Herri Harresiari jarriak


2013ko maiatzaren 12an

Doinua: Neska zahar bat tentatzen

Askegunean bistan
gure gabeziak:
kazetariak kolpez,
mehatxuz heziak;
Lander Arbelaitzentzat
tratu bereziak,
kamerak ekintzatik
ondo bereiziak…
hemen nork eraikitzen
ditu harresiak?

Ertzainen harresia
ez al da zentsura
egia makurtzean
bortxaren zentzura?
Zein da kazetari on
baten sinadura:
egia bat bertsio
baten zerbitzura
edo dena zalantzan
jartzen duen hura?

Zer dio ETB1
zein ETB2ak?
Ikusia markatzen
du ikuspegiak,
kiosko ertzak edo
harresi erdiak
kolore desberdina
baitauka egiak
segun nondik zuzentzen
zaizkion begiak.


Kanal honetatik interesatuko zaizu: Argiako Bertso jarriak
2023-01-10 | Imanol Lazkano
Bertso berriak, txapelketako finalari jarriak

Abenduaren 18an, Euskal Herriko Bertsolari Txapelketako finaletik bueltan jarritako bertsoak.


Xanti Zabalari omenaldia martxoaren 16an
Bertso idatziei ahotsa emateko garaia

2019-03-03 | Miren Osa Galdona
Zeruko Argia eta ARGIAko bertso jarriak
Xanti Zabala "Lexo"ren emaria

2014-01-19 | Imanol Lazkano
Basarriren mendeurrenean
Doinua: Ari naizela

 

Bertsolaritza zeraman bere
bihotz eta bekokian
berrikuntza bat behar zuela
ere berak bazekian.
Ostatuetan jaio zen hura
txertatuaz antzokian
urrats berririk eman ez balitz
norabide... [+]

Eguneraketa berriak daude