Norberaren garuna jardunean ikustea posible da


Joxerra Aizpurua Sarasola
2014ko ekainaren 01a

Hainbat laborategik Mind-Mirror sistema sortu dute garunaren jarduera ikusteko. Sistema horretan bi teknologia motak egiten dute bat: errealitate areagotuko teknikek eta denbora errealeko elektroentzefalograma teknikek (EEG).

Hainbat patologia aztertzeko edo berreziketan erabiltzeko balio duen sistemaren funtzionamendua honelakoa da: erabiltzaileak elektrodoak dituen EEG kaskoa kokatzen du buruan, eta 3D kamera batek haren irudia erakusten du monitore batean.

Elektrodoek hartzen duten garun-jarduera, monitorean erabiltzailearen irudiaren gainean zehatz-mehatz kokatuta dagoen garun birtual batera proiektatzen da. Horrela, erabiltzaileak bere aurpegiaren gainean garun bat ikusten du, eta kaskotik bidalitako informazioak eragiten dituen kolore aldaketak ere bai.

Sistemak denbora errealean funtzionatzen duenez oso garbi nabaritzen dira lasaitasun aldiak, edota mota bateko zein besteko pentsamenduekin bat egiten dutenak.

Oraingoz medikuntza-aplikazioak izango dira teknika horren helburu nagusiak, baina bidea berehala zabaltzea espero da, norberaren emozioen kontrolerako heziketan adibidez.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal honetan artxibatua: Neurozientziak

Neurozientziak kanaletik interesatuko zaizu...
ASTEKARIA
Azkenak
EGILEA
Eguneraketa berriak daude