Emakumeak borrokan

Une goxoak, hunkigarriak

Joxi Ubeda Goikoetxea
2019ko urtarrilaren 20a
Bonberenean zuzenean. Petti. Bonberenea Ekintzak, 2018

Hil berria zen aitari eskainitako Awañak diskoa jendaurrean grabatu eta hamar urte pasatu direnean, zuzenean grabatutako beste disko bat kaleratu du Pettik. Kanta batzuetan bakarrik aritu da, gitarra akustikoarekin, eta beste batzuetan Eneko Dorronsoro soinu jotzailearekin. Aipagarriak dira Enekok eskusoinuarekin egiten dituen doinu eta marrazki politak, ederki apaintzen eta osatzen baitituzte kantak.

Bakarka edo Etxeko Uzta taldearekin, Petti bera izan arren, bere kantetan giro berezi bat sumatzen da bakarrik jotzen dituenean, edo musikari bakar baten laguntzarekin. Kantek ikus-entzulea beste modu batean ukitzen dute. Une goxoak izaten dira, hunkigarriak.

Grabazioa egiteko kontzertua 2018ko urriaren 20an egin du Tolosako Bonberenean, Awañak diskoarekin egin zuen bezala. Bere etxean, askotan jo baitu Bonberenean. Gustura, kontzertuan egon zen jendearen berotasunarekin. Lana ederki biribiltzeko, nahasketak eta masterizazioa Berako Mik estudioan egin ditu Maikel teknikariak.

Hamalau kanta entzun daitezke diskoan. Horietako gehienak, aurretik argitaratutako kantak dira, beste modu batean interpretatuak: Hotzikarak (2016) diskoan dauden Ez barkatzen, Ni naiz eta Azken Aetzaren balada; Astirtitan (2014) diskoko Erramurik gabeko gauak; Bakarrik eta libre. Imanol Urbietaren kantak (2013) bildumako Ranroberran; Barrence Whitfieldekin 2009an kaleratu zuen diskoko Solasaldia; On (2007) diskoko Xorieri mintzo zen eta Oasia; Arrazoiak (2001) diskoko Dirdira hori; eta Amets bat (1999) bere lehen diskoko Perika eta Zeru infernu. Halaber, bere ibilbidearen hasieran sortu zuen Pshikoburmuin kanta ere jo du.

Aspalditik ezagutzen dugun arren, Pettik beti harritzen eta liluratzen gaitu. Handia da, musikari eta abeslari gisa. Bere ahotsa, gitarra jotzeko duen trebetasuna, bere nortasuna. Erraietatik aritzen da, grinarekin, indartsu edo leun, kantak edo uneak eskatzen dionaren arabera, urtetako eskarmentuak ematen dion gaitasunarekin eta erraztasunarekin, eta horren guztiaren emaitza dira blues, rock eta folk kutsuak dituzten bere kantak, bizitzako gazi-gezen ingurukoak: ederrak, zirraragarriak.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal honetan artxibatua: Disko kritikak

Disko kritikak kanaletik interesatuko zaizu...
2019-04-21 | Iker Barandiaran
Antigoaleko balio pisutsuak
Dilmun. Rodeo. Autoekoizpena, 2017.

Txangoa egin genuen Ekainberrira, antzinako gizakiez gehiago jakiteko. Bueltan Zestoan ekaitzak harrapatu eta pilotalekuan hartu genuen aterpe. Bat-batean, lur azpiko orro batek egin zigun ongietorria: sakona, gordina eta batez ere irmoa. Orduan jakin nuen herri lasai eta eder horrek, inork aurreikusi ez zuen eszena indie aberatsaz gain –hori beste egun baterako misterioa–, baduela antigoaleko beste herri bat ezkutuan, azpian, antzinako... [+]


Bidaiako geltoki eder bat
Hezurren azpian. Maite Larburu. Gaztelupeko Hotsak, 2019.

Oso disko polita plazaratu du Maite Larburuk. Kantetan, nagusiki, folk eta pop kutsuko melodiak entzuten dira, baina rock eta jazz ukitu batzuk ere antzeman daitezke. Baina, batez ere, jolasa, umorea, naturaltasuna eta grina. Kanta atseginak dira, gertukoak, gustura entzuten direnak. Gona abestiaren bideoklipak apur bat laburbiltzen du hori guztia.

Harmonia, melodia eta erritmo politak jarri dizkie hitzei, eta oso ongi josi eta... [+]


2019-03-31 | Iker Barandiaran
Ni? Galtzaileekin!

Alderdi politikoak iparrik eta sinesgarritasunik gabe dauden honetan, interesen arabera eguna joan eguna etorri elkartu edo banatu egiten direnean, Nafarroako forua ikur eta poltrona bakar izan duten eskumako alderdiak ere horixe bera –zer den ere ez dakigu, galdetu Aizpuni ea hark badakien!– birritan merke saltzeko prest daudenean, eskerrak badaukagula zer eta Araba Perejil irla bailitzan isolatuta eta euskaroez libre izateko borroka egiteko prest dagoenik: Unidad Alavesa, alegia,... [+]


Hegan egiten, aske

Joseba Irazoki eta Lagunak taldearen disko berriak oihartzun handia sortu du, oso txalotua izaten ari da, eta ez da harritzekoa. Disko biribila baita, lan bikaina.

2014an kaleratu zuten lehen diskoaren jarraipen polita da, aurrerapausoa. Talde soinu trinkoa gauzatu dute, eta kantak aurreko diskoan baino landuago daudela sumatzen da. Melodia, erritmo eta zertzelada dotore ugari entzun daiteke. Halaber, Joseba kantari moduan ere finago aritu da, ahotsa pixka bat aldatu du, onerako.

Joseba... [+]


2019-03-10 | Iker Barandiaran
Batu eta hunkitzeko gaitasuna

Badira talde gutxi beraien herrian profetak direnak; eta The Potes bada horietako bat. Bestelako barik hasi zen taldea, ia txantxa moduan: ondo pasatzeko asmotan lagun talde bat elkartu eta banjoaren aukerak probatzearekin batera The Pogues zein traza horretako folk talde ganberroen kantak bertsionatzeari ekin zioten. Emaitza jendaurrean plazaratzen hasi eta harrera oso beroa jaso zuten sorterrian, Arrasate aldean batez ere. Tamalez, baina, epe laburrera taldeak Bergarako Gaztetxean egin zuen... [+]


Emozioen soinu banda itzela

Soinu laino trinkoa eta sendoa eraiki du Lisabök. Emozioen soinu banda eder bat, itzela. Tentsioa da nagusi, eustea. Intentsitatea, energia. Amorrua, ernegazioa, amildegiaren ertzean egotearen sentsazioa. Une batzuk bortitzak eta basatiak dira, zarata, ekaitza eta iluntasuna nabaritzen dira, eta beste batzuk leunagoak eta samurragoak, eta barealdia eta argitasuna ageri dira.

Post-hardcore kutsuko doinu gordinak dira, askotariko osagaiekin. Arretaz entzutea merezi du, behin baino... [+]


2019-02-17 | Iker Barandiaran
Kontzeptua, gogoa eta intentsitatea

Gasteizko laukote honek harrituta utzi nau post-hardcorea biziberritu izanagatik; energia biziko kontzertuak egiteagatik; eta estreinako lana disko kontzeptuala delako. Historiako gertaera latzak aukeratu eta bakoitzari kanta bana idatzi diete: 12 guztira, Gernikako bonbardaketa, Gasteizko Martxoak 3, Leningradoko guda, Srebrenica zein Malaga-Almeria, besteak beste. Hori guztia This is fine izenburu ironikoarekin.

Asier, Mikel, Koke eta Okik 2016an sortu zuten taldea eta, konturatu orduko,... [+]


Hitza eta ahotsa

Ibon RG musikariak (Ibon Rodriguez) bere lehen lan luzea kaleratu du Repetidor kolektiboaren zigiluarekin. Hamar hazbeteko bi binilozko disko dira, bata a capella abestua eta bestea pianoak lagunduta.

Txesus Garate Tzesne arduratu da diskoaren grabazioaz eta ekoizpenaz. Grabazio saioak hainbat tokitan egin dituzte: Manzanedo Araneko eremitorio batean, Errenteriako Aitzpitarte IV.a leizean, Getxoko eta Galdakaoko bunker banatan eta Eibarko musika eskolan. Toki horietako hormen eta ertzen... [+]


2019-01-27 | Iker Barandiaran
Arroz-soroetan ere aske

Arrasaten jaio eta hazitakoa naiz, ondorioz Oi! mugimenduaren irla iraunkorreko biziraulea izan naiz luzaroan. Bai, nik ere baditut, beste estilo askotako taldeenaz gain, Oi! diskoak etxean eta batzuk kuttunak ditut, baina azkar asetu nintzen koru horiekin, punkaren amorrua akabatzen duten punteoekin eta, kasu askotan, zabaltzen dituzten mezuekin. Beste zerbait behar nuen…

Horregatik gustura hartzen ditut hemen bizi (izan) duten konfort-gunetik irten eta bestelako proposamenak, gero... [+]


2018-12-23 | Iker Barandiaran
Estali ezineko melodiatzarrak

Jon Basagurenek ahots propioa dauka eta hori ezin da ezbaian jarri: ahots tonalitate malenkoniatsu bezain sinesgarria, melodia borobilak egiteko gaitasuna, euskaraz zein ingelesez abesteko dikzio dotorea, eta abestiak janzteko gustu oso ona.

Neil Youngen kantuak zuzenean bakarka plazaratzen ezagutu nuen Basaguren; eta zinez gustura egiten zuela transmititu zuen. Garai parekoan bere kantuak taldean musikatzeko sortutako Izaki Gardenak-en lehen diskoa eskuratu nuen eta sorpresa ederra hartu... [+]


ASTEKARIA
Azkenak
EGILEA
Eguneraketa berriak daude