Doinua: esne saltzailearena

Hamaika ikusteko
sortu omen gara (bis):
bandera española
udaletxetara.
Harridura ote da
edo hotz-ikara?
Zertarako bandera
balkoiean para?
Español bat bakarrik
herrian ez bada? (bis)

Bandera bat ez bada
herriak jasoa (bis)
bere onarpenean
dago arazoa
antzeztu nahi duzue
España osoa
trapu txiki batentzat
zer konpromisoa!
Lotsaz ajatuko da
bandera gaixoa (bis).

Ez hasi saltsa bila
kontu hau hartuta (bis)
“en lugar preferente”
jarriko dugu-ta:
Zer moduz elizako
pararraio punta?
Tximista sartzen bada
ez da gure kulpa.
Su hartzen baldin badu
San Pedrori multa (bis).