Hizkuntza gutxituen komunitatetako ordezkariak Argian

Hizkuntza gutxituen komunitateetako kideak
Hizkuntza gutxituen komunitateetako kideak

Urriaren 11n, Garabide elkartearekin bisitan izan ziren Argiaren Lasarte-Oriako egoitzan kultura ugaritako kideak, hala nola kitxuak, nasak, kaqchikelak, nahuatlak, maiak, movidak, kurduak eta amazighak. Sarrera moduan Argiako esperientzia azaldu zieten Pello Zubiriak, Lander Arbelaitzek eta Estitxu Eizagirrek. Mahai bueltan bukatu zen bisitaldia, eta hizkuntza gutxituek paperean, webguneetan, sare sozialetan eta multimedian baliabide urriekin landu ditzaketen aukerez iritzi trukea egin zuten. Hafed Fates amazighak kontatutako ipuinak eta Marco León Siza kitxuak eginiko gogoetak jarri zuten amaiera. Harremana abiatuta, aurrerantzean bata bestearen lana elikatzeko pozez agurtu zuten elkar bisitariek eta etxekoek.

Hizkuntza gutxituetako kideak Garabide elkarteak gonbidatuta iritsi dira Euskal Herrira, kooperazio linguistiko-identitarioa helburu dutela.  Jatorrizko Hizkuntza Biziberritzeko Estrategiak Aditu Titulua egiten ari dira Eskoriatzako HUHEZI fakultatean. Abenduaren 5a arte izango dira hemen. Iaz batik bat Hego Amerikako ordezkariak izan ziren. Aurten gonbidatu berriak ordezkari kurdua eta amazigha dira. Garabide elkarteak euskalgintzak hizkuntza eta identitate minorizatuen biziberritze, berreskurapen eta sendotze bideak indigena komunitateekin elkarbanatzea du helburu.


Azkenak
2024-03-31 | Julen Azpitarte
Zinearen historiako film-kontzerturik “onena”

Oscar sari andana jaso zuen The Silence of the Lambs (1991) thriller-a zuzendu zuen Jonathan Demme (1944-2017) zinegile estatubatuarrak estreinatu zuen zineak inoiz eman duen kontzerturik onena: 1970eko hamarkadaren erdialdean New Yorken eratutako Talking Heads taldearen Stop... [+]


"Enpresa pribatuen esku utzi da segurtasun publikoaren norabidea"

Ertzaintzaren azken hamarkadako bilakaera teknologikoa aztertu du bere liburu berrian Ahoztar Zelaieta ikerketa kazetari, kriminologo eta ARGIAko kolaboratzaileak. Segurtasunaren industria ikertu eta Ertzaintzarekin duen lotura plazaratu du, La Ertzaintza que viene... [+]


Campi Bisenzioko GKN fabrikan batu dituzte langile borroka eta ekologismoa

2021eko uztailaren 9an jaso zuten kanporatze abisua Campi Bisenzioko GKN lantegiko 422 langileek. Biharamunean berean abiatu zuten fabrikaren okupazioa eta orduz geroztik bertatik dabiltza borrokan, deslokalizazioaren aurkako borroka zena bestelako industria eredu baten aldeko... [+]


Judith Bilelo Biachó
"Erakundeek ez digute lagunduko, guk geure hizkuntzan hitz egitea lortzen ez badugu"

Judith Bilelo Biachó gure artean izan zen iragan udazkenean, Garabideren Aditu programaren karietara. Ekuatore Ginean jaioa (Malabo, Bioko, 1975), bubi etniako kide da, bubiera hiztun eta hizkuntzaren aldeko militantea. Iraganaz bezainbat mintzo da orainaz, geroari... [+]


Eguneraketa berriak daude