Dakidan bakarra

Elkarrizketa bat ikusi berri dut: Wikileaks eraitsiaz (Desmontando a Wikileaks) liburuaren egile Daniel Estulini Kataluniako telebistan egina. Ezer ez omen da dirudiena. Eta ustez banekien. “Niri ez didate sartuko...”. Baina zeharbide sasi-alternatiboetatik zerbait iritsi orduko, barrura: “Ikusten? Esaten nizun nik...” Eta plasta! Orduan sartzen dugu hanka. Ohartzeke noski, begi aurrean sortu diguten antzezpenak geruza bakarra zuelakoan, eta hura saihestu izanaz harro. Ba harrapazak! Wikileaks ere jokoaren parte omen da.

Michael Moore aipatzen du elkarrizketan, eta haren Fahrenheit 9/11 filma. Hark ni ere ez ninduen konbentzitu. Hain erraza zirudien... Bakeroak bilakatzen ziren gaizto, eta indioentzat ziren loreak. Betiko eskema, pertsonaiak elkar-trukatuta, besterik ez. Errazegia.

Dirudienetik denera bidean, Victor Erizeren lan bat datorkit gogora: La morte rouge. Eta nondik sortu zitzaion: bere haurtzaroan zineetan, filmaren aurretik No-Doa proiektatzen zen (baita beste jenerazio askorenetan ere tamalez). Berri haiek egiatzat jasotzen zituzten haurrei, errealismo-fikzioaren mugetan lausotzen zitzaien jarraian ikusten zuten filma. Zer zen asmatua, eta zer erreala? El espiritu de la colmena filmean ere jolastu zuen bi munduokin Erizek, Frankensteinen munstroa pantailatik haurraren errealitatera ekarriaz.

Umetzat beti izan dut nire burua, baina errealitatearen eta fikzioaren arteko muga argi trazatua nuelakoan nintzen. Banekien No-Doak errealetik ez zuela Michael Mooren dokumentalek baino gehiago. Eta harro nengoen: “Niri ez didate sartuko...”. Bigarren antzokian lasai, txotxongiloen hariak ikusten nituelakoan. Eta bai zera! Show honetako Truman bat gehiago naizela esan dit Daniel Estulin delako horrek. Ikusten dudana ez dela benetan gertatzen ari.

“Ezer ez dakidala da dakidan bakarra”. Baina pentsalariak ere ez dakit bere maxima lortuko ote zukeen informazioz biziatutako gizarte honetan. Gure amak beti esan ohi du gertakari bakoitza aztertzerakoan, mesederik gehien nori egiten dion galdetzearekin aski dela. Eta Interneten begiratu dut: Estulinen liburuek izugarrizko arrakasta dute.


Kanal honetatik interesatuko zaizu: Wikileaks
Kristinn Hrafnsson Assangeren emaztea: "Estraditatzen badute, hil egingo da"

Otsailaren 20an eta 21ean Erresuma Batuko Justizia Auzitegi Gorenak erabakiko du Julian Assangeren estradizioak bide librea duen ala ez. Teorian bederen, hori izango da azken aukera juridikoa kazetari australiarra AEBetara estraditatuko duten ala ez erabakitzeko.


Assange AEBetara estraditatzeko argi berdea eman du Erresuma Batuko gobernuak

Erresuma Batuko Barne ministro Priti Patelek argi berdea eman dio Julian Assangeren estradizioari. Iragan martxoaren 14an eman zuen estradiziorako baimena herrialdeko Auzitegi Gorenak, baina orain heldu den gobernuaren iritzia falta zen.


2022-04-20 | ARGIA
Julian Assange AEBetara estraditatzeko baimena du Erresuma Batuko justiziak

Gobernuak erabaki behar du orain Wikileaks-eko sortzaileetako bat den Assange estraditatuko duen edo ez. Erabakiari helegitea jarriko diote bere abokatuek.


Nils Melzer, NBEko torturaren inguruko kontalari berezia
"Kazetari guztiak beldurtzea da Assangeren aurkako epaiketaren helburua"

Nils Melzer NBEko torturaren inguruko kontalari bereziak Julian Assange kazetariaren kasua ikertu du. Ikerketa horren xehetasunak azaldu zituen lehen aldiz 2020ko otsailean Suitzako Republik hedabide independenteko Daniel Ryser kazetariak egindako elkarrizketa zorrotz eta... [+]


2021-01-07 | Axier Lopez
Julian Assangek espetxean jarraitzea agindu du Erresuma Batuko Justiziak

WikiLeakseko sortzaileetakoak espetxean jarraitu beharko du. Hala erabaki du astezkenean Londresen Vanessa Baraitserrek, astelehenean Assange AEBetara ez estraditatzea erabaki zuen epaile berak.


Eguneraketa berriak daude