Punk-rock doinu bihurriak
Altxatu::Altxatu
Gor, 2013
Irunberriko (Nafarroa) hiru gazte, Iker Ariz, Ibai Osinaga eta Julen Abaurrea, dira Altxatu taldeko partaideak. Oso gazteak dira, 14-15 urte besterik ez baitituzte, baina jadanik disko bat kalean dute.
Punk-rock doinuak jotzen dituzte, gitarra, baxua, bateria eta ahotsak baliatuz. The Ramones, The Clash, Hertzainak eta 80ko hamarkadako euskal rock erradikala deitzen den mugimenduko taldeak atsegin dituztela nabarmena da.
Doinu indartsua gauzatu dute, ozen entzuteko aproposa. Diskoa ederki grabatuta dago eta ekoizpena ere ongi burututa dago. Disko osoa aise entzuten ahal da, eta kantuak entzuten ditugunean burua oharkabean mugitzen hasten zaigu, kantuen erritmora.
Altxatukoek beren kezkak eta ezinegona erraz transmititzen dizkigute. Hitzetan gai politikoak eta sozialak landu dituzte. Besteak beste, Euskal Herriaren independentziaz, krisiaz, arrazakeriaz, burua altxatzeko beharraz eta borrokatzeko grinaz mintzo dira.
Hamar kantu bildu dituzte beren lehen diskora. Taldeak euskaraz kantatzen du, baina No dejes de luchar kantuan gaztelania erabili dute, eta The Future is Unwritten kantuan, berriz, ingelesa. Azken kantu hori The Clash taldeko Joe Strummerren testu bati doinua jarriz sortu dute.
Halaber, haien bizilaguna den Josetxo Goia-Aribe saxofoi jotzaile eta konpositoreak Irunberri goratzeko konposatu zuen Irunberri-Lumbier kantua ere grabatu dute, eta The Specials talde ingelesaren You’re Wondering Now kantua euskaratu egin dute –Galdezka ari zara izenburua jarri diote–.
Hamar kantu horiek grabatu ez ezik, ikus-entzunezko lan bat ere osatu dute, bideoklip bat, Musika zainetan izenburuko kantuaz. Leihotikan taldeko Aitor Remon bideokliparen filmaketaz arduratu da.
Kantuak erraztasunez, segurtasun handiz eta batere lotsarik gabe jotzen dituzte. Hain gazteak direnik ez du ematen. Eta gezurra badirudi ere, eskarmentua badute, hainbat jendaurreko emanaldi egin baitituzte jadanik, Nafarroan gehienak. Kantuak egiten badakitela eta beren lokalean lan handia egin dutela nabarmena da. Melodia politak jotzen dituzte, eta kantuei freskotasuna, zintzotasuna eta sinesgarritasuna darie.
Ikerrek, Ibaik eta Julenek Altxatu taldea 2010ean sortu zuten. Hasieran jolas baten gisan hasi ziren, baina, agertokiaren gainean jotzen hastearekin batera, taldean aritzea serioago eta ganora handiagoarekin hartu zuten.
Javier Etxeberria Vendetta taldeko gitarra jotzaile eta abeslaria ezagutu ondoren, lehenbiziko diskoa harekin grabatzea erabaki zuten. Etxeberriaren beraren etxean grabatu zuten, eta Gor diskoetxeari lan txukuna iruditu zitatzaionez, Altxatu taldearen lehen diskoa bere zigilupean kaleratu du aipatu diskoetxeak.
Argi dago orain musika jolas bat baino gehiago dela Altxatu taldeko hiru kideentzat, musika bihotzean sentitzen dutela. “Musika bizitzan, musika zainetan”, Musika zainetan kantuan esaten duten bezala.
Zer: Orquesta de la Comunitat Valenciana.
Zuzendaria: Mark Elder. Donostiako Orfeoia.
Zuzendaria: José Antonio Sáinz Alfaro.
Bakarlariak: Federica Lombardi (sopranoa), Paula Murrihy (mezzoa), Xabier Anduaga (tenorea), Will... [+]
Abuztuaren 29ko gaueko egitaraua bertan behera utzi dute, iazko jaietan gau horretan izan baitziren indarkeria kasuak: sumisio kimiko bidezko sexu erasoak eta borrokak "nabarmen" areagotu zirela azaldu du Amets Jauregizar herriko alkateak. Abuztuaren 28tik 31ra bitarte... [+]
Erabilera bakarreko plastikoen ekoizpenari eta erabilerari jarri nahi dizkiete mugak bereziki. Plastikoaren ekoizpena bikoiztu dute mende hasieratik, eta igoera horren arrazoia erabilera bakarreko plastikoak dira nagusiki.
Von der Leyenek eta Trumpek akordioa lortu eta astebetera egin du mehatxua AEBetako presidenteak, Europako herrialdeek hitzartutakoa beteko ez dutela kezkatuta. Europako produktuei %15eko muga zergak ipintzeaz gain, Europako Batasunak AEBetan 600.000 milioi euro gehiago... [+]
Suhiltzaileek kontrolpean dute Ibarbeibar ibarreko sutea, Eneritz, Muruzabal, Añorbe eta Obanos herrietan egondakoak hain zuzen ere. Nafarroako Gobernuak behin-behineko debekua ezarri dio nekazaritzan sua erabiltzen duen edo sor dezakeen makineriari.
The Lancet aldizkariak argitaratutako ikerketa batek eman du datua eta ohartarazi du plastikoaren ekoizpenak osasunean eragina duela bere ekoizpen prozesu osoan eta gazte zein helduei eragiten diela. Gehitu du 1950tik 200 aldiz biderkatu dela plastikoen ekoizpena.
Brasilgo Auzitegi Gorenak eman du sententziaren berri, Bolsonaro oraindik Luiz Inazio da Silva Lula Brasilgo egungo presidentea pozoitu eta Alexandre de Moraes epailea hil nahi izateagatik epaitzen ari diren bitartean. Sare sozialik erabili ezin zuenean,... [+]
Bilboko Konpartsen Federazioak 2025eko Aste Nagusirako prestatu duen egitaraua aurkeztu du Arriaga Plazan. Federazioak, konpartsek eta Jai Batzorde Mistoak 600 jarduera baino gehiago prestatu dituzte, "gustu guztientzako ekintzez betetako Aste Nagusiaz gozatzeko".
Hiroshima eta Nagasakiko masakre nuklearren 80. urtemuga heldu zaigu, eta inoiz baino eskasagoak dira itxaropentsu izateko inputak. Hala ere, No More Hibakusha! aldarrikatzen jarraitu beharko dugu... ordukoei ez ezik geure buruari zor diogulako.
Israelgo lehen ministroa Segurtasun Kabinetearekin biltzekoa zen asteartean, "Gaza osorik okupatzeko planaz" eztabaidatzeko eta hori aurrera eramateko; baina atzeratu egin dute bilera. Israelgo armadaren buru Eyal Zamirrek, aldiz, Gazan diharduten lurreko soldaduei... [+]
Zer: Orquestra de la Comunitat Valenciana
Zuzendaria: Mark Elder
Bakarlaria: Nelson Goerner (pianoa)
Egitaraua: Txaikovsky eta Xostakovitxen lanak
Lekua: Kursaal Auditorioa, Donostia.
Data: abuztuaren 3a.
-------------------------
Orquestra de la Comunitat Valenciana... [+]
Pablo Gonzalez Polonian atxilotu zuten 2022an espioitza leporatuta. 2024ko abuztuan aske utzi zuten baina ez zuten bere prozesua itxi. Orain, prozesua berriz ireki eta epaileek 2025eko udazkenean epaitu nahi dute Gonzalez.
Bigarren aldiz da El Salvadorko presidente Bukele, konstituzioak legegintzaldi bat baino gehiagoz presidente izatea debekatzen badu ere. Orain, konstituzioa aldatu eta nahi beste aldiz hautatu dezakete presidentea.
Gasteizen igandean eginiko agerraldian, Txosnak. Gureak, denonak dinamikako kideek gaitzetsi dute txosnak ez direla enpresen gisara tratatu behar: "Gure ospakizunak edukiz hustu nahi dituztenen kontra, konpromisoaren, aniztasunaren eta autogestioaren alde egiten... [+]
Urtero legez, hitzordua izan dute igandean Sare eta Etxerat elkarteek Hego Euskal Herriko 11 hondartzatan. Euskal preso, iheslari eta deportatuak etxeratzearen aldeko aldarriak egin dituzte.