Baserritik otarrera, talde txikien bidez eragin

  • AntiguaOtarrak. Bilgunea: Antiguotarrak elkartea (Donostia, Matia kalea 31). Sorrera urtea: 2010. Otar kopurua: 30 gehienez. Taldea hornitzen duten ekoizleak: 6 (barazkiak, arrautzak, oilaskoa, haragia, ogia...).

Lander Arretxea @larretxea
2015eko apirilaren 05a
30 otarren langa ez gainditzea erabaki dute, kontsumo taldea ondo kudeatu ahal izateko: “Hobe da talde txiki asko izatea, handi bakarra baino”.AntiguaOtarrak

Barazki mordoa jaten dute Idurre Zugazagasti eta Haritz Ugarte antiguatarrek, garaian garaikoa eta bertakoa. Ez dute ordea supermerkatuan erosten. Astearte arratsaldero Antiguotarrak elkartetik igaro eta orotariko elikagaiez hornitutako otarra izaten dute zain. Izan ere, biak ala biak jada bost urteko ibilbidea egin duen AntiguaOtarrak kontsumo talde autogestionatuko kide dira.

Kontsumo taldeak 30 otar betetzen ditu astero, eta bakoitzak norbanako, bikote, lagun-talde edo familia bana du jabe. Horretarako, ekoizle txikiekin soilik eta banan bana egin dute harremana, asanblada bidez eta hainbat irizpide jarraituz aukeratu ostean. Bertakotasuna eta nekazaritza ekologikoan aritzea da batez ere aintzat hartzen dutena.

Ekoizleek elikagaiak elkartera eramaten dituzte, batere bitartekaririk gabe, eta kontsumo taldeko kideek hartzen dute elikagaiak banatzeko ardura. Horretarako, asteartero bi kidek egin behar izaten dute banaketa lana: elikagaiak hartu eta otar bakoitzean dagokiona jarri. Zugazagastiren hitzetan: “Urtean hiru edo lau aldiz soilik egokitzen zaigu lan hori, eta trukean, tokian tokiko produktu ekologikoak jasotzen ditugu astero”.

Otarra itxia da, eta hortaz, urte osoan eskatuko dutena aurretik planifikatzen dute. “Badakigu noiz jasoko ditugun arrautzak, noiz gazta edo noiz tomateak”. Horri esker, ekoizleek euren lana antolatu eta egonkortzeko aukera dute. Gainera, hilabeteko aurrerapenarekin ordaintzen diete baserritarrei, eta inoiz uzta hondatuko balitz ere, berdin ordaintzeko konpromisoa hartua dute. “Zorionez, oraingoz ez zaigu halakorik gertatu”.

Auzoko eragile aktibo

Diotenez, ekonomikoki ez dute ahalegin berezirik egin behar izan, hilero ordaintzen duten kuotak ez baitu supermerkatuan erosiz gero xahutuko luketena gainditzen. Ugarteren arabera “egin beharreko moldaketa bakarra garaian garaiko produktuak jatera ohitzea da”.

Kontsumo taldeko kide gisa parte hartzera bultzatu dituzten motibazioak asko dira: bertako ekoizle txikiei laguntzea, beste kontsumo eredu bat sustatzea, produktu osasuntsuak eskuratzea… Kide bakoitzak bere lehentasunak ditu, baina bi hilabetean behin egiten dituzten asanbladen bidez eta erabakiak denen artean hartuta, proiektu komun bat eratzea lortu dute.

Horrez gain, auzoko eragile aktibo bat gehiago dira. Jaietako egitarauaren baitan ekintzak antolatzen dituzte urtero, eta erosi dute igaro berri den Korrikaren kilometro bat ere. Lekukoa eramateko haien otarrak betetzen dituen ekoizleetako bat gonbidatu dute gainera.

Halako ekimenei esker Antiguan gero eta ezagunagoak direla nabari dute. Orain arte bezala modu horizontalean jarduten jarraitzeko 30 otarren langa ez gainditzea erabaki dute ordea, eta taldera batu nahi duen jende asko dagoen arren, itxaron-zerrendan izena eman behar izaten dute. “Ondo kudeatu ahal izateko hobe da kontsumo talde txiki asko izatea, handi bakarra baino. Auzoan bertan bada beste talde berriago bat, eta ea laster gehiago ere sortzen diren”.

AntiguaOtarrak Kontsumo Taldeak bere jarduna azaltzeko ekoitzitako bideoa:

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal honetan artxibatua: Txanponaren beste aldeak

Txanponaren beste aldeak kanaletik interesatuko zaizu...
2016-02-07 | Lander Arretxea
Nori baino, norekin deitu

Bestelako kontsumo ereduak aipatzen hasi eta normalean lehenengo sektorea etortzen zaigu burura: kontsumo taldeak, bertako produktuak… Baina kontsumo kritikorako neurriak ez dira jan-edanera mugatzen. Azpiegitura erraldoiak behar dituen teknologia eta telekomunikazio sareen alorrean ere sortu dira lehenengo alternatibak. Haietako bat da telefono eta internet zerbitzuak eskaintzen dituen Eticom - Som Conexió kooperatiba. Herrialde Katalanetan abiatutako proiektua da, baina Euskal... [+]


Txanponaren beste aldeak
Turismoa ez da zertan bisitarientzat soilik izan

Itsasoa usaintzera heltzen zara hemendik. Leku pribilegiatu batean nago oraintxe bertan, irakurle; Ondarroako Arrigorri hondartza nire magalean eta Saturraran bistaratzen dudala. Harkaitzen gainean kokatuta dagoen Alfa eraikinean nago, Arrigorri ostatu-jatetxean. Orain urtebete eskuratu zuten Ondar-Uhin Turismo Elkarteak eta Arrikoop. Kooperatiba Elkarte Txikiak eraikinaren kudeaketarako baimena. Zazpi urtez itxita egon ostean Udalak egindako lehiaketa irekia irabazita sartu dira... [+]


2016-01-03 | Lander Arretxea
Emantzipazioa okupazioaz harago

35.466 etxebizitza huts Nafarroan, haietako 13.199 Iruñerrian. 2013koak dira datuak, baina ez dirudi hori asko aldatu dela pentsatzeko motiborik badagoenik. Eta bitartean, milaka lagun etxebizitza bat izateko aukerarik gabe: gurasoen etxea utzi ezin duten gazteak batzuk, eta are egoera gordinagoan dauden beste batzuk; ordaindu ezin dutelako euren etxeetatik kaleratu dituztenak. Ez dira kontu berriak. Nafarroan ez ezik, Euskal Herri osoan errepikatzen den paradoxa da: etxerik gabeko... [+]


Txanponaren beste aldeak
Herritarrek gazteei mailegua interesik gabe

Ipar Euskal Herri barnealdea. Baxenabarre. 1966tik lanean den Euskaldun Gazteria taldeak 2009an eragin esparru berri baten beharra ikusita jada Zuberoan martxan den Gazteendako Aurrezkirako Lekuko Taldea (GALT) sortzeko hautua egiten du. Urte aldrebes samarrak bizi ditugu, ez gazteok bakarrik, baina jendarteko zati honi heldu dio Euskaldun Gazteriak –azaldu beharrik ez dago zergatia, izenari erreparatuta soilik nahikoa izango da–. Zonaldean gazteen ihesa egunetik egunera goranzko... [+]


2015-12-06 | Lander Arretxea
Bi aldiz errentagarria den finantza erakundea

Aspaldi da han eta hemen finantza erakunde erraldoien kontrako iritziak entzun eta errepikatzen ditugula. Direla hipotekatako iruzurrak, direla preferenteak, ustelkeria kasuak… Baina hala ere, herritarron gehiengoak bertan gordetzen ditugu gure sosak eta aurrezkiak, kasu askotan, zertarako erabiltzen diren jakiteko aukerarik gabe. Badira alternatibak ordea: finantza etikoak esaten zaion lan-esparruan dabiltzan erakundeak. Haietako bat da Oikocredit, bazkideek sartzen duten diruarekin... [+]


Lakari bat babarruna

Ordenagailu aurrean nagoen honi Zarautzen irekitzera zihoazen dendaren izena aditzean barre txikia egin zitzaion. Gure etxean lakari txitxiei eta ipurdi ederrei deitzen baitzaie. Eta pentsatu nuen, zein kuriosoa izena elikadura osasungarrirako denda baterako. Ezjakina ni. Aiton-amonek hau irakurriko balute... Lakaria garai bateko neurketa mota bati deitzen omen zaio, eta ni enteratu gabe; 3,6 kg inguruko neurriari hain justu. Neurketa egiteko egurrezko kaxaren irudia ikustean, ordea, ezagutu... [+]


2015-11-08 | Lander Arretxea
Gaztetxeko egiteko moduak, behar berrietarako ere balio du

Hamar urtek ematen dute askorako, eta tartean, aldatu daitezke beharrak, helburuak, kezkak… Irungo Lakaxita gaztetxea izango zena duela hamar urte okupatu zutenei hori bera gertatu zaie. Orduan hogei urte inguru zituztenek hogeita hamarrak gertu dituzte orain, eta etxebizitza, familia, lana eta antzeko kezkak pilatu dituzte bidean. Arazo berriei hasiera hartan aisialdi alternatibo faltari erantzun zioten modu berean egin diote aurre ordea. Hala dio Andoni Egiak: “Beti pentsatu izan... [+]


Etxearen alokairua lan sozialaren ordainetan

Bilbi plaza. Arratsaldeko lau eta erdiak. Bazkal osteko kafearen gonbitea onartu digu Davide Angelilli 24 urteko gazteak. San Frantziskoren bihotzean pasa zuen lehengo urtea gazte italiarrak. Masterra egitera etorri zen Erromatik Bilbora, eta etxebizitza solidarioaren programan sartu zen. Auzoko kultur eta kirol taldeen koordinazioan lagunduta etxebizitzaren hilabeteko alokairua 55 euro. Angelillik garbi du 55 euro horiek erakarri zutela programara hasiera batean, gero auzoak dirua baino... [+]


2015-10-11 | Lander Arretxea
Txanponaren beste aldeak
Betiko ofiziotik, haize berriak

Artezi
Jarduera: Altzarien tapizatzea eta zaharberritzea.
Kokapena: Eibar.
Izaera juridikoa: Kooperatiba.
Noiztik martxan: 2014ko irailetik.
Kide kopurua: 2.

---------------------------------------------------------------------------

Eibarko San Miguel de Aginaga kalean euren lanbidea eta lantokia aurkitu dute Norone Bizkarra eta Iratxe Artiach gazte durangarrek. Ez dute ordea berrikuntza eta start-up-ak sustatzen dituen gomendio sorta jarraitu. Erosi, erabili, bota eta berriro... [+]


Txanponaren beste aldeak
Soldatzaileek badakite bestelako bideragarritasun plana egiten

Hartzekodunen lehiaketan egon da azken urtean Koxka enpresa bi proiekturen arteko borrokan, eta paper artean aurkitu dugu Ramon Salinas Garrido. Koxkako langile ohia da eta beren enpresa izandakoari aterabidea emateko proiektua prestatu dutenetako bat. Gaur esku artean dauzkan orri horiexen artean pasa ditu azken hilabeteak Salinasek beste zenbait kiderekin batera, enpresaren bideragarritasun plana eta enpresa modeloa garatzen. Langileak lehen lerroan jarrita eta kooperatiba eredu bezala... [+]


ASTEKARIA
Azkenak
EGILEA
Eguneraketa berriak daude