Milaka herritarrek elkartasuna adierazi diete Donostian auzipetu katalanei

  • Kataluniako plazatik atera ziren igande eguerdian “Konponbidea. Demokracia. Llibertat” goiburupean eta Boulebarderaino egindako ibilbidea horiz bete zuten. Gure Esku Dagok antolatu zuen manifestazioa.  


2019ko otsailaren 18an - 10:19
Argazakia: Irutxuloko Hitza

Kataluniako independentista auziperatuei elkartasuna helarazteaz gain, bildutako milaka lagunek herrien erabakitzeko eskubidea ere aldarrikatu zuten. Herritar ugarik antolatzaileek banatutako aterki eta puxika horiez jantzi zuten ibilaldia. Martxari ekin aurretik Gure Esku Dagoko Angel Oiarbidek hedabideei esan zien epaiketa ez zela bakarrik auzipetuak eta independendista katalanen aurkakoa, epaiketa erabaki eskubidearen aurkakoa zela funtsean, “bozkatzea ezin da delitua izan, demokrazia sendo batean, erabakitzeko eskubidea eta autodeterminazioa ezin dira delituak izan”.

Manifestazioaren amaieran Carles Puigdemont lehendakari katalanaren arreba Montse Puigdemontek hitz egin zuen eta eskerrak eman zizkien bertaratutakoei, kaleak eskubide zibilen alde bete dituztelako. Hasi behar ez zuen epaiketa batean aurrean gaudela adierazi zuen eta egoera baliatuko dutela euren ahotsa epaiketaren aurka ahalik eta ozenen egiteko”.

Ekitaldiaren amaieran Angel Oiarbidek hartu zuen hitza eta azpimarratu zuen erabakitzeko eskubidea mundu justuago bat egiteko oinarria dela “bai Eskozian, bai Quebecen, Ipar Irlandan edo Katalunian”. Herrien arteko eta euskaldunen arteko elkarlanera deitu zuen, horrela erabaki eskubideari jarriko zaizkion trabak gainditu ahal izango direlako.

Manifestazioan euskal alderdi eta sindikatu abertzaleetako ordezkari ugari ikusi ziren, EH Bildu, EAJ, ELA edo LABekoak esate baterako.   

Ekitaldia Agure Zaharrak abestuz amaitu zen.


Kanal honetatik interesatuko zaizu: Katalunia independentziarantz
Junts-PSOE akordioa
Amnistia legea eta negoziazio mahai berria, legealdi akordioaren truke

Akordioaren bidez Juntsek eta PSOEk Kataluniako gatazka historikoa bideratuko duen etapa berri bat ireki nahi dute. Horretarako, bi indarren arteko negoziazio mahai bat eratu dute eta bertako edukiak eta akordioak segitzeko bitartekaritza mekanismoa adostu ere bai.


'La Directa' babestu dute ARGIAk eta beste hainbat hedabidek: "Kazetaritza ez da terrorismoa"

La Directa-k salatu du Jesús Rodríguez kazetaria inputatu izana “informaziorako eskubidearen aurkako erasoa” dela. Elkartasun manifestua plazaratu dute Rodríguezi babesa helarazteko, eta dozenaka hedabide eta erakundek sinatu dute jada, ARGIAk... [+]


La Directako kazetari bat ere "terrorismoagatik" inputatu dute Tsunami Demokratikoaren auzian

Espainiako Auzitegi Nazionalak “terrorismo-delitua” egotzi dio Jesús Rodríguez La Directako erredaktoreari eta beste hamaika pertsonari, tartean Carles Puigdemont presidente ohi eta Marta Rovira ERCko idazkari nagusiari, 2019ko epaiaren aurkako... [+]


Puigdemont eta Rovira inputatu ditu Auzitegi Nazionalak Tsunami Demokratikoagatik

Espainiako Auzitegi Nazionala 2019ko udazkeneko protestetan “terrorismo” deliturik izan ote zen ikertzen ari da. Bitartean, PSOEko eta JxCko ordezkariak Bruselan bilduta daude.


Jordien indultua egokia dela onartu dute eta Miquel Buch kontseilari ohia lau urtera zigortu

Ostegun honetan ezagutu dira bi epaiak. Batean, Espainiako Auzitegi Gorenak balekotzat eman ditu Jordi Cuixart eta Jordi Sánchezen indultuak. Bestean, Bartzelonako Auzitegiak laur urte eta erdiko kartzela zigorra jarri dio Miquel Buch Generalitateko Barne kontseilari... [+]


Eguneraketa berriak daude