Emakumeak borrokan
Rafael Nadal i Farreras
2013ko abenduaren 22a

Denbora politikoa agortu da –badaukagu galdera– eta Katalunian oraindik ez dira eszenatokira atera ez klase gidariak, ez eliteak, ez hirugarren bidea edo antzinako burgesiaren ordezkariak, ezta enpresari handiak ere. Askok ahotsa galtzeraino eskatu dugu sektore horiek, neurri handi batean peix al cove [pragmatismo] politikaren protagonista izan ziren eta azpiegituren eta finantziazioaren soka luzatu zuten sektoreak, agertzea. Baina badirudi inhibitzea erabaki dutela, zain egotea. Onartu beharko dugu honezkero ez direla azalduko, haien indarrak ez duela bermatuko Kataluniako prozesu politikoa.

Harrigarria da sektore horien pasibotasuna. Krisi ekonomikoan izan duten lidergoari traizio nabarmena egin diote, eta orain, Kataluniako historia garaikidearen unerik garrantzizkoenean, bazterrean gelditu dira. Batzuetan ematen du haien estrategia bakarra ezer txarrik gerta ez dadin itxarotea dela. Ez dute mahai gainean ipini itxuraz gustuko zuten hirugarren biderako proposamenik, eta ez dituzte beren baliabideak erabili Madrilgo Gobernuaren jarrera negoziatzailea behartzeko. Ez dute eztabaidan inplikatu nahi izan; ez dute burujabetzaren aldeko edo aurkako daturik, kontakturik, hausnarketarik ez proposamenik eskaini; ez dute bat egin independentzia irrikarekin, baina statu quoaren aldeko argudiorik ere ez dute eman.

Beharbada otoitzean ari dira, talka gertatu baino lehen trena errailetik irten dadila eskatuz, baina agidanez, ez dira ohartzen euren inhibizioaren ondorioz gauzatu litekeela bere kabuz betetzen den iragarpen bat, independentziaren arrakastak hondamendi handia ekarriko duela dioena; agian uste dute zalantza eta beldurra zabalduz atzera-egite automatikoa eragingo dutela; edo pentsatzen dute hau guztiau ezer gertatu ez balitz bezala amaituko dela, Estatut-aren negoziazioaren aurreko egoerara itzuli ahal izango direla eta (…)saleroskeriaren politikari heldu ahal izango diotela berriz.

Ez dira jabetzen honezkero ezin izango dela horrelakorik gertatu. Baliteke etorkizunean aukera gehiago izatea, baina ez porrotak markatutako belaunaldi honetan; alderdi sistema autonomoaren gainbeherak espainiar politikaren eskuetan utziko luke Kataluniaren patua, eta espainiar politikak ez luke ahaztuko parean egokitu zaion erronka. Badaezpadako birzentralizazioa berehalakoa izango litzateke, dagoeneko abian dagoena baino sakonagoa.

Katalunian aspaldi gailendu zen burujabetza aldarrikapenen logika kolektiboa, eta balizko porrota ez litzateke haien alde dauden katalanen porrot hutsa. Espainiar akzio politikoak egiten dituen aldarriak irakurri besterik ez dago, norgehiagoka Estatuaren eta Katalunia osoaren artekoa izango dela jabetzeko. Hortaz, azkenik Kataluniako herritar guztien multzoak irabazi edo galduko du partidua,erabakitzeko eskubidearen aurkakoek barne. Eliteek, interes gehien dutenek, galtzeko gehiago ere badute. Independentziaren alde edo aurka joka dezakete, baina ez burujabetzaren kontra. Haien patua eta Kataluniarena erabat lotuta daude. Pentsatu egin behar lukete horretaz.


Rafael Nadal i Farreras kazetaria eta idazle katalana, El Periódico de Catalunya egunkariko zuzendari izan zen. Egun La Vanguardiako zutabegile da eta berton argitaratu zuen honako artikulua 2013ko abenduaren 13an.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal honetan artxibatua: Katalunia independentziarantz

Katalunia independentziarantz kanaletik interesatuko zaizu...
2019-04-09 | ARGIA
TV3 eta Catalunya Radio, auzipetuen aulkian

Urriaren 1eko erreferendumarekin loturan, bi hedabideotako zuzendariak auzipetu dituzte. Orotara 32 dira auzipetuak.


2019-04-09 | Z. Oleaga
Herritarren boteretzearen kronika amaitu gabea

Hala Bedi, La Directa, ARGIA: hiru komunikabide independiente bildu ziren maiatzaren 5ean Gasteizen. Aitzakia, ARGIAren mendeurreneko ospakizunak; tokia, Hala Bediren lokal berria; zitaren xedea, prozesu katalanaz ikastea La Directako Jesus Rodriguez kazetariaren eskutik. Hamarnaka pertsonek entzun zituzten Rodriguezen hausnarketak, katalanez edo euskarara itzuliak, Maria Coleraren, Itzulipurdika kolektiboaren eta EHNE sindikatuaren laguntzari esker.


2019-04-07 | Z. Oleaga
Jesús Rodriguez, La Directa-ko kazetaria
"Eraldaketa sozialaren borroka eta independentzia erabat lotuta doaz egun"

Jesús Rodriguez Selles pertsona ezaguna da Kataluniako kazetaritzan. 1996. urtetik ari da informazioaren munduan lanean eta militatzen, beti ere prentsa konprometitu eta tokikoaren lubakitik. Hamabost urte dira La Directa komunikabidearen oinarriak jartzen hasi zela hainbat kiderekin batera. Apirilaren 5ean Gasteizen izango da, ARGIAk eta Hala Bedi irratiak elkarlanean antolatutako hitzaldian hizlari. Elkarrizketa hau ere bi hedabideotan aurkituko duzu, Hala Bedin irrati-elkarrizketa... [+]


2019-04-04 | ARGIA
Lazo horiak kendu dituzte ertzainek legebiltzarreko leihoetatik, Bakartxo Tejeriaren aginduz

EH Bilduren bulegoan zeuden jarrita preso katalanen aldeko ikurrak. Eraikineko segurtasun zerbitzuek kendu dituzte Eusko Legebiltzarreko presidente Bakartxo Tejeriaren ebazpen bati jarraiki.


2019-04-02 | Xabier Letona
Espainiako Polizia CUPeko zuzendaritzan zelatari bat sartzen saiatu zen

2017ko udaberrian izan zen, urriko erreferendumaren aurretik eta infiltrazioaren helburua kontsultari buruzko datuak biltzea zen, Kataluniako La Directa hedabideak jakinarazi duenez.


2019-04-02 | ARGIA
"Kataluniako prozesua eta garaipenaren ikasbideak" hitzaldia apirilaren 5ean Gasteizen

La Directa hedabideko Jesús Rodríguez kazetari zailduak emango du, 18:30ean Hala Bediren lokalean. Hala Bedik eta ARGIAk elkarlanean antolatu dute eta ARGIAren mendeurrena ospatzeko ekitaldietako bat da.


2019-03-27 | ARGIA
Torraren aurkako kereila jarri du Kataluniako Fiskaltzak, desobedientzia egotzita

Hauteskunde Zentralaren aginduak “kontzienteki eta apropos” aintzat ez hartzeagatik eta Generalitateko eraikinetatik preso politikoen aldeko xingola horiak garaiz ez kentzeagatik, desobedientzia leporatu dio Fiskaltzak Quim Torra presidenteari.


2019-03-24 | Karmelo Landa
Zer aldatu da, zer alda daiteke?

Sendo itxura ematen duten egitura politikoak ere ez dira betiko izaten. Europar Batasuna kilin-kolon dabil. Espainiako Estatua, berriz, zalantza-balantzan. Zer aldatu da, bada? Euskarriak.

Estatu espainiarrari begira, 78ko Erregimena deituak bi operazio nagusi burutu zituen finkatze-bidean. Bata, langile mugimendua integratzera abiatua, ezkerreko alderdiekin eta sindikatuekin itunak egin,  haiek estatu zaharberrituaren muga estuetara erakarriz. Bigarrena, aldiz, estatu barruko nazioak... [+]


2019-03-24 | Saioa Baleztena
Betona Comín. Duintasuna aldarri
"Errepresioaren lehen erronka betidanik izan da banaketa"

Frankismoak jazarritako Alfonso Comín kazetari eta politikariaren alaba, eta Toni Comín ERCko diputatu erbesteratuaren arreba da Betona Comín (Bartzelona, Herrialde Katalanak). Mundu duinagoaren aldeko borrokan, Giza Eskubide Zibilen Aldeko Elkarte Katalaneko kidea, ANCko idazkari nazionala eta Omnium Culturaleko bazkidea da.


ASTEKARIA
Azkenak
EGILEA
Eguneraketa berriak daude