Frantziak badu bere Coppi

  • Raul Perez Martinez ::Jacques Anquetil

    Autoedizioa, 2012

    iraupena ::110 orrialde

Raul Perez Martinezen liburuaren azala: Jacques Anquetil
Raul Perez Martinezen liburuaren azala: Jacques Anquetil
Frantziako Tourra bost aldiz irabazi zuen lehendabiziko txirrindularia izan zen Jacques Anquetil (1934-1987). 1950eko hamarkadaren hasieran, Monsieur Cronok txiki utzi zituen Frantziak garai hartan zuen ziklista onenaren –Louison Bobeten– lorpenak. Bien arteko lehiaz mintzo da Raul Perez Martinez donostiarra, baita Raymond Poulidor Betiereko bigarrena bezala ezaguna zen txirrindulariarekin zuen harremanaz ere. Ezin daiteke bietako bati buruz hitz egin bestea aipatu gabe. Errepidean etsai, lehiatik kanpo adiskide, halaxe bota zion hilzorian zen Anquetilek Poulidorri, erietxera bisitan joan zitzaionean: “Mundu honetatik joateko tenorean ere, zu nire atzetik”.

Azaroaren 18an beteko dira 25 urte Anquetil hil zela, eta urteurren hori gogoan, haren euskarazko biografia plazaratu du Perezek, txirrindulari frantziarraren gaztarotik hasi eta erretiro osteko garaietaraino. Tartean, 1969ko Euskal Herriko Itzuliari buruzkoak, hura izan baitzen Anquetilek irabazi zuen sona handiko azken lasterketa. Arerio, entrenatzaile eta zaletuekin zuen harremana, dopin kontuak –bai, garai hartan ere matraka ederra ematen zuen gai horrek–, egindako parrandak eta kazetariek idatzitakoak dakartza besteak beste Perezek. Haietako batena da “Frantziak badu bere Coppi” goiburua, italiar handiaren pareko ziklista bazutela adierazteko erabili zuena.

Liburuaren hitzaurrea Txomin Perurena ziklista ohi eta EITBko esatariak idatzi du, eta epilogoa Anquetilekin tropelean ibili zen Luis Otaño errenteriarrak.

Azkenak
2024-03-31 | Julen Azpitarte
Zinearen historiako film-kontzerturik “onena”

Oscar sari andana jaso zuen The Silence of the Lambs (1991) thriller-a zuzendu zuen Jonathan Demme (1944-2017) zinegile estatubatuarrak estreinatu zuen zineak inoiz eman duen kontzerturik onena: 1970eko hamarkadaren erdialdean New Yorken eratutako Talking Heads taldearen Stop... [+]


"Enpresa pribatuen esku utzi da segurtasun publikoaren norabidea"

Ertzaintzaren azken hamarkadako bilakaera teknologikoa aztertu du bere liburu berrian Ahoztar Zelaieta ikerketa kazetari, kriminologo eta ARGIAko kolaboratzaileak. Segurtasunaren industria ikertu eta Ertzaintzarekin duen lotura plazaratu du, La Ertzaintza que viene... [+]


Campi Bisenzioko GKN fabrikan batu dituzte langile borroka eta ekologismoa

2021eko uztailaren 9an jaso zuten kanporatze abisua Campi Bisenzioko GKN lantegiko 422 langileek. Biharamunean berean abiatu zuten fabrikaren okupazioa eta orduz geroztik bertatik dabiltza borrokan, deslokalizazioaren aurkako borroka zena bestelako industria eredu baten aldeko... [+]


Judith Bilelo Biachó
"Erakundeek ez digute lagunduko, guk geure hizkuntzan hitz egitea lortzen ez badugu"

Judith Bilelo Biachó gure artean izan zen iragan udazkenean, Garabideren Aditu programaren karietara. Ekuatore Ginean jaioa (Malabo, Bioko, 1975), bubi etniako kide da, bubiera hiztun eta hizkuntzaren aldeko militantea. Iraganaz bezainbat mintzo da orainaz, geroari... [+]


Eguneraketa berriak daude