Larru kontuak
Posta zerbitzua fin ibiltzen ez bada, Argiaren zenbaki hau irakurle batzuen eskuetara ailegatu orduko bala-bala ibiliko dira, jende artean, maiatzaren 24ko hauteskundeetako emaitzak. Jakinen dugu Nafarroara etorria den azken hilabeteetan hainbertzeren ahotan ibili den aldaketa, eta/edo hura zenbaterainokoa den. Jakinen, bertzela, jadanik asmatzen hasi beharko ote dugun nola iraun bertze lau urte gehiago, basamortuan ibiltari.
Inkestek kolore aunitzeko Parlamentua agindu digute, inoren jabetza partikularra izanen ez dena. Agintea, baten kontua gabe, birena, hirurena eta are laurena izanen da, seguruenik, behialako erresuman. Ez da izter-estuendako gobernua izanen, ohe-zabalendakoa baizik. Ménage à trois ez ezik, à quatre ere egiten jakin beharko du noski lehendakaritza nahi duenak. Eta kasu, inor ohantzetik eror ez dadin.
Ohe-laguna(k) nor, horretan koska. Alberdanian eta aupalanarru ibiliko dira gure politikariak. Promiskuitateak ere bere mugak ditu, alabaina. Are gehiago Opusek benedikaturiko lur honetan. Bikotekide –hirukotekide, laukotekide– gose daude nafar alderdi eta koalizio politikoak, baina ez edozein preziotan aritzeko bezain desesperatuki. Nafar politika aurreikusgarri samarrean egundaino probatu ez diren ariketa, jarrerak eta praktikak ikusiko baditugu ere, ez da dena on izanen. Bateragarritasun mugatuak gobernatuko du gobernamenduaren ohe biribila.
Lerro hauek kanpaina bete-betean dagoela idatziak dira. Eta kanpaina kukurrukuka eta nor bere buruari haizeka ibiltzeko aroa dugu, ez zure ondoan nor etzanarazi nahi duzun aldarrikatzeko tenorea. Nork norekin baietz, hori ez du inork garbi-garbi adierazi. Gardenago dago nork norekin ezta itsuturik ere. Edo nork norekin noiz nola.
Inkesten anabasek iradoki dutenetatik eta batzuek eta bertzeek erranetatik, ondorio garbia ateratzeko maneran gaude: inon susmatzen ez den ustekabeko bitxikeria apartarik gertatu ezean, bi baldintza bete beharko dira hurrengo gobernuburua UPNkoa ez izateko. Lehenbizikoa, Euskal Herria Bilduren, Geroa Bairen, Izquierda-Ezkerraren eta Podemos-Ahal Duguren jarlekuen baturak gutxienez ere 26 egitea. Bigarrena, lau indar horietarik jarleku gehien duena EH Bildu ez izatea.
Horren gordina, horren erreala.
Bidali zure iritzi artikuluak iritzia@argia.eus helbide elektronikora
ARGIAk ez du zertan bat etorri artikuluen edukiarekin. Idatzien gehienezko luzera 4.500 karakterekoa da (espazioak barne). Idazkera aldetik gutxieneko zuzentasun bat beharrezkoa da: batetik, ARGIAk ezin du hartu zuzenketa sakona egiteko lanik; bestetik, egitekotan edukia nahi gabe aldatzeko arriskua dago. ARGIAk azaleko zuzenketak edo moldaketak egingo dizkie artikuluei, behar izanez gero.
Setioa hausteko Palestinara janaria zeramaten aktibista batzuk atxilotuta jarraitzen duten bitartean, honako gogoeta hau:
Bigarren Mundu Gerra hasi aurretik, Hitlerrek beste herrialde batzuetako lurrak konkistatu bazituen ere, Mendebaldeko potentziek ez zuten ezer egiten... [+]
Gaur bi urte bete dira estatu sionistak Palestinako herriaren aurka martxan zuen genozidioa bizkortzen hasi zenetik. Bi urte, non haurrak, eskolak, ospitaleak eta ametsak bonben jomugan egon diren, munduaren isiltasunak krimen horiek estali dituen bitartean.
100 urte pasatxo... [+]
Gazako genozidioak presioa areagotu du entitate sionistaren kontra arlo askotan, eta sionisten konplizeetara ere heldu da. Shapir enpresa israeldarraren eskutik CAF Jerusalemgo tranbiaren proiektuan sartzea salatu du hasieratik BDZ mugimenduak. Sei urte pasatu dira jada. Gazako... [+]
Asilo-leku sakratua Erdi Aroko lege bat zen, zeinaren bitartez justizia atzetik zituztenek elizaren eta monasterioen babesari hel ziezaieketen. Akaso, bi mila urtetan ongia egin zuten apurra. Eta, jakina, ahal bezain azkar, lege hura desegitera jo zuten, desagertu zen arte. A ze... [+]
Bilboko Udalak iragarri du Lancor-Elgorriaga eta Consonni pabiloiak berehala eraitsiko dituela, eta segidan, Udalbatzan aurkeztu du lan horiek bizkortzeko proposamena, kontuan hartu gabe 80 pertsona inguru bizi direla bertan baldintza negargarrietan: euren ondasun urriak... [+]
Gero eta ahots gehiagok –ez eskuinetik bakarrik– “migrazioaren arazoari” ausarki helduko diotela aldarrikatzen dute. Narrazioa nahi baino ezagunagoa da: lanpostuen, zerbitzu publikoen eta baita etxebizitzaren gaineko lehian ere, baliabideak omen direlako,... [+]
Gaua egiten denean, eraikin asko ipurtargi bilakatzen dira hormigoizko basoan. Egunez ezkutuan gorde duten barnealdea eszena pusketetan voyeaur begibistara agertzen dira, argiztapen artifizialaren magia bitarteko. Gaueko auto zein oinezko paseoetan lurraldea eta eraikinak... [+]
1. Bernedo terrorismorik gabeko eremu bat izango da, erradikalik gabea, eta ez da mehatxu bat izango bizilagunentzat.
2. Bi aldeak proposamenarekin ados badaude, gerra berehala bukatuko da. Patriarkatuaren indarrek adostutako lerrora egingo dute atzera, bahitutako dutxak... [+]
Kosta egiten da hitz autorizatuak eraikitzea gaur den egunean, nahiz eta hitz horiek zerbaiti buruzko ezagutza sakona duten pertsona batzuenak izan. Maria Teresa Andruetto idazle argentinarrari entzuna nion ohartarazpena: jakintzarekiko eta lan iraunkorrarekiko... [+]
Txikitan, Txiki eta Che Guevara nahasten nituen. Umetako lainoarte baten moduan gogoratzen dut, baina gerora ulertu dut: Txikik Che miresten zuen. Horregatik, haren aurpegi mitikodun kamisetarekin agertzen da bere argazki gogoangarrian, eta Askatasun haizea poema euskarara... [+]
Onartzen dut sare sozialek nahi baino denbora luzeagoa kentzen didatela hainbatetan, eta guztiak ezabatzeko ideia buruan ibiltzen dudala maiz. Debate antzuak gogaikarriak eta bortitzak iruditzen zaizkit batzuetan, eta geroz eta zabalagoa den eskuin muturreko ideien presentzia... [+]
Heziketan egin beharreko aldaketak etengabe dira hizpide, gizarte-eraldaketari begira heziketak duen garrantziaz jakitun, horra begira jarri beharra duelako modu batean ala bestean bizitza-eredua aldatu nahi duen edozeinek. Eginkizun horretara jarritakoan, baina, curriculumaz... [+]
Hasiera batean, memea ez nuen behar bezala ulertu, hitz hori entzuterakoan gustu txarreko irudiak zetozkidan burura, ustez grazia egin behar lidaketenak. Memeka zebilen mundu guztia nire inguruan, mugikor bidez irudi horiek igorriz, nire ustetan hutsalkeriak zabaltzeko besterik... [+]
Palestinan gertatzen ari dena ikaragarria dela erraten du jende orok karrikan barna, “Onartezina da! Genozidioa da!” bilakatu dira azken aldiko entzunenak. Egoera salatzeko elkarretaratzea egin, ordea, eta bidegabekeria dela pentsatzen duten hamar horietatik lau... [+]