1963:”Itsasuko Ageria”. Gerra osteko lehen Aberri Egun publikoa.
1964:Gernikan milaka lagun elkartu ziren EAJ eta ETAk deituta. Haritzaren aurrean makurtuta dagoen gaztearen irudiak munduari bira eman zion (Argia honetako azala).
1966:ETAk Irun-Hendaiara deitu zuen bere kabuz, Aberri Egun iraultzaileagoa bultzatzeko asmoz.
1969: Aurreko urteko errepresioaren ondorioz, EAJk ez zuen deialdi publikorik egin. Boikot urtea.
1974:Leizaola lehendakaria Gernikan izan zen.
1978:Lehen Aberri Egun legala ospatu zuten alderdi guztiek elkarrekin.
1980:Herri Batasunak eta beste zenbait alderdik Donostian deituriko Aberri Eguna galarazi zuen Espainiako Gobernuak.
1982:Lehen Aberri Egun ofiziala. Alderdi estatalistek jada ez dute ospakizunerako deialdirik egingo.
1987:Zatiketa EAJn. Eusko Alkartasunak Anoetako Belodromoan egin zuen ekitaldi nagusia.
1989:Herri Batasunak 60.000 lagun elkartu zituen Iruñean autodeterminazioaren alde. Aljerreko negoziazioek porrot egin zuten.
1995:ELA eta LAB sindikatuek komunikatu bateratua plazaratu zuten. Hiru urte geroago beste agiri bat kaleratuko dute. Sindikatu abertzaleen arteko aliantzaren hasiera.
1999:Lizarra-Garaziko akordioa. Udalbiltza udal hautetsien biltzarrak deituta Aberri Egun bateratua egin zuten udalerri guztietan indar abertzaleek.
2002: AB, Aralar, Zutik, EA eta Batzarrek agiria kaleratuko dute ETAri su-etena eskatuz. Aberri Eguna nork bere aldetik ospatu zuen.
2010: Independentistak sareak Irun-Hendaian 14.000 lagun elkartu zituen. EA, ezker abertzalea, LAB, Nazio Eztabaidagunea eta beste hainbat eragileren babesa izan zuen. 2012an Iruñean egingo du Aberri Eguna eta Aralar, Alternatiba eta AB ere gelditu dira deialdira.