Ongi etorri apustu irekiak
.jpg)
Fer Apoa beti izan da oso tematia. Oso gaztetan autoritarismoen kontrako militantzian sartu zen buru-belarri Aragoin, eta harrez gero, intsumisioa zein El Corazón del Sapo izan ziren bere helburu nagusiak. Hain zuzen ere, talde horrekin buelta erdi eman zioten bai Estatuko hardcorearen soinuari eta bereziki tematika eta konpromisoari. Gerora etorri zen Joseba Poncek eraikitako Kuraia, Ponceri zein Ferei balio izan ziena iragan hard-rockeroarekin bakea egin eta Euskal Herrian bestelako sonoritateak lantzeko. Ospetsu egin zen Kuraia eta horregatik alboratu zuten. Gerora Mikel Kazalisen Matxura talde industrialean aritu bazen ere, Estricalla izan da luzaroan bere lema, hardcore-punk zapalgailu itzela. Feren tematze horren baitan bada ere Euskal Herrira etorri, euskara ikasi eta egunerokoan erabiltzeko apustu irmoa.
Beste punta batean zegoen Zigor DZ Euskal Herrian hip-hop eta bestelako doinu beltzak lantzen aitzindari izandako Selektah Kolektiboaren bultzatzaile sutsuetako bat. Gerora Esne Beltza taldeko programatzaile eta DJ tematia dena, eta zenbatu ezin daitekeen proiektu anitz eta irekietan beti jakinminez buru-belarri aritzen dena.
Bada, bien bideak gurutzatu dira orain eta sortu dute Onki Xin. Ia kasualitatez, DZk batuta zituen oinarri batzuen gainean Ferek melodiak landu eta hamaika kanta borobildu dituzte. Elektronikatik barrena egiten dute jarioa, baina elektronika hain zabala izanik, bada dance, funky, drum&bass, new wave, industrial brintzak, popa, rock gitarreroa eta mestizaia ugari. Bageneukan DZren sormenaren eta irekitasunaren berri, eta banekien Ferekin kantuek mezu landu eta iraultzaileak izango zituztela halabeharrez, baina sorpresa hartu dut Ferek bestelako tonalitate eta melodiatan abesteko egindako apustu ausartarekin.
Ilargidanzee elektro-pop-funky hit!a da; A.M.H.K.C drum&bass eta new wave miztura; Elektra eta Hegalak salgai errefuxiatuen aldeko kantatzarrak, biak erritmo bizi eta melodia itsaskorrekoak; Ez-zinthomatik electro-synte-rock gitarreroa da; Orkidea eta Realpoetik, aldiz, dance eta poperoagoak; Derbitze-rock beltzagoa, funkyagoa; eta Astro-naut Bowieri gorazarrea.
Dirudienez
Karma
Autoekoizpena, 2025
--------------------------------------------------------
Mugatzat ez badugu ere, muga da askotan Bidasoa; kulturala, informazioarena… Eta beste aldekoa urrun gelditzen zaigu. Bada, gogoa eta laguntasuna dira muga apurtzaile... [+]
XAK
Xak
Mukuru, 2025
---------------------------------------------------------------
Entzun baduzu eta ez bazaizu sobera sartu, esango nizuke: entzun berriro. Nire urteko disko kutunena izango dena egin berri du Paxkal Irigoyen baxenabartarrak, oraingo honetan, XAK... [+]
It's on
JOHN DEALER & COCONUTS
Ghost Highway, 2025
------------------------------------------------------
Adin batetik aurrera kontzertuak, diskoak eta kantuak bizkarrean eta burmuinean pilatuta, eta musika entzuteko denbora murritzagoa bilakatuta, taldeak bilatu... [+]
Esperoan
Hiuzz
Autoekoizpena (egun motelak kolektiboa), 2024
Ohartu gabe igarotzen diren taldeen multzoa gero eta handiagoa da, edo inoiz baino handiagoa, behintzat. Hiuzz taldearen Esperoan lanak hilabete batzuk... [+]
Obducción de la Amenaza / Zirt Zart (Split-ep)
2024
---------------------------------------------------
Musika panorama erraldoia da, helduezina. Horien artean badira foku guztiak bereganatzen dituzten talde handi gutxi batzuk; horren nahian diharduten beste asko,... [+]
Poliorkêtês
Kerobia
Autoekoiztua, 2025
--------------------------------------------------------
Azken aldian, lerrootan asko nabil hausnartzen musikak izan beharko lukeen “misio historikoaz” eta abarrez. Eta, nolabait, zer egin beharko lukeen... [+]
Antifa hardcore
Lee-Kore + Hoben
Autoekoizpena
---------------------------------------------------------
Tamalez ez da ohikoa Arrasaten hardcore kontzertuak egitea, bestelako musika eszenak nagusitzen direlako. Hala bada, joan den larunbatean herriko gazte batzuen... [+]
Bizitza eztia
Verde Prato
Plan B Records, 2024
--------------------------------------------------------------
Ousmane Sembène zinemagile senegaldar ospetsuari galdetu zioten ea bere pelikulak Europan ulertzen ote ziren. Erantzuna, epikoa: “Izan gaitezen... [+]
Bidea da helmuga
Kokein
Balaunka, 2024
--------------------------------------------------
Eibarko rock talde beterano hau familia oso desberdinetako lagunek osatu zuten aspaldi eta ia fisurarik gabe hamarkadatan eutsi dio. Izan ditu atsedenak, gorputzak hala eskatu... [+]
Zuloa
Merina gris
Sonido Muchacho, 2025
-------------------------------------------------------
Euskal Herrian ez da orain arte horrelako musika elektronikorik egin. Esango nuke Merina Grisek historian euskaraz egin den elektronika eta hyperpop diskorik landuena egin... [+]
Bidai on bat
Braulio
Autoekoizpena, 2024
-----------------------------------------------------
Nik ez nioke talde bati Braulio izena jarriko; eta seguruenik inork gutxik hasiko luke lan bat sei minutuko iraupena duen kanta batekin. Baina hauei parra die eta horri esker... [+]
Ultra
La Furia
Baga Biga, 2024
---------------------------------------------------------
Cascanteko La Furia-k bosgarren diskoa plazara atera du. Mimoz eta erraietatik, berarentzat funtsezkoak diren osagai horiekin, prestatu du honako pozima, pozoitsua eta aldi berean... [+]
Zerrautsa
Olaia Inziarte
Panda, 2024
-------------------------------------------
Depresio garaian idatzitako hamalau kanta. Halaxe aurkeztu zuen Olaia Inziartek orain aipatu ezin den euskarazko lehenengo late night-ean. Diskoa irekitzen du Zerrautsa pieza bru-ta-lak... [+]
Alosia
Perlata
Autoekoizpena, 2024
----------------------------------------------------
Arrasateko Perlata taldeak lan berria kaleratu du. Hainbat disko ditu bizkarrean, eta azkeneko lana bere jaioterriko punk, Oi! eta rockaren zubi-lana egindako Jesusi Etxeberria... [+]
Xabier Badiola
Xabier Badiola
Gaztelupeko Hotsak, 2023
-------------------------------------------------
Ea, ba. “Gaur egungo musika” musika deitzen zaio erritmo kutxa elektroniko bat duen edozeri, eta, klaro, horrela ezin da. Lerro hauetan saiatu izan gara... [+]