Hosto eta orri artean
ANTTON KAZABON ::Letrak elurretan
elkar
orrialdeak ::72
prezioa ::9,80€
Kazabonen liburu hau opor horien kontaketa dugu, nola iritsi zen Edurne; nola hasi zen inguruak ezagutzen Denisen laguntzarekin; nola ikasi zuen neskak zerua irakurtzen: “goiz gorri, arratseko euri” (45. orrialdea); lurreko markak irakurtzen: “ikusten al dituzu lurreko marka hauek? Lur gorri hauek guztiak, gauez basurdeek janari bila, muturrarekin harrotutakoak dira” (30. orrialdea); antzaren jokabidea irakurtzen: “hotza datorrela. Eta bihar bertan, beharbada, elurra mara-mara egingo duela. Antzarak oso azkarrak dira, eta neguko hotzaren kilimak atzetik sentitzen dituztenean, ihes egiten dute, eguraldi hobearen bila” (23. orrialdea).
Egunak joan ahala irakurlea mendiko bizimodua ezagutzen joango da, Edurneren eta Denisen arteko harremanaren ondorioz natura ere hobeto ezagutuko du; baina baita bi neska-mutikoen artean sortzen ari den sentimendua ere, adiskidetasuna baino sendoagoa dena.
Antton Kazabonek gertakariz, abenturatxoz osaturiko idazlana eskaintzen digu, oso erraza egituran (egunero gertatzen diren kontuak azaltzen baititu, orden kronologiko batean) eta sinplea idazkeran, elkarrizketen bidez informazio asko helaraziz (eta horrek, besteak beste, testuari arintasuna ematen dio, erraztu egiten du irakurketa biziagoa bilakatuz). Baina sinpletasun horretan bada mezu bat baino gehiago; adiskidetasunaz, ekologiaz, naturaren ezagutzaz… Baita kulturari buruzko gogoeta ere. Edurnek Denisi irakatsi behar dio letrak irakurtzen, letrak idazten; baina Edurnek berak askoz gauza gehiago irakurtzen ikasten du Denisek irakatsita. Eta kulturaz, jakitun izateaz, bada gogoeta nahiko polita Edurne eta Denisen arteko elkarrizketa batean:
“–Bihar hasi beharko dugu, Edurne. Ez badut irakurtzen ikasten, bizitza osoan ezjakin hutsa izango naizela esango dit aitonak. Nik ez dut horretarako batere gogorik, baina… Badakizu, ni hosto eta orbel artean gustura ibiltzen naiz, baina liburuetako orri artean… Ez dakit nola moldatuko naizen.
–Zu ezjakina? Nahi nuke nik zuk adina jakingo banu” (41-42. orrialdeak).
Irakurketa goxo eta arin horretan oso lagungarriak dira, bestalde, Jokin Larrearen irudiak, egoera ederki islatzen duten zuri-beltzeko irudi lortuak eta liburuaren tonuarekin bat egiten duten ilustrazio ederrak.
Europa barruan hegaldiak hartzea trenez bidaiatzea baino 26 aldiz merkeagoa izan daiteke, 31 herrialdetako 142 ibilbidetan oinarritutako Greenpeaceren ikerketa baten arabera. Hegaldien zerga pribilegioei egotzi die desparekotasuna, eta trenbidea merketzeko neurriak eskatu ditu.
Israel Gazan egiten ari den genozidioaren aurkako mezuak adierazteagatik mota askotako errepresioa jasan du Irlandako Kneecap musika taldeak: Liam Óg Ó hAnnaidh kidea asteazkenean epaitu zuten, Londresen emandako kontzertu batean Hezbollah miliziaren bandera... [+]
ELA, LAB, ESK, Steilas, Hiru eta Etxalde sindikatuek aurkeztu dituzte Herri Ekimen Legegilearen sinadurak Eusko Legebiltzarrean. Orain pilota alderdien teilatuan dagoela esan dute, eta herritarren borondatea kontuan izatea eskatu diete.
Israelgo armadaren barne agiri batean agertzen diren datuek diote Gazan hil dituzten sei palestinarretatik bost zibilak direla, azken hamarkadetan aurrekaririk ez duen sarraskia izanik. Israelgo zerbitzu sekretuek maiatzean zioten armadak Hamaseko eta Jihad Islamikoko 8.900... [+]
Bilboko Konpartsek elkarretaratze jendetsua egin dute Arriaga Antzokiren aurrean azken egunetako eraso sexisten aurka egiteko. Konpartsek adierazi duten arabera, erasoak kopuruz eta intentsitatez handitu dira. Aste Nagusiaz gozatzera gonbidatu dituzte herritarrak, eta... [+]
Youssef Al-Zuq munduko preso gazteena izandakoaren bizitza Gazako zigor zikloaren ikur da. Al-Zug 2008an jaio zen kartzelan, ama atxilotu eta epaiketarik gabe espetxeratu ondoren. Uztailaren 12an hil zuten Israelen bonbardaketa batean.
Abuztua heldu zaigu, irakurle. Oporretan zaude eta zuretzako denbora gehiago daukazu? Edo agian ez daukazu denborarik, oporrak planez bete dituzulako? Edozein modutan, kontuz! Egungo bizimoduaren psikologizazioak edonon sailkatzen ditu sindrome berriak, eta oporraldiak ez daude... [+]
Durangoko Ernaik salatu du Txiki eta Otaegiren muralaren kontrako erasoa. Ostegun arratsaldean murala berregiteko dei egin dute.
Turingia estatuko Auzitegi Gorenak ebatzi du Buchenwald konzentrazio esparruko memorialak eskubidea duela kufija daraman edonori sarbidea ukatzeko, "judutar ugariren segurtasuna" arriskuan jarri baitezake.
.jpg)
Mexikoko mugako hesia beltzez margotu du AEBetako Gobernuak. Lehenengo brotxakadak ematera bertaratu da Segurtasun Nazionaleko idazkaria bera, Kristi Noem. Neurri horren bidez, hesiaren tenperatura igo nahi dute, eta horrela migratzaileen pasabidea zailtzeko.
Garmendi mendi gidaritza zerbitzuaren bitartez zeharkaldi eta ateraldiak antolatzen ditu Ibai Iturriak. Argitara eman diren datuekin kezkatuta, mendian "kontzientziaz eta arduraz" jokatzearen beharra azpimarratu du.
Ez kobratzea, nagusiaren senideen etxeak garbitu behar izatea, lantokian lo egin behar izatea, irainak... Luxuzko jatetxeko esklabotza-baldintzen lekukotzak argitara ateratzen jarraitzen dute Urola Kostan.
Erakunde palestinarrak astelehenean jakinarazi zuen ohar batean Egiptoko eta Qatarreko bitartekariek proposatutako su-eten akordioa ontzat jo duela. Israelgo armadak, ordea, dagoeneko inguratuta dauka Gaza hiria, eta han dauden palestinarrei urriaren 7ra arteko epea eman die... [+]