2020ko uztailaren 03a
Marseillako eta Montpellierreko lau ikerlari taldek, The Journal of Clinical Investigation aldizkarian argitara emandako artikuluan, sudurreko zelula amek garuneko lesioak osatzeko duten erabilgarritasunaren berri eman dute.
Ikerlariok amnesia eragin zieten sagu batzuei, eta ondoren gizakien sudurreko zelula amak txertatu zituzten haien garunean edo likido zefalorrakideoan. Handik tarte batera, saguek amnesia eragin aurreko portaera berreskuratu zuten, hau da, objektu baten kokapena memorizatzeko gaitasuna, usaimenaren bidezko orientazioa... berreskuratu zituzten.
Bestalde, ekipo australiar batek, aipatu teknikaren antzekoa erabiliz, aurrerapenak lortu ditu saguen entzumenean. Badirudi sudurreko zelula amen bidea oso fruitu interesgarriak ematen ari dela.
Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.
Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!
