GAIZKI ERRANKA

Urte berriko asmoak

  • Dieta egiten hasi eta mehetzeko asmoarekin batera –zera, bihar hasiko naiz–, urtero bezala aurten ere gehiago idazteko eta irakurtzeko asmoa badaukat. Batez ere, zutabe honetako interesei begira, prentsa gehiago irakurtzeko asmoa.

Santi Leoné @ororostorm
2019ko urtarrilaren 13a

Etxean estatu kolpe bat eman, telebistaz jabetu eta Ur handitan maizago jarri behar dut; eta larunbatetan, ranchera baten letra hondarrekoz ikasi edozein herriko jaixetan. Berria sakonago aztertu, eta ARGIAko blogak sistematikoagoki irakurri; nire bloga enegarrenez berpizten saiatu nahiko nuke, eta otsail aldera, adibidez, zinema kritikari gazte jakin batekin nire adostasun eta miresmen –ez nahitaez hurrenkera horretan– erabatekoak adierazi, zinemari buruzko Telegrameko bere taldean parte hartzera utz diezadan. Euskal Herria ulertzeko, Atopia rol jokoa itsasargitako izateko zin egin diot nire buruari, Diario de Navarra bezain zientzia fikzio gogorra ez izan arren. Xahori buruzko zer edo zer idatziko dut.   

Errealitate honetako Espainian zer gertatzen den jakiteko, Europako prentsa irakurtzeko promes egiten dut: iaz, Frantziako prentsari esker jakin nuen Vox alderdi ultraeskuindarra dela; Süddeutsche Zeitung-ek kontatu zidan Espainiakoa dela Europan estimu gutien duen monarkia, eta Neue Zürcher Zeitung-ek azaldu zuen epaileek politikariek ezarritako musikaren arabera egiten dutela dantza. Errealitate paralelo bateko Espainian zer gertatzen den jakiteko, berriz, Espainako hedabideei erne segituko diet: El Españoli esker jakin genuen Voxeko liderra gasolindegi batean gelditu eta Bimbo ogia eta Kinder arrautzak –baina ez normalak, aizue, txokolate zurikoak baizik– erosi zituela. Eta, aldi berean, saiatuko naiz gogoratzen euskaldun guziak ez direla Espainiaren menpe bizi.

Aurten ez dut 1.800 karaktereko muga  gaindituko. Tira, hurrengo zutabean.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal honetan artxibatua: Hedabideak

Azkenak
Maiteminduta al dago Michel Houellebecq?

Urtarrilaren 4an argitaratu da Michel Houellebecq-en zazpigarren nobela, Sérotonine, eta publikatu bezain laster urteko fenomeno literarioetako bat bihurtu da Frantziako Estatuan, baita harago ere, itzulpenak azkar etorri baitira, asteazken honetan bertan publikatu da gaztelaniazkoa. Argitaratu aurretik zen handia ikusmina, Houellebecq ez baita alferrik gaur egungo idazle irakurrienetako bat, bere nobeletan Frantziaz eta Mendebaldeaz egiten dituen gogoeta sarkastiko, probokatzaile eta... [+]


2019-01-20 | Adur Larrea
Ez hanka ez buru
Foam pilotak eta beste

2019-01-20 | Reyes Ilintxeta
Maddi Barber. Itoizko urtegiaren ondorioak behatzen
"Nola egin daiteke paisaiaren edo leku baten dolua?"

Mila galdera ditu borborka antropologiarekin maiteminduta dagoen Artzibarko gazteak. Horietako bat Itoizko urtegiarekin lotua:
nola bizi daiteke bertako jendea zazpi herri eta hiru natura-erreserba ito zituen ur baltsa erraldoiaren ondo-ondoan?


2019-01-20
Maddi Barber Gutiérrez (Lakabe, 1988)

Ikus-entzunezko Komunikazioan lizentziaduna, EHUn. 2017an, Ikus-antropologia masterra egin zuen Manchesterreko Unibertsitatean eta han Yours Truly zuzendu zuen C. Murray eta C. Hoskins-ekin. 592 metroz goiti dokumentala da master bukaerako lana. 2018an, Visions du Réel jaialdian (Nyon, Suitza) estreinatu ondoren, Donostiako Zinemaldiko Zabaltegi-Tabakalera sailean hartu zuen parte. Zinemagile nafarraren lana Kimuak 2018 sortarako hautatua izan zen. Orain Itoizko urtegiarekin lotutako... [+]


2019-01-20
Aldaketarik ez

Eguneko 13 ordu baino gehiagoko lanaldiak, jai egunak barne. Osagarririk ez opor, baja edo gauean lan egiteagatik. Prekarietatea ordainsari langile migratzaileentzat. Eta grebari ekin diote. Ez gara ari Almeriako “plastikozko itsasoko” egoeraz, Azkoienen gaude, Nafarroako Gobernuak diru publikoz lagundutako enpresa batean. Urtetan Nafarroako landa eremuan izan den gatazkarik handiena da Huertas de Peraltakoa. Eta momentuz, Aldaketaren Gobernuak patronalaren ildoa babestu eta... [+]


2019-01-20
Amurrioko baserriari tiro egin zion polizia: "Probokatu egin ninduten"

Pistolarekin tiro egin zuen Espainiako polizia ohiak adierazi digu bere burua defendatu besterik ez zuela egin. “Mendian gaztainak biltzetik nentorren, eta bertatik pasatzera nindoala jakitun, baserriaren atarian mezu iraingarria jarri zuten jabeek: ‘Kontuz txakurra’. Urteetan sufritu behar izan dugu irain hori, eta bake garaiotan berdin jarraitzea ez da bidezkoa. Demokrata orok egingo lukeena egin dut, justiziaren eta elkarbizitzaren alde aletxoa jarri”.


2019-01-20
"Atxikimendu-bonoa" sortu dute, euskal celebrityek aldarrikapen politikoak egitea errazteko

Kultur eta kirol munduko aurpegi ezagunek aldarrikapen politikoekin bat egitea errazteko, “Atxikimendu-bonoa” sortu dute Euskal Herriko hainbat eragilek. “Ideia sinplea da”, esplikatu du Txintxo Garmendiak, ekimenaren bultzatzaileetako batek: “Beti jende berarengana jotzen dugu antolatu dugun zerbait aldarrikapen zabala dela adierazi nahi dugunean.


ASTEKARIA
Azkenak
EGILEA
Eguneraketa berriak daude