Bidaiako geltoki eder bat
Oso disko polita plazaratu du Maite Larburuk. Kantetan, nagusiki, folk eta pop kutsuko melodiak entzuten dira, baina rock eta jazz ukitu batzuk ere antzeman daitezke. Baina, batez ere, jolasa, umorea, naturaltasuna eta grina. Kanta atseginak dira, gertukoak, gustura entzuten direnak. Gona abestiaren bideoklipak apur bat laburbiltzen du hori guztia.
Harmonia, melodia eta erritmo politak jarri dizkie hitzei, eta oso ongi josi eta osatu du dena. Kantak haien artean desberdinak dira, baina denetan Maiteren nortasun handia nabari da.
Grabazio saioetan, Maitek biolina jo eta abesteaz gain, gitarra elektrikoa, gitarra klasikoa, xilofonoa eta zintzarriak erabili ditu. Harekin batera, musika hauek aritu dira: Carlos Taroncher (klarinete baxua), Aida Torres (perkusioak) eta Beñat Iturrioz (perkusioak). Halaber, hitzak idazteko garaian Harkaitz Canoren laguntza estimagarria izan du.
Hamabost urte Herbehereetan igaro ondoren, Hezurren azpian diskoarekin Larburu Hernanira bueltatu da, bere jaioterrira. Horrela, kanta guztiak euskaraz sortu ditu –Neighbor taldearekin egin dituen bi diskoetan euskaraz, ingelesez eta gaztelaniaz aritu da–.
Biolina jotzea du ogibide, antzinako musika jotzen duten Europako zenbait talderekin. Musikari bidaiaria da, nomada moduan lan egiten baitu Erdialdeko Europan, antzinako musikaren zirkuituan.
Bizitza osoa musikaren munduan murgilduta egon dela esan daiteke. Zazpi urterekin hasi zen musika ikasketak egiten bere herrian, eta ondoren Madrilen eta Amsterdamen ere ikasten aritu da. Master bat egin zuen antzinako musikan espezializatuta, eta horrela abiatu zuen bere ibilbidea.
Amsterdamen Neighbor taldea sortu zuen duela urte gutxi batzuk, Josh Cheathamekin, eta harekin batera ondu ditu Ura patrikan (2013) eta Hau (2016) lanak. Neighbor taldearekin bi disko horiek plazaratu ondoren, Hezurren azpian da bere lehendabiziko bakarkako lana. Esan bezala, lan horrekin etxera bueltatu da. Baina seguruenik bidaiako geltoki bat izango da, geltoki eder bat. Bidaiatzen jarraituko baitu, etengabe mugitzen, eta musikazaleak harritzen, luzea eta oparoa –orain arte bezala– izatea espero dugun ibilbidean.
Miruenea
Mirua
Oso polita, 2025
--------------------------------------------------------------
Bi urtez egon dira lanean Miruakoak “inoiz egin duten proiektu garrantzitsuena” aurkezteko: Miruenea. Eta, egia da, gaur egun artista guztiek dioten arren... [+]
Dirudienez
Karma
Autoekoizpena, 2025
--------------------------------------------------------
Mugatzat ez badugu ere, muga da askotan Bidasoa; kulturala, informazioarena… Eta beste aldekoa urrun gelditzen zaigu. Bada, gogoa eta laguntasuna dira muga apurtzaile... [+]
XAK
Xak
Mukuru, 2025
---------------------------------------------------------------
Entzun baduzu eta ez bazaizu sobera sartu, esango nizuke: entzun berriro. Nire urteko disko kutunena izango dena egin berri du Paxkal Irigoyen baxenabartarrak, oraingo honetan, XAK... [+]
It's on
JOHN DEALER & COCONUTS
Ghost Highway, 2025
------------------------------------------------------
Adin batetik aurrera kontzertuak, diskoak eta kantuak bizkarrean eta burmuinean pilatuta, eta musika entzuteko denbora murritzagoa bilakatuta, taldeak bilatu... [+]
Esperoan
Hiuzz
Autoekoizpena (egun motelak kolektiboa), 2024
Ohartu gabe igarotzen diren taldeen multzoa gero eta handiagoa da, edo inoiz baino handiagoa, behintzat. Hiuzz taldearen Esperoan lanak hilabete batzuk... [+]
Obducción de la Amenaza / Zirt Zart (Split-ep)
2024
---------------------------------------------------
Musika panorama erraldoia da, helduezina. Horien artean badira foku guztiak bereganatzen dituzten talde handi gutxi batzuk; horren nahian diharduten beste asko,... [+]
Poliorkêtês
Kerobia
Autoekoiztua, 2025
--------------------------------------------------------
Azken aldian, lerrootan asko nabil hausnartzen musikak izan beharko lukeen “misio historikoaz” eta abarrez. Eta, nolabait, zer egin beharko lukeen... [+]
Antifa hardcore
Lee-Kore + Hoben
Autoekoizpena
---------------------------------------------------------
Tamalez ez da ohikoa Arrasaten hardcore kontzertuak egitea, bestelako musika eszenak nagusitzen direlako. Hala bada, joan den larunbatean herriko gazte batzuen... [+]
Bizitza eztia
Verde Prato
Plan B Records, 2024
--------------------------------------------------------------
Ousmane Sembène zinemagile senegaldar ospetsuari galdetu zioten ea bere pelikulak Europan ulertzen ote ziren. Erantzuna, epikoa: “Izan gaitezen... [+]
Bidea da helmuga
Kokein
Balaunka, 2024
--------------------------------------------------
Eibarko rock talde beterano hau familia oso desberdinetako lagunek osatu zuten aspaldi eta ia fisurarik gabe hamarkadatan eutsi dio. Izan ditu atsedenak, gorputzak hala eskatu... [+]
Zuloa
Merina gris
Sonido Muchacho, 2025
-------------------------------------------------------
Euskal Herrian ez da orain arte horrelako musika elektronikorik egin. Esango nuke Merina Grisek historian euskaraz egin den elektronika eta hyperpop diskorik landuena egin... [+]
Bidai on bat
Braulio
Autoekoizpena, 2024
-----------------------------------------------------
Nik ez nioke talde bati Braulio izena jarriko; eta seguruenik inork gutxik hasiko luke lan bat sei minutuko iraupena duen kanta batekin. Baina hauei parra die eta horri esker... [+]
Ultra
La Furia
Baga Biga, 2024
---------------------------------------------------------
Cascanteko La Furia-k bosgarren diskoa plazara atera du. Mimoz eta erraietatik, berarentzat funtsezkoak diren osagai horiekin, prestatu du honako pozima, pozoitsua eta aldi berean... [+]
Zerrautsa
Olaia Inziarte
Panda, 2024
-------------------------------------------
Depresio garaian idatzitako hamalau kanta. Halaxe aurkeztu zuen Olaia Inziartek orain aipatu ezin den euskarazko lehenengo late night-ean. Diskoa irekitzen du Zerrautsa pieza bru-ta-lak... [+]
Alosia
Perlata
Autoekoizpena, 2024
----------------------------------------------------
Arrasateko Perlata taldeak lan berria kaleratu du. Hainbat disko ditu bizkarrean, eta azkeneko lana bere jaioterriko punk, Oi! eta rockaren zubi-lana egindako Jesusi Etxeberria... [+]