Emakumeak borrokan

Saio magikoa

Montserrat Auzmendi del Solar
2019ko urtarrilaren 13a
Gabonetako Oratorioa. Jean-Sébastien Bach. Le Concert Lorrain. Zuzendaria: Andrew Parrott. Abesbatza: Dresdner Kammerchor. Zuzendaria: Robert Schad. Bakarlariak: Joanne Lunn, Martha McLorinan, James Gilchrist eta Peter Harvey. Kursaal Auditorioa l Abenduaren 16a.

Joan zaizkigu Gabonak, baina oraindik buruan ditugu turroiak eta familia eta lagunekin pasatako une dibertigarriak. Egun hauetan disfrutatutako kontzertu batzuen oroimenak ere bueltaka ditugu gure pentsamenduetan. Horietako bat, zalantzarik gabe, Kursaal Eszena zikloan eskainitako Gabonetako Oratorioa.

Obra ederra da, tarte guztietan begi bistan dago Bachen konposatzeko maisutasuna. Sei kantatak osatzen dute Oratorioa, haietako bakoitza Eguberritako jai liturgiko banatarako. Aldi honetan  lau entzun genituen: lehen hiruek Gabonetako lehen hiru egunekin bat egiten dute, eta seigarrenak Epifaniaren gaia jorratzen du.

Esan bezala, obra zirraragarria eta aldi berean samurra da. Halere, Oratorio hau ez zen bereziki aintzat hartua izan orain dela gutxi arte, beharbada ulertu ez zelako Bachen prozedura, parodia izenekoa. Honek esan nahi du aurretiaz idatzitako obretako gaiak erabiliz josi egin zuela Bachek oratorioa. Nahiz eta mix izaera hori eduki obra honek, ezin da ukatu haren edertasuna.

Kursaal Eszenak ekarritako bertsioa mundiala izan zen. Talde bikain pare bat izan genituen taula gainean. Alde batetik garaiko instrumentuak erabiltzen dituen Le Concert Lorrain taldea, eta bestetik, Desdner Kammerchor abesbatza. Biak, akatsgabeak. Andrew Parrott zuzendariak jakin izan zuen taldearen soinu berezi hori biribiltzen eta normala den aintzinako soinu-tresnen garraztasuna leuntzen, maisuki.  Abesbatza, Robert Schad-en zuzendaritzapean, oso homogeneoa azaldu zen soka guztietan eta ederki aritu zen uneoro.

Lau bakarlariak oso konbentzigarriak izan ziren. James Gilchrist tenoreak primeran egin zuen Ebanjelistaren papera, oso adierazkorra errezitatibo guztietan. Ahots argitsu eta boteretsua luzitu zuen. Peter Harvey baxuak emisio fin eta doia azaldu zuen, batez ere duoetan. Martha McLorinan kontraltoa agian ilundua geratu zen, batez ere Joanne Lunn sopranoaren ondoan, hain zirraragarri eta bizia izan zen honen kantua, benetan bikaina.

Kontzertu fresko eta perfektua suertatu zen, eta publikoak txalokada beroekin erantzun zuen.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal honetan artxibatua: Kontzertuak

Kontzertuak kanaletik interesatuko zaizu...
Agur ezin ederragoa
Mahler-en " 9. Sinfonia". Euskadiko Orkestra Sinfonikoa. Zuzendaria: Robert Treviño.
Gasteizko Principal Antzokia. Maiatzaren 9a.

Opari berezia ekarri digu Euskadiko Orkestra Sinfonikoak (EOS) bere azkeneko abonu-kontzertuan. Opari bikoitza esango nuke, alde batetik obra zinez ederra eskaini digulako, eta bestetik, interpretazio sakon eta sentitua entzun genuelako.

Zalantzarik gabe Gusav Mahler-en 9. Sinfonia konpositorearen produkzio osoaren obra ederrenetako bat... [+]


Frenesi hutsa

Ikuskizun zirraragarria disfrutatu genuen Donostiako Victoria Eugenia Antzokian. Ez zen espero genuena, askoz gehiago eta askoz hobea baizik.

Dantza espektakulu batera gerturatzen garenean bi aukera ditugu buruan: dantza guztiz klasikoa, Petipa edo Fokine koreografoen lanen tankerakoa, edo dantza garaikidea, Maurice Béjart edo Blanca Li dantzariek ordezkatzen dutena. Kasu honetan, ez bata, ez bestea. Dantza fresko eta ulergarria izan genuen taula-gainean. Marco Batti koreografoaren... [+]


2019-04-30 | Markos Zapiain
Bob Dylanentzat nostalgia heriotza da

AEBetako musika betirako eraldatu zuen Bob Dylanek 1960ko hamarkadan eta geroztik bere leienda hazi besterik ez da egin. Iruñean jo zuen joan den ostegunean eta Barakaldon berriz ostiralean. Bigarren kontzertu horren kronika da hau, iraganean iltzatuta geratu ez den artista baten erretratua.


2019-04-09 | Topatu.eus
EHZ festibaleko lehen musika taldeak iragarri dituzte

Iseo & Dodosound, Oihaneko Zühainetan, Gari & Maldanbera, Koban, Broken Brothers Brass Band eta Montauk izango dira ekainaren 28tik 30era Irisarrin eginen duten jaialdia. Sarreren aurresalmenta martxan jarri dute jada, eta gazteei laguntzaile gisa joateko deia egin diete.


Fresko eta arina

Aspalditik badabil Euskadiko Orkestra Sinfonikoa saiakerak egiten herritarrei, oro har, eta gazteei, bereziki, musika klasikoa gerturatzeko. Asmo honekin ziklo berezi bat du orkestrak, Musika Gela izenekoa hain zuzen ere. Gaztetxoei zuzendutako ziklo honetan saio labur eta didaktikoak aurkitzen ditugu, eta bakoitzean musikaren arlo berezi bat eta ikuspuntu konkretu bat lantzen da.

Aldi honetan, nahiz eta egitarau interesgarria ekarri Euskadiko Orkestrak, jende gutxi ikusi genuen Principal... [+]


Bortxaren xarma

Gasteizko Jimmy Jazz aretoa ohi baino ilunago dago, beltz. Olana batek laguntzen du belztasun hori sakontzen. Eszenatoki gaineko fokuek bakarrik argitzen dituzte Vulk-eko taldekideak eta momentu batetik bestera, oholtza, boxeo ring bilakatu da.


2019-03-31 | Andrea Zubozki
Ólafur Arnalds eta bere mamuak utziz

Atabal gelak gomitaturik, Ólafur Arnalds islandiar piano-jotzaileak kontzertu intimoa eman zuen martxoaren 9an, Biarrizko Gare du Midi aretoan.


2019-03-27 | Amaia Fernández
Arteak Ireki
MULTIMEDIA - ekitaldia

Martxoaren 23an, Arteak Ireki taldeak sustatuta, musikari eta kulturgileak herri askotan kalera atera ziren, Eusko Jaurlaritzaren kultur emanaldiak murrizten dituen dekretuaren kontra daudela esateko.


2019-03-26 | ARGIA
EHZ festibala Irisarrin egingo da aurten

Euskal Herria Zuzenean jaialdiaren aurtengo edizioak bazuen data dagoeneko: ekainaren 28tik 30era. Tokia, aldiz, zehaztu berri dute: Irisarrin (Nafarroa-Beherea) ospatuko dela jakinarazi du antolakuntza taldeak.


ASTEKARIA
Azkenak
EGILEA
Eguneraketa berriak daude