen arabera, zoriontasuna lortzeko bidean, norbanakoongan eragiten duten baldintzak honakoak dira: %50 joera genetikoak, %40 norberaren jarrerak, eta %10 kanpoko baldintzak. Hau ontzat emango bagenu, zoriontasunaren lorpenaren %90 norberaren baitan egongo litzateke eta %10 bakarrik legoke kanpoko faktoreen menpe. Horrek norberaren arduran jartzen du arreta, hots, neoliberalismoak behin eta berriz sustatu nahi dituen indibidualismoaren baloreetan. Zoriontsua izan ezean, ardura norbanakoarena denaren ideia azpimarratzen du, pertsona uharte baten modukoa izango bailitzan. Nolabait, norberaren iraganak, testuinguru sozial eta ekonomikoak, arrazak, generoak, edota nazionalitateak eraginik izango ez balute bezala.

Kurioski, esplotatu zitezkeen balio guztietatik zoriontasuna gailendu da, lankidetza, boluntariotza edota leialtasunaren gainetik. Cabanas eta Illouz autoreek idatzitako eta artikulu honen izenburu bera duen liburuak dioenez, gai honen inguruan industria handia sortu da, eraiki den diskurtsoa kontsumoari erabat lotuta baitago. Ideia honen harira, pentsamendu honek ez du zoriontasuna definitu ondoezaren falta moduan, geroz eta zoriontsuagoa izateko etengabeko prozesu pertsonal gisa baizik. Are gehiago, zerbitzu eta produktuez haratago, bizitza zoriontsuaren eredua dugu, sentitzeko, pentsatzeko eta ekiteko modu konkretuetan oinarritzen dena.

Autore hauen aburuz, langilearen identitatea eraikitzeko ere erabili izan da hainbatetan berritzailea den diskurtso hau. Erabateko aldaketa pairatzen duen lan-merkatu lehiakor eta hainbatetan prekarioan biziraun eta garatzeko jarrera positibodun eta zoriontasunaren bilaketan dabiltzan langileak hobeak direla dio pentsaera horrek. Honela, autonomoa, malgua, lehiakorra edota erresilientea bezalako ezaugarriak entzun ohi dira maiz. Baina sektore orotarako balio al dute horiek? Norentzat dira hobeak ezaugarri hauek?

Zalantzarik gabe, askotariko ertzak ditu zoriontasunaren gaiak. Gainera, hainbatetan, errezeta magiko bakarra bistaratzen zaigu berau lortzeko: edertasun mota bat, bizitza arrakastatsuaren eredu bakarra, harreman mota jakin batzuk, ondasun jakin batzuk... Ez ote gaituzte amaigabeko betebeharrek gobernatzen?


Azkenak
Urriaren 7ko gertakariak ikertzeari uko egin dio Israelgo parlamentuak

Oposizioko taldeek proposatutako ikerketa batzorde ofiziala ez da aurrera atera, boz gutxiren aldearekin. Arrazoi ugari daude gobernuko kideek gertaerak ikertu nahi ez izateko.


Xabier Atristain presoa baldintzapeko askatasunean geratu da

Hamahiru urte pasa ditu preso Atristainek, iragan abendutik hirugarren graduan zegoen eta martxoaz geroztik zigorra etxean betetzen ari zen kontrol telematikoarekin.


Desesperazioz RN bozkatu dutenak konbentzitzean datza ezkerraren erronka nagusia

Hirugarren kokatu bada ere, pozik izatekoa badu eskuin muturreko RNk: inoiz baino azkarrago da Frantziako Legebiltzarrean –2017an zortzi diputatu zituen, 2022an 88 eta orain 143–. Bere hauteslegoa azkarki emendatuz doan heinean, anitzez zabalagoa du oinarria:... [+]


Baionako bestetan jipoitu zuten 58 urteko gizon bat hil da

Jipoia uztailaren 11ko gauean izan zen Euskaldunen plazan, eta biktima gauean bertan ospitaleratu zuten Euskal Kostaldeko Ospitalean, Baionako prokuradore Jerome Bourrierrek informatu duenez. Atxilotutako gizona behin-behineko espetxealdian dago, Baionako fiskaltzak eskatuta,... [+]


Gasteiz Antzokia irekiko dute ostegunean Izaskun Arrue Kulturgune izenarekin

Ostegunean, 18:15ean irekiko dute Izaskun Arrue Kulturgunea (IAK), Gasteiz Antzokia eta Euskararen Etxea batuko dituen egitasmoa. Ekainean udalarekin 2024ko hitzarmena sinatu zuenetik Lazarraga Kultur Elkarteak lehenbailehen ireki nahi izan du kultur-gunea. Irekiera ekitaldiaren... [+]


Eibar.org-eko blog komunitateak 20 urte bete ditu

20 urte bete ditu gaur-edo gure blog-komunitateak, Eibar.org webguneko blogak. Interneteko euskal munduaren historia txikiaren parte bat. 1998an Eibartarrak posta-zerrenda sortu zen. 1998-2000 tartean, halaber, webgune probisional estatiko gisa ibili zen martxan Eibar.org-en... [+]


Ostegun honetan aukeratuko dute Frantziako Legebiltzarrerako presidentea

Sei hautagai dira Frantziako Legebiltzarrerako presidente izateko lehian –ezkerretik bat, Macronen aldeko bi, eskuinetik bat, eskuin muturretik beste bat eta independente bat–. Horrez gain, dozenaka eragilek deiturik, FHB Fronte Herritar Berriaren garaipenaren... [+]


Mondragonen gidaritza hartu du Pello Rodriguezek, taldearen lehiakortasuna ardatz duela

Bilboko Euskalduna jauregian egindako urteroko kongresuan Mondragoneko lehendakariaren errelebo aldaketa irudikatu dute, orain arte taldeko buru izandako Iñigo Ucinek eta hemendik aurrera kargu hori hartuko duen Pello Rodriguezek. Horrez gain, hurrengo urteetarako bide... [+]


Israelek zortzi zibil hil ditu Libanon azken bi egunetan

Horietatik hiru haur siriarrak ziren, eta haien etxearen kanpoaldean jolasean zeudela hil dituzte, NBEak gaitzetsi duenez. Hezbollahk mehatxu egin du Israelgo zonalde berriei eraso egingo diela, Israelek azken egunetan Libanon egindako hilketen ondoren.


Mateo Balbuena borrokalari komunista hil da, 110 urterekin

1934ko Asturiasko Iraultzan, Eusko Gudarostean eta militar faxisten kontrako gerran aritu zen Lezaman bizi zen komunista amorratu eta aktiboa.


Eraso sexistei begira Baionako Herriko Etxeak duen jarrera salatu dute feministek

Baionako festetan errepikaturiko eraso sexistei dagokienez Herriko Etxeak politika eta erantzun eskasak bideratu izana salatu du Ipar Euskal Herriko mugimendu feministak. Herriko kontseiluaren batzarrera sartzen saiatu dira 30 bat lagun, baina ateak hetsirik kausitu dituzte.


Kaleko Afari Solidarioak taldeak botako du txupina Donostiako Aste Nagusi Piratan

'Jalgi belak mastara, eta euskara plazara!' lelopean ospatuko dute Donostiako Aste Nagusi Pirata, abuztuaren 10etik 18ra. 


Dantza utzi du lagunek burla egiten diotelako

Sei urte ditu. Gustura ari zen da dantzan. Baina gurasoek jakinarazi digute utzi egingo duela dantza. Arrazoia? Eskolan burla egiten diote lagunek dantzan aritzeagatik. Sei urte. Eta dagoeneko genero estereotipoen indarkeria sufritzen. Nahikoa da! Gurasoak, eskolak, irakasleak,... [+]


Eguneraketa berriak daude