Lapur herri bati jarriak

I
Denak itotzen direnean ez
direnez denak itoko
Zu Botswanara, nola dituzun
elefanteak gustoko
Botila ardo bat bizkarrean
eskopetarekin pronto
Lagunentzako Juan Carlos eta
gure herrian: Juan Tonto!


 

IV
Lehen Aznarren eskuin eskua,
heldu zenean agurra
Bankian buru jarri zintuzten
nonbait gizon bat zuhurra.
Kargua utzi duzu nola ez
den lantegi bat xamurra
Lagunentzako Rodrigo Rato,
nire herrian: Lapurra!

 

II
Zarzuelara iritsi zinen
printzesa baten maitale
Aizoon enpresa, ezkontza opari,
maite zintuzten seinale
Email ezkutu, Suitzako kontu,
faktura faltsuen zale..
Lagunentzako Iñaki eta
nire herrian: Ebasle!



V
Justiziaren buru izate
horrek ze karga berekin...
Baretu behar estresa eta
Marbellan, goxo, atsegin.
Urrezko hotel, marisko bero,
xanpain koparekin...txintxin!
Prostitutentzat Don Divar eta
nire herrian: Esku zikin!

 

III
Erreskatatu ostean banka,
aspaldian erdi gaixo...
Biharamunez Poloniara,
irribarretsu: Czesk (kaixo)
Printzipe baten aldamenean
zuen selekzioari so
Lagunentzako Mariano eta
nire herrian: Txorizo!




 

VI
Gürtel kasua, Campsen trajeak
barregarri, lotsagarri...
Gai honi buruz ahal nituzke
nahi adina bertso jarri.
Lapur herri bat da Espainia
herriz herri, zerriz zerri
Eta gureak ez du izan nahi
lapur-herri baten herri.
 

   

Doinua:  Agur sagar beltzaran.

Bidali zure sortak bertsoak@argia.eus helbidera. Aukeratuak orri honetan argitaratuko ditugu.


Kanal honetatik interesatuko zaizu: Argiako Bertso jarriak
2023-01-10 | Imanol Lazkano
Bertso berriak, txapelketako finalari jarriak

Abenduaren 18an, Euskal Herriko Bertsolari Txapelketako finaletik bueltan jarritako bertsoak.


2019-03-01 | Miren Osa Galdona
Zeruko Argia eta ARGIAko bertso jarriak
Xanti Zabala “Lexo”ren emaria

Xanti Zabalari omenaldia martxoaren 16an
Bertso idatziei ahotsa emateko garaia

2014-01-16 | Imanol Lazkano
Basarriren mendeurrenean
Doinua: Ari naizela

 

Bertsolaritza zeraman bere
bihotz eta bekokian
berrikuntza bat behar zuela
ere berak bazekian.
Ostatuetan jaio zen hura
txertatuaz antzokian
urrats berririk eman ez balitz
norabide... [+]

Eguneraketa berriak daude