Klasikoena menderatuta, zirrikituetatik barrena

  • Audience :: A shake in calm water

    Bidehyts

    iraupena ::47´11´´

    prezioa ::10€

Zur eta lur gelditu naiz Gernika eta Busturia aldeko beterano hauen azken aurreko lana entzuterakoan. Taldea hasi zenetik, aspaldi, galduta nituen; eta ondo heldutako boskotea aurkitu dut, uste baino ildo klasikoagoan, baina hala ere esperimentatzen. AEBetako sustraietan, country, rock eta bluesean egiten dute igeri, baina Argentinako eta Balkanetako erritmoetara zein kutsu latinoagoak dauden hondarretara ere heltzeko gai dira. Jazza ere ez dago beraien uretatik urrun, berdin dio saxoa edo pianoa badute lagun; eta intentsitateekin eta giroekin ere ederto esperimentatzen dute. Horren adibide garbiena da taldea akustikoan ikustera joan eta perfekziotik, soinu gardenenetik, abiatuta nola hazi eta okertzen doan. Ea bada, Amerikanoak filmaren soinu bandarekin zer iradokitzen diguten!

www.myspace.com/wareaudience
Audience
"“Eusko gudariak” abesti bikaina da, Euskal Herriko “Blowing in the wind”"

Zerk eragin diezaioke taldeari “dardara bat ur bareenean”?


Hainbat gauzek eragin dezakete dardara, bizitzaren parte gehiena dardararekin alderatzen da. Hala ere, disko honetan ur bareetara heldu garen ideia gailentzen da, badaukagu gure soinua eta abestiei aurre egiteko gure era, bostok uler dezakegun lengoaia propioa, eta horretaz baliatuz egiten diegu aurre eta sortzen ditugu dardarak.

Distortsio eta dezibelioetatik at, sonoritatearen gardentasunak erakartzen zaituzte?


Guk ez daukagu hain gardenak garen ideia hori, alde basati bat ere badugula pentsatzen dugu, non perfekziotik urruntzen garen. Zuzenean aurkezten dugu gure aurpegi hau eta gure erronka da alde hori diskoan isladatzea.


Nolako erronka izan da Amerikanoak filmaren soinu banda egitea?


Oso aberasgarria. Gure musikak beti izan du kutsu zinematografikoa. Aurretik antzezlan zein film laburren bati musika jarri diogu, baina film luze baterako musika originala sortzea aspalditik eskatzen ibili garen proiektua izan da. Gainera, lagunen proiektua da. Irudiek eta musikak joan eta etorriko bidaia planteatzen dute, joana, euskal emigranteak bizi berri baten bila egindako bidaia, bueltako bidaia AEBetako eraginak jota Gernikako bost lagunek sortutako musikak islatzen du.

Betiko kantuak iluntasun eta intentsitate karga badu ere, abesteko eran eta melodiatan Iparraldeko folka gogora ekarri dit…


Ez zara horretan erreparatu duen bakarra... Ez daukagu hain argi, baina hain da txikia musiken arteko distantzia... Edozein kasutan Betiko abestia oso berezia eta bitxia da, abesti psikodelikoa. Euskal folklorea geure parte da eta gauza bikainak aurkitzen ditugu bertan. Adibidez, bertsoak, poesia, musika eta inprobisazioa nahasten ditu. Bestalde, Eusko gudariak abesti bikaina da, Euskal Herriko Blowing in the wind.

Azkenak
2024-03-31 | Julen Azpitarte
Zinearen historiako film-kontzerturik “onena”

Oscar sari andana jaso zuen The Silence of the Lambs (1991) thriller-a zuzendu zuen Jonathan Demme (1944-2017) zinegile estatubatuarrak estreinatu zuen zineak inoiz eman duen kontzerturik onena: 1970eko hamarkadaren erdialdean New Yorken eratutako Talking Heads taldearen Stop... [+]


"Enpresa pribatuen esku utzi da segurtasun publikoaren norabidea"

Ertzaintzaren azken hamarkadako bilakaera teknologikoa aztertu du bere liburu berrian Ahoztar Zelaieta ikerketa kazetari, kriminologo eta ARGIAko kolaboratzaileak. Segurtasunaren industria ikertu eta Ertzaintzarekin duen lotura plazaratu du, La Ertzaintza que viene... [+]


Campi Bisenzioko GKN fabrikan batu dituzte langile borroka eta ekologismoa

2021eko uztailaren 9an jaso zuten kanporatze abisua Campi Bisenzioko GKN lantegiko 422 langileek. Biharamunean berean abiatu zuten fabrikaren okupazioa eta orduz geroztik bertatik dabiltza borrokan, deslokalizazioaren aurkako borroka zena bestelako industria eredu baten aldeko... [+]


Judith Bilelo Biachó
"Erakundeek ez digute lagunduko, guk geure hizkuntzan hitz egitea lortzen ez badugu"

Judith Bilelo Biachó gure artean izan zen iragan udazkenean, Garabideren Aditu programaren karietara. Ekuatore Ginean jaioa (Malabo, Bioko, 1975), bubi etniako kide da, bubiera hiztun eta hizkuntzaren aldeko militantea. Iraganaz bezainbat mintzo da orainaz, geroari... [+]


Eguneraketa berriak daude