KiVa
Ez da auto marka bat ez eta zerga mota madarikatu baten sigla ere. Programa bat da, eskolako jazarpena aurreikusten eta murrizten laguntzen omen duena. Bullyng-aren kontrako jarrera aktiboa, non eskola esparruko oro inplikatuta agertzen den: irakasleak, ikasleak, gurasoak, lorezainak eta sukaldariak. KiVa programak aurre egin nahi dio eskoletan ematen den indarkeria orori, berbazkoari zein fisikoari. Eta gure ikastolak abian jarri du programa hori.
Baina nago, deus gutxirako balio izango duela heziketa programa horrek, giza portaeraren berezko basakeriak arrastoan jartzeko. Gizakia berez eta senez gaiztoa den ustekoa naiz, animalia, alegia, arrazionaletik beste duena irrazionaletik. Ongia ikasi egiten da, ez da berezkoa, salbuespenak salbu.
Gizakia gizaki denetik ez da ezer aldatu. Elkar torturatu eta hiltzen jarraitzen dugu, sua asmatu aurretik ere.
Gizakia harroa da, koldarra, krudela, basatia, harraparia, gaiztoa, erasokorra eta mendeku zalea. Gizakia oldarkorra eta konpultsiboa da.
KiVa programak eskola jazarpena murrizten lagunduko du agian, eta horretan indarrak batu behar ditugu, jakina, baina ez du desagerraraziko. Ez, pertsonen arteko harreman sozialak errespetuan oinarritzen ez diren bitartean
Portaera, jarrera, pentsaera, nortasuna eta izaera bera ere moldagarri diren ezaugarriak dira gugan, eta heziketa, morala, etika, filosofia eta erlijioa erabiltzen ditugu bideratzaile eta zuzentzaile gisa. Eta Ongia eta Gaizkia desberdintzen badakigun arren, pentsatzen jarraitzen dut gizakiok gaiztoak garela sortzez. Hau da, gaizto jaio, beltz eta ilun eta, gero, kulturak, heziketak, ohiturek eta arauek kolorea hartzen laguntzen digute, zeru hodeitsuan ostarteak legetxe.
Indarkeria matxistarekin gertatzen da. Eskolako jazarpenarekin.
Gizartea kontzientziatuko da indarkeria matxistarekin, baina berau ez da desagertuko, gizakiak bere burua kontrolatzen lanak izaten dituelako, animalia irrazionala ere badenez gero. Guztiz eboluzionatu gabeko animalia zibilizatua ere badenez gero.
KiVa programak eskola jazarpena murrizten lagunduko du agian, eta horretan indarrak batu behar ditugu, jakina, baina ez du desagerraraziko. Ez, pertsonen arteko harreman sozialak errespetuan oinarritzen ez diren bitartean. Eta deus gutxi laguntzen dio KiVa programari, esaterako, ikasle taldeak (gurean gertatzen den bezala) errespetu eza lotsagarria erakustea irakasleari, berdinen eta desberdinen arteko bizikidetzaren ezaugarri garrantzitsuena denean, aurrekoa aintzat hartzea. Programak, protokoloak eta dekalogoak ez dira txarrak izaten berez. Gizakia bai, ordea, teoria on guztiak hankaz gora jartzen baino ez dakielako.
Bidali zure iritzi artikuluak iritzia@argia.eus helbide elektronikora
ARGIAk ez du zertan bat etorri artikuluen edukiarekin. Idatzien gehienezko luzera 4.500 karakterekoa da (espazioak barne). Idazkera aldetik gutxieneko zuzentasun bat beharrezkoa da: batetik, ARGIAk ezin du hartu zuzenketa sakona egiteko lanik; bestetik, egitekotan edukia nahi gabe aldatzeko arriskua dago. ARGIAk azaleko zuzenketak edo moldaketak egingo dizkie artikuluei, behar izanez gero.
Ez da lehenengo aldia, aditua izan ei naiz kontraesanetan. Oreka, baietzaren eta ezetzaren arteko muga non marraz daitekeen bilatzen. Analisi topografikoa, neurriz neurri morala triangelatzen. Tatuaje erraldoia bekokian: Bai, baina… Erabaki batera iristeko, inoiz nire... [+]
Beharbada ez duzu jakingo nor den Donald Berwick, edo zergaitik aipatzen dudan artikuluaren izenburuan. Gauza bera gertatzen zaie, agerikoa da, abian den Osasun Itunean parte hartzen ari diren gehienei. Ez dakite zer den Berwicken Helburu Hirukoitza, are gutxiago eredu hau... [+]
Aurreko egunetan Larraitz Ugarte abokatuak idatzitako La motosierra puede ser tentadora artikuluak zeresan handia eman du sektore zabal batean. Administrazio publikoaren barruan ohikoak diren egoera batzuk mahai gainean jartzen ditu, tartean efizientzia falta, ardura eta kontrol... [+]
Garrantzitsua al da hizkuntza bat zuzen erabiltzea? Zer puntutaraino da hain beharrezkoa gramatika menderatzea edo hiztegi zabal bat edukitzea? Betidanik entzun izan ohi dut hizkuntzaren garrantzia, baina pentsatzen jarri ostean, ondorio batera iritsi naiz. Pentsatzeak askotan... [+]
Aspaldian bisitatzen ez nuen eta hainbertze gustatzen zitzaidan leku batera joan nintzen aurrekoan. Bertan nengoela, gustura sentitu nintzen eta zera pentsatu nuen: hau da nire leku kuttuna. Kuttuna, kuttuna, kuttuna; hitza jira eta biraka etxerako bidean. Kuriositateak jota... [+]
Nerabeek eta gazteek, ibilbide akademikoan zehar, behin baino gehiagotan jasoko dute lagungarria izango zaien ikasketetarako edo-eta lanbiderako orientabidea. Gidaritza eskaini behar zaie, zalantzez beterik egon ohi baitira erabaki garrantzitsuak hartu behar dituzten bakoitzean,... [+]
Jada bizpahiru aste izango dira irakurri nuenetik, Maialen Akizuren zutabe batean. Aner Peritzek telebistan esandakoak zekartzan: “Bertsolaritza da gizon zis heteroekin ez harremantzera eraman nauena, bertsolaritza delako disidente egin nauena, eta, era berean,... [+]
Beldur hori bada. Badirudi Donald Trump etorri dela Washingtoneko bulego borobila luzerako okupatzera. Bigarren mandatua du, baina bere hurbileko aholkulariei, ez dela txantxetan ari berretsiz gainera, Konstituzioan zenbaki bakan batzuk aldatzeko bere xede zurruna aipatzen die,... [+]
Ansorena´tar Joseba Eneko.
Edonori orto zer den galdetuz gero, goizaldea erantzungo, D´Artagnanen mosketero laguna edo ipurtzuloa, agian. Baina orto- aurrizkiak zuzen adierazten du eta maiz erabiltzen dugu: ortodoxia, ortopedia, ortodontzia... Orduan (datorrena... [+]
“Erresilientzia poltsa”, “biziraupen eskuliburua”, “ebakuazio bizkar-zakua”: hara nolakoak entzun daitezkeen agintarien ahotan azken asteetan.
Iragan hilabeteko adierazpenen artean, Europako Batasunak herritarrei eskatu die... [+]
Ez da Aberri Eguna, Aberri Aukera da euskaldunok behar duguna. Urtean behin errepikatzen dira balizko alderdi zein talde abertzaleen deialdiak, data hauetan, Euskaldunon aberria Euskadi/Euskal Herria da aldarriaren inguruan. Egun bateko kontua izaten da, hala ere. Eta ez batera... [+]
Joan den astean topaketa polit bat izan dut, aspaldi ikusten ez nuen emakume talde batekin, eta egitearen inguruan aritu gara berbetan, teknologia eta sorkuntza espazioei lotuta.
Emakume hauetako nagusiena, jubilatzeko mugan dagoena, programatzailea da eta kodea programatzen... [+]
Hainbatetan esan izan didate arkitektoen lanaren gauzarik indartsuena dela ekoizten duguna betikotu egiten dela. Eraikinaren betikotasunak gizakiaren presentzia tenporala gainditzen duela eta geroko etorkizunean iraunkor egingo gaituela. Eta liburu batekin gertatzen ez den... [+]
Desengainu handia hartu dute euskal feminista askok jakin dutenean Chimamanda Ngozi Adichie idazleak haurdunaldia esternalizatu duela, alegia, surrogate batek ernaldu duela bere haurra, diru truke. Guztiok izan beharko genuke feminista saiakeraren egilea da Adichie, besteak... [+]